CEIP de Arzúa

Co motivo da 42 Festa do Queixo, o consello Regulador da denominación de Orixe Arzúa Ulloa ofreceunos unha cata de queixo para os nenos e nenas de 6º, como xa é tradición no CEIP DE ARZÚA...

Queixeamos a gusto con Óscar que nos explicou todo o referente ao queixo dunha maneira amena e entretida !!!!

Este 8 de Marzo as nenas e os nenos da aula de 4 anos conmemoraron o Día Internacional da Muller Traballadora con estes broches e este cartel tan chulos:

É posible cun boneco de neve poida namorarse dunha estufa?

Pois.... por suposto que SÍ. Falando de AMOR non hai nada IMPOSIBLE.

Dentro do P.E.L.O, o alumnado de E.I coñeceu a un BONECO DE NEVE moi especial, que non sabía o que era o AMOR. E cando menos o esperaba, este bonequiño namorouse a primeira vista da estufa do salón, cada vez ca veía sentía un escalofrío.

Con esta historia todos aprendimos moitisimas cousas sobre o inverno... e claro, como non, xogando co boneco de neve pasámolo xenial!! 

O 24 de febreiro tivemos o xantar de entroido no comedor escolar: cocido, filloas e orellas. Que rico estaba todo!!!

Tamén contamos cun servizo extra de colaborado e colaboradoras ataviados para o momento. Que sorpresa máis agradable!!!

Darlle as grazas ao personal de cociñas, ás nais e pai colaboradores de comedor, mestres e mestras colaboradores por facer isto posible.

O día 20 de febreiro o alumnado de terceiro e cuarto de EP fomos de excursión á cidade da Coruña, onde realizamos diversas visitas.
Primeiro fomos á Casa das Ciencias, onde experimentamos coa forza, a inercia dos péndulos, os efectos visuais...
Nesta mesmo lugar asistimos a unha sesión no Planetario para ver galaxias, planetas, estrelas e constelacións, satélites e moitas cousas máis.

 Se queres ver máis fotos preme na imaxe 

Por último, visitamos a Casa do Home, onde aprendemos un montón de cousas sobre o ser humano e a súa vida.

Foi un día xenial!!!

Xa chegou o Entroido!!!!!

O panel da entrada foi feito polos nenos e nenas de 5º A, con refráns e coplas do Entroido.

O tema, como sempre, foi marcado polos equipos de Biblioteca e Normalización, que cun traballo moi coordinado con Actividades extarescolares e toda a Comunidade Educativa deste centro conseguiu tan bos resultados.

FRASES DO NOSO ENTROIDO

Cada grupo elixiu unha frase, que colocou nunha cartolina decorada polos nosos nenos e nenas, e elaborouse un disfrace relacionado con esta temática. Quedou fantástico!!!!

Con motivo da conmemoración da data de nacemento da nosa escritora, Rosalía de Castro; no noso centro fixéronse moitas actividades na semana do 20 e o 24 de febreiro:

• Mural na entrada do colexio e móbiles con carteis de Rosalía, que conteñen poemas da escritora, elaborados por todas as titorías do centro. 
• Recuncho na nosa Biblioteca dedicado á escritora.

• Decoración do salón de actos do centro.  

• Máscaras de Rosalía de Castro coas que se fixo unha foto colectiva no salón de actos, a tarde do 21 de febreiro, durante o acto de homenaxe. No mesmo acto recitaron poemas todas as clases e rematouse cantando todos xuntos "Adiós ríos, adiós fontes".

• Sumámonos á iniciativa da Asociación de escritores/as en lingua galega (AELG) e ademais de facer as máscaras de Rosalía, algúns nenos e nenas do colexio fixéronse unha foto con persoas maiores,  portando algún verso rosaliano ou poema. 

• Participamos na mañá do 23 de febreiro nun programa emitido por Radio Arzúa para recordar a figura da escritora galega.

 PREME NA IMAXE SE QUERES ESCOITAR QUE BEN FALARON

Foi unha semana moi rosaliana!!

Este ano é o de Carlos Casares.