Na Orde do 7 de maio de 2024,( https://www.xunta.gal/dog/Publicados/2024/20240520/AnuncioG0761-080524-0...) sae publicado o texto da convocatoria do fondo solidario de libros de texto e axudas para a adquisición de libros de texto e material escolar.

O prazo da solicitude vai do 21/05/2024 ao 21/06/2024, ambos os dous incluídos. O número do procedemento administrativo que se corresponde coa orde é ED330B.

O xeito de presentacións das solicitudes será:

1. preferentemente electrónica (na sede electrónica da Xunta de Galicia, presentando unha solicitude individual para cada un dos seus fill@s),
2. Presencial con asistencia da aplicación (cubrindo os datos na aplicación fondolibros [https://www.edu.xunta.gal/fondolibros/], imprima os anexos I e II producidos e presentándoos no centro educativo) 
3. de xeito Presencial Manual, empregando os Anexos I e II da orde da convocatoria (que se anexan a este post) e presentándoos na secretaría do colexio.

Documentación necesaria:
- Copia do libro de familia ou equivalente onde figuren todos os membros computables.
- En caso de separación ou divorcio, ademáis deberán achegar a sentenza xudicial e/ou convenio regulador onde conste a atribución da custodia do/a menor.
Se a persoa solicitante (Anexo I) e/ou os membros computables (Anexo II) se opoñen á consulta de datos, deberán achegar os documentos xustificativos:
- DNI ou NIE
- Certificado do grao de discapacidade recoñecido pola Xunta de Galicia.
- Percepción de pensión por incapacidade ou de pensión de clases pasivas por xubilación o retiro por incapacidade permanente

Neste día de Santa Rita, un día despois de ser instalado, o Pórtico de Luisa Villalta foi destrozado por uns desalmados.

Neste acto non só hai unha mostra de violencia gratuíta contra das iniciativas culturais que xorden dos centros educativos da nosa localidade, hai tamén un desprezo polo traballo da nosa xuventude, pola nosa cultura e a nosa lingua, ao tempo que se lle arrebata o dereito a toda a poboación de desfrutar dunha oferta cultural elaborada polo alumnado dos centros educativos da nosa comarca.

Non é raro que nas noites de fin de semana se destroce mobiliario urbano á saída do ocio nocturno, o que si é raro, e nos debería facer reflexionar, é a indeferencia con que moitos e moitas de nós, observamos iso e pasamos por diante dos destrozos coma se fose algo normal.

Por iso nós animamos a que recompoñamos o Pórtico, e realicemos un acto de desagravio á nosa Luisa Villalta, e que toda a poboación demostre, dunha vez por todas, que non queremos que uns bárbaros condicionen a nosa vida.

Hoxe emitiremos entre as 2 da tarde e as tres e media un programa de radio aproveitando a estancia do alumnado do colexio Diogo Cao de Vila Real, que nos devolven a visita que fixemos nós ao seu centro no mes pasado.

Coma queremos que se vaia facendo habitual, faremos unha emisión en directo e logo subiremos o programa gravado en podcast á páxina do colexio.

Deixámovos aquí o reprodutor de radio para que poidades seguir o programa.

Nota Admisión 24 25 by Xoaquín Freixeiro

Este ano os nosos proxectos foron moitos e moi variados.

Aquí podedes enlazar cos blogs onde se mostran os traballos realizados nas clases.

A rá 3 anos B
Dinosauros Clases de 4 anos
O Mar Clases de 1º EP
O ruído e o silencio Clases de 2º EP
Os indios 3º A de EP
Os 22 amigos 3ºB de EP
@ principiño que tod@s levamos dentro 4º B de EP
A lactancia materna 6ºA de EP

Aquí podedes escoitar os programas da Radio Escolar da biblioteca do Ceip Condesa de Fenosa.

A radio é unha ferramenta moi poderosa para contar todo o que facemos na biblioteca, os proxectos de investigación nos que nos embarcamos nas aulas, os libros que lemos nos clubs de lectura e os textos que escribimos nos de escritura, para falar das nosas actividades do centro, para escoitarmos a música que somos quen de facer...

En fin, a radio, a nosa Dino Radio, vai ser un altofalante que espalle esas cousiñas que realizamos con todo o cariño, que as mimamos, pero que en moitos casos quedan agochadas no interior do colexio sen que ninguén máis saiba delas.

Pois aí vos van, voando nas ondas!

Ah, e por certo, dende agora imos transmitir tamén en directo aínda que tamén gardaremos os podcasts dos programas, pero imos iniciar unha etapa máis audaz lanzándonos ás ondas sen rede.... Se queres oirnos en directo teremos os días que emitamos este reprodutor:

Nesta páxina imos ir colocando os recursos que vaiamos xerando a respecto da robótica dende a nosa Biblioteca.

Pretendemos que sexa un lugar onde se poda ver o traballo que se está a facer, unha fonte de recursos e un lugar onde xermolen proxectos.

Polo de agora, outubro de 2017, andamos nesto en cueiros, e coma os nenos pequenos temos dificultades para comezar a andar... dar un paso mete medo e temos que pensalo moito.

Pero estamos convencidos que en breve seremos quen de andar, correr, choutar, anicarnos, bailar...

Moit@s d@s nos@s alumn@s andan polo mundo facendo cousas do máis interesante; deportistas de elite, artistas, estudantes prodixiosos.... e a nós gústanos lembralos na nosa páxina.

Aquí poderedes explorar algúns artigos e publicacións sobre algúns deles... evidentemente non todos están aquí, así que se tes información sobre algún ex-alumno fai o favor de comunicar connosco e decontado meterémolo nesta escolma.

Seguímosvos a Pista...