A través desta Modalidade preténdese converter o centro educativo no lugar de promoción da saúde, apoiándonos no Plan Proxecta+, que nos permite desenvolver actividades destinadas a toda a comunidade educativa desde unha perspectiva integradora e globalizada, para facer fronte á sobrealimentación e ao sedentarismo (factores que inflúen no peso corporal das persoas, provocando obesidade, que hoxe en día está a constituir un problema de saúde).

OBXECTIVOS

• Inculcar hábitos alimenticios saudables.
• Crear sentido crítico ante a publicidade sobre a alimentación.
• Desenvolver hábitos de hixiene persoal relacionados coa alimentación e co exercicio físico.
• Incentivar no alumnado as gañas de probar novos alimentos.
• Fomentar a adquisición dunha alimentación sá e equilibrada que xunto coa actividade física brinde benestar.
• Promover un estilo de vida activo, dentro e fóra da escola, ofrecendo novas posibilidades que permitan un ocio saudable.
• Desenvolver os coñecementos básicos que permitan ao alumnado a confección de dietas equilibradas para previr enfermidades.
• Promover e apoiar a participación das familias na creación e mantemento de hábitos saudables.
• Promover a adquisición de coñecementos para que permitan ao alumnado analizar as vantaxes que conleva ter unha alimentación sá.
• Dotar ao alumnado dos coñecementos axeitados para confeccionar unha dieta equilibrada.
• Evitar o consumo excesivo de golosinas. 

Blogue Aliméntate ben!