Dende a biblioteca, deixámosvos algúns dos traballos realizados polo noso alumnado durante a Semana das Letras Galegas.
VIDA E OBRA DE XELA ARIAS, realizado polos nenos e nenas de 1º de Primaria, onde debuxaron cada un dos momentos máis importantes da vida da autora.
AS NOSAS FRAGAS, realizado polos nenos e nenas de 2º e 3º de Primaria, onde imaxinaron a súa fraga “ideal” en referencia ao relato de Xela Arias “A fraga dos paxaros faladores e a fraga leopardicia” co que gañou o certame creado pola Agrupación O Facho da Coruña no ano 1973, con só 11 anos.
Para conmemorar o Día das Letras Galegas, o noso alumnado realizou diferentes actividades dentro da aula, dende charlas para traballar a vida e obra de Xela Arias promovidas pola biblioteca, así coma diversos traballos realizados en cada titoría.
A Real Academia Galega adícalle a Xela Arias (Sarria, 1962 – Vigo, 2003) o Día das Letras Galegas de 2021. Aquí tedes varios enlaces con información da súa vida e obra.