Horto Escolar

Ola a todos!

Achégase o Entroido e unha das maneiras de celebralo é cun bo cocido.  Aínda que se pode facer con varias hortalizas, nesta época os grelos cobran protagonismo na súa elaboración.

No Horto escolar tivemos unha boa colleita deles, como veredes nas fotografías.

Tamén vos deixo información sobre a hortaliza da que proceden.

Boas!

Como bos traballadores, antes de marcharmos de vacacións deixamos feitos "os deberes". Neste caso, tocounos sementar, para que a Natureza, que non descansa, vaia facendo a súa parte.

Botamos:

- os chícharos (guisantes), que son fonte de vitaminas e proteínas vexetais.

- as fabocas (habas), que tamén aportan proteínas vexetais, ferro, ácido fólico e diversas vitaminas.

- allos (ajos), cuxas propiedades culinarias son de todos coñecidas e que ademais teñen sona de seren plantas moi medicinais.

Agora toca esperar polos resultados...

Ola a todos e todas!

Como sabedes, o noso colexio está tamén comprometido coa alimentación saudable.

As actividades que realizamos no Horto escolar, contribúen á consecución dese obxectivo (ou cando menos, intentamos que así sexa).

A continuación podedes ver unha pequena mostra dos resultados que obtivemos co noso primeiro traballo deste curso.

Haberá máis novas!

(Debido ao peso do arquivo é preciso descargalo para ver as fotografías )