Ó longo das últimas semanas, na nosa aula, sucedeu todo isto que xa vos comentamos en entradas anteriores:

• 29/10/21: [Infantil xuntos] (2020-2021) Polo Samaín creamos unha casiña de cocholate “xigante” e participamos nos obradoiros do centro 
• 29/10/21: [Infantil xuntos] (2021-2022) Celebramos os aniversarios do mes de outubro en Infantil. 
• 19/10/21: (2021-2022) Experimentamos coa luz negra. Xa podes ver o vídeo que creamos explicándoo.
• 01/10/21: (2021-2022) Acordamos e refacemos as normas da nosa aula 
    

Pero ademáis, no día a día en Infantil 2, tamén tivo lugar todo o que vos contamos de seguido do que, de seguro, xa vos falaron os vosos fillos e fillas:

O encargado de cada día ten moitas reponsabilidades ese día: ordenar as letras do seu nome na árbore do encargado, completar o calendario online co seu canet QR (marcar o tempo, temperatura, quen está no colexio e quen falta, datas sinaladas, aniversarios...), organizar as entradas e saídas, etc.

Por suposto tamén se encarga de que todos e todas lavemos as mans con xabón.

E non pode esquecerse de darlle de comer ás nosas tartarugas: RAYO e EVAN.

Diariamente comentamos todo o que queiramos na nosa asamblea diaria, onde aprendemos respectar as quendas de palabra, as opións dos outros e, sobre todo, desenvolvemos a nosa expresión e comunicación oral.

Obviamente existen outros momentos ó longo da xornada na que tamén existen momentos de diálogo, tanto en gran grupo como dentro dos equipos cooperativos, presentes en moitos dos traballos que levamos a cabo.

Comezamos a completar dicionario xigante, coas nosas palabras favoritas de cada letra. Deste xeito podemos ir completando tamén o noso diccionario individual, escollendo de entre todas elas as que queiramos incluír.

Este dicionario invidual comezámolo en 3 anos, cando entramos no colexio, e rematámolo cando imos para primaria. Desde xeito podemos ver como fomos evolucionando no noso proceso de aproximación á lecto-escritura, a medida que fomos medrando e madurando.

Para facelo decidimos, nun diálogo, entre todos e todas que palabras poñer, buscámolas no dicionario online, e imprimimos a foto grande (para o xigante), así como tantas pequenas como pensamos que precisaremos para os dicionarios individuais.

Comezamos o préstamo de libros da biblioteca de aula, que levamos para casa dos venres. Deste xeito cada un de nós escolle o libro que quere levar e, usando o seu carnet QR na aplicación da biblioteca online, consigue imprimir a portada do libro (se introduce correctamente o número do mesmo).

Con esa portada pode completar o seu libro de rexistos en papel. Segundo a idade completarán máis ou menos datos.

A profe ZAIRA, proponnos cada semana diferentes xogos para desenvolver a nosa "lóxica matemática".

Sempre son moi divertidos e nos que, habitualmente, traballamos por equipos. Con eles ademais de afondar no traballo de aspectos lóxico-matemáticos, tamén desenvolvemos a nosa atención, hábitos e cooperación e usod do diálogo para chegar a acordos.

Tamén adicamos algún anaco a xogar no EDI, como ó xogo de memoria, que permite que desenvolvamos a nosa atención e memoria, así como moitos outros: ós que tamén podedes xogar na casa, e que atoparedes no recanto de infantil desta mesma web.

Durante as merenda comezamos a facer o rexistro de "merendas saudables" que, tal como sucedera no curso pasado, organizou o profe PAULO.

Por suposto, tamén adicamos tempo da xornada ó xogo libre que permite a socialización, a resolución de conflictos, aprender a través do xogo simbólico..., tanto na aula como no patio, como por exemplo nos recreos.

Antes de rematar o mes, e xusto coincidindo coa semana na que celebramos o Samaín (que podes ver noutra entrada), participamos nas actividades organizada pola Biblioteca pública do Concello, para celebrar o "Día internacional das Bibliotecas"

Alí coñecimos a Cruz, a responsable da Biblioteca pública, quen nos tiña preparadas unha chea de propostas. 

Deste xeito rematou o mes de outubro, no que tamén, comezamos a "ogranizar" un novo proxecto de investigación que comezaremos a vindeira semana, e comezamos a traballar cos nosos robots educativos.

Pero diso xa vos iremos contando en próximas entradas deste blog.

Na última semana levamos a cabo na nosa aula o primeiro experimento científico do curso: Descubrimos como crear unha "luz negra".

Xunto ós compañeiros e compañeiras de EI1 miramos un vídeo onde aparecía este mesmo experimento, pero explicado por antigos compañeiros de infantil de cursos anteriores.

Despois de plantexar hipóteses sobre como se podía crear unha "luz negra", e para que servía. Seguindo os pasos indicados no vídeo e puxémonos mans á obra.

Pintamos entre todos e todas as 20 capas de cor azul con rotulador.

O equipo CONEJITO, que sería o encargado de crear o vídeo explicativo deste experimento, creou o cartel dos materiais necesarios, que logo empregaría durante a grabación.

Precisarás todo este material. 

Xa coa luz negra preparada, chegou o momento de debuxar, por equipos con rotuladores fluorescentes e azuis, en diferentes papeis. Como se verían coa luz negra?

Cando encendemos a "luz negra" observamos como os "fluorescentes brillaban", e os rotuladores azuis case non se vían.

Finalmente creamos un gran "debuxo" entre todos e todas, para probar, por última vez, se funcionaba a luz negra nun papel tan grande. 

Fomos comprobando como se vía cada un dos debuxos que creáramos coa luz negra.

Durante todas estas probas, o equipo CONEJITO, foi grabando as diferentes escenas para a creación do vídeo explicativo.

Así quedou o seu vídeo unha vez rematado. Atréveste a repetir este experimento na casa?

Tan só nos quedaba por completar o noso caderno de campo dos experimentos individual. Nel anotamos o material que empregamos, escribimos o nome do mesmo e o seu número, pregándolle unha fotografía nosa facendo o experimento.

Lembra que podes acceder ós vídeos de tódolos experimentos que facemos na aula desde aquí.

Nos útlimos días adicámonos a refacer as normas da nosa aula, para que os novos compañeiros e compañeiras puidesen tamén participar na súa elaboración.

Entre todos e todas fomos acordando as normas que deberíamos ter na aula, para que o profe as fose anotando no EDI. Finalmente rematamos con 8 propostas.

Fomos dramatizando cada unha das normas, como bos actores e actrices que somos, para logo poder usalas no panel das normas que iamos elaborar.

Tan só quedaba plasmalas nun mural para que todos e todas puidesen consultalas cando o precisasen.

Cada un dos equipos tivo que dialogar para acordar, e decidir, como pintar os catro "cadrados" que formaban a súa parte do panel. Acordando tamén cal das catro partes querían deixar de cor branca.

Despois de varios debates lograron chegar a un acordo entre os integrantes do equipo, e deron conta da súa parte do panel. 

Unha vez rematado este traballo en equipo, chegaba o momento de facer unha auto-avaliación "figuroanalóxica", para determinar que tal traballaran xuntos, e en que poderían mellorar.

Co panel de cores xa seco, chegou o momento de completalo coas fotos, das que eramos os protagonistas, e cos textos das normas que representaba cada unha das fotos.

Novamente, cada un dos equipos auto-avaliou o seu traballo, completando o panel do equipo; decidindo se falaron para chegar a acordos, se recolleron o material usado, se remataron a tempo e, sobre todo, se todos e todas participaron na tarefa realizada.

Tan só quedaba poñerlle un "título" ó panel, para que todos e todas soubesen para que servían todas esas fotografías.

Así quedou, unha vez rematado, o panel das normas da nosa aula deste curso. Xa podemos consultalas cando queiramos.

Levaremos para casa estas mesmas normas, nun formato máis pequeno (obviamente), para poder comentalas coas nosas familias, e que elas tamén as coñezan.

Ademais do que xa vos contamos na entrada anterior, na nosa aula, nestas primeiras semanas de clase, tamén creamos os novos equipos cooperativos deste curso.

Os primeiros acordos aos que tiveron que chegar, en cada equipo, foi decidir como ían chamarse. Non foi doado poñerse dacordo dentro de cada equipo, pero finalmente acordaron un nome co que todos e todas estaban dacordo.

Ademáis cada un dos equipos escolleu cal sería a súa cor "representativa", velaquí o que decidiron.

EQUIPO TORTUGA:

EQUIPO PATRULLA CANINA: 

EQUIPO CONEJITO: 

EQUIPO IRONMAN PRINCESA:

Cada un dos equipos tivo que preparar o seu panel, para poder facer a avaliación "figuroanalóxica"; polo que chegou o momento de acodar a forma de organizarse, para que todos e todas as integrantes do equipo participansen na elaboración.

Cada equipo tivo que pintar con témpera (coordinándose entre todos/as) da cor acordada, elexir unha imaxe para pegar no panel...

... recortar e pegar o nome do seu equipo e asinar cos seus nomes no panel.

Ata que finalmente deron rematado o panel do seu equipo.

Así de fantásticos quedaon os paneis dos diferentes equipos.

Xa están tódolos paneis listos, para comezar a traballar nos equipos e avaliar como o fixemos e en que podemos mellorar.

Ó longo das próximas entradas irémosvos contando todo o que faremos traballando en equipo.

Durante estes primeiros días de curso, voltamos a adaptarnos ás rutinas da aula, adicamos o tempo a coñecernos uns ós outros, e a que os novos compañeiros e compañeiras foran descubrindo todo o que suecede e podemos facer en Infantil 2.

Comezamos a xogar todos xuntos e epxlicándolle ós novos compañeiros e compañeiras todo o que podemos usar na nosa aula.

Descubrimos as normas da merenda, desenvolvendo as nosas habilidades de autonomía, inciativa e toma de decisións. 

Creamos os nosos novos carnets QR, que empregaremos ó longo de todo curso en diferentes tarefas (calendario online, rexistro da biblioteca...) , e como vos iremos contando en diferentes entradas deste blog.

Retomamos as rutinas do encargado, usando o carnet QR para acceder ó calendario online... e tivemos as nosas primeiras asambleas.

Non nos esquencimos do lavado habitual das nosas mans, por mor da COVID-19.

Encantounos poder xogar todos xuntos no patio nos recreos. 

Descubrimos tódolos libros que temos na biblioteca de aula e que, moi pronto, comezaremos a levar para casa os venres.

Creamos as nosas novas bandexas para a merenda, buscando no ordenador, a fotografía que queríamos pegar.

Actualizamos a foto de grupo da nosa porta, para que puidésemos aparecer todos e todas nela.

Fixemos tamén unha foto individual, que levamos para as nosas casas. Agora xa poden coñecer as nosas familias, ós novos compañeiros e compañeiras.

Busca de globos escondidos polas dependencias do colexio:

Para que os novos compañeiros e compañeiras, que estaban nas dúa aulas, participamos nunha busca, ó longo da semana, de globos escondidos por diferentes dependencias do colexio.

Cada globo tiña o nome dun compañeiro ou compañeira, ademais de gomets para decoralo.

Ó longo dos días, todos e todas foron atopando os seus respectivos globos, por diferentes lugares do centro.

En próximas entradas continuaremos contando todo que nos que nos queda por facer (refacer as normas, organizar os equipos cooperativos...) para retomar as nosas aventuras na nosa aula.

Xa estamos de volta. Este curso en Infantil 2 temos tros novos compañeiros e compañeiras.

Nas vindeiras semanas, irémosvos contando todo o que vaia sucendendo na nosa aula. Pero antes diso é importante que nos presentemos.

ELOY  - BREIXO  - GERMÁN  - CARLOTA  - MANUEL - VALENTINA - NEREA -  ENZO -  BRAIS - CLAUDIA - ELSA - VALERIA - ÓSCAR (PROFE)

Remata este curso que foi tan especial, no que os pequenos e as pequenas demostraron unha gran capacidade de adaptación. Agardamos que en setembro poidamos voltar con máis normalidade.

Queremos agradecer tamén a colaboación das familias durante todo este curso.

Pasade un moi bo verán... vémonos en setembro.

Durante as últimas semanas do curso, ademais de todo o que xa vos contamos nestas entradas anteriores, tamén sucedeu todo isto na nosa:

28/06/21: [Infantil xuntos] (2020-2021) Atopamos os tesouros escondidos seguindo un mapa 
20/06/21: [Infantil xuntos] (2020-2021) Tamén celebramos os aniversarios dos compañeiros e compañeiras que cumpren anos en verán. 
12/06/21: (2020-20201) Traballamos con robots na aula, antes de rematar o curso. 
12/06/21: (2020-2021) Experimentamos coa capilaridade. Queres facer unha ponte de cores? Contámoscho en vídeo 
05/06/21: [Infantil xuntos] (2020-2021) Percorremos un roteiro polo Día da natureza

Rematamos o noso dicionario xigante e nosos dicionarios individuais, que xa están nas nosas casas para que poidades velos. O vindeiro curso continuaremos completándoo, para observar a nosa evolución ó longo dos cursos.

O profe Paulo entregounos, xunto ós restantes compañeiros e compañeiras do colexio, os premios ás merendas saudables:

Despedímonos da biblioteca do centro ata o vindeiro curso.

Seguimos a coidar de Rayo e Evan, as nosas tartarugas. Durante os meses de vacacións o profe Óscar encargarase de coidalas, ata que voltemos ó colexio.

Tamén rematamos o noso rexistro de libros, que levamos para casa da biblioteca de aula. Tamén fixemos un reconto dos libros que levamos máis veces.

Aproveitamos para merendar nas novas mesas que temos no patio.

Creamos o noso libro de cadros, coas creacións que fixemos ó longo de todo o curso, reinterpretando obras pictóricas coñecidas.

Preparamos un agasallo de despedida para profe Cristina, que marcha para outro colexio o vindeiro curso.

Tal como xa vos contamos noutras entradas anteriores deste blog, ó longo do curso estivemos traballando na aula con diferentes robts educativos.

Nestas últimas semanas do curso, esto foi todo o que que fixemos cos diferentes robots que temos na nosa aula.   

Debuxamos figuras xeométricas usando o probot. Para elo tivemos que programar os movementos e os xiros do "robot coche".

Cos Ozobots xogamos a cronometrar (medir o tempo en segundos), para descubrir con cal dos códigos chegaba antes ó final da liña.

Fomos anoando o resultado (número) de cada carreira nun panel, para descubrir cal era o camiño máis rápido. 

Tamén o experimentamos en gran grupo usando diferentes códigos, contando o tempo que pasaba, usando o cronómetro das tablets. Se escribíamos o número de segundos en cada liña, poderíamos comparalos ó final do traballo para saber quen gañara.

Programamos o Beebot, para que derrubase torres, creadas previamente por nós, partindo desde diferentes puntos do taboleiro. 

E claro, non podíamos usar o Beebot, sen facer que pasase por debaixo das nosas pernas ;)

Programamos o M-Bot para que puidese xirar, camiñar, parar e ir cara atrás. Con estes movementos conseguimos, manexándoo entre varios, que chegase a pasar por debaixo da ponte sen derrubala. 

Había que falar para poñerse dacordo e coordinar os movementos entre todos e  todas, para conseguir o resultado previsto. 

Finalmente tamén xogamos a derrubar unha torre, dirixindo o M-bot cara a ela, todo o rápido que puidésemos.

Xa no vindeiro curso, continuaremos a traballar cos nosos Robots. Ata ese momento podes lembrar todo o que fixemos con eles ó longo deste curso, nas seguintes entradas:

19/04/21: (2020-2021) Descubrimos o MBOT, e moito máis, nas experiencias de robótica na aula.

06/03/21: (2020-2021) Seguimos a traballar con robots na aula, con algunha nova incorporación.

05/12/20: (2020-2021) Descubrimos novos robots na aula: o Probot e os Ozobots “únense á festa"

31/10/20: (2020-2021) Continuamos a xogar e aprender co Beebot, un dos nosos robots.

No que sería o último experimento científico deste curso, usamos témpera, 3 vasos transparentes, auga e "papel das mans". Que poderíamos facer con todo iso?

Fomos plantexando diferentes hipóteses de como empregar o material, e do que podería suceder finalmente.

Todos xuntos creamos unhas pontes co papel, que comunicaban os vasos nos que había témpera de difentes cores con auga. Que sucedería? Novamente plantexamos as nosas hipóteses.

Observamos como ía cambiando ó longo do tempo.  Pasados varios minutos as cores chegaron atoparse no cumio das pontes.... e ata chegaron a mesturarse!!

Por que sucedera iso? Dialogamos para plantexar as nosas teorías do sucedido e contrastalas uns cos outros.

Feito o experimento en gran grupo, chegou o turno de que cada equipo tentase reproducir os resultados de forma autónoma: poñéndose dacordo, dialogando, traballando todos e todas dentro do equipo e asumindo os roles acordados entre eles.

Tódolos equipos acadaron os mesmos resultados no experimento, pero observamos que cantan máis auga tivese máis rápido subían as cores.

Observamos a evolución do noso experimento ó longo tempo, para o cal o identificamos co nome do noso equipo, que escribimos nunha tarxeta.

Cada equipo levoua a cabo unha auto-avaliación figuro-analóxica, do seu traballo en grupo.

Nesta ocasión sería o equipo GATO, o encargado de crear o vídeo explicativo do experimento. Prepraron o panel dos materiais que ían precisar e puxéronse máns a obra.

Así de ben quedou o seu vídeo explicativo unha vez rematado.  Podes velo de seguido:

Lembra que tamén podes acceder ós vídeos dos experimentos anteriores, creados polos demais equipos, desde aquí ou no recanto de INFANTIL > vídeos > experimentos.

Tan só quedaba anotar as nosas observacións, no caderno de campo dos experimentos.