Novas

Boas familias!!!

Avísannos desde o Concello que hai varias familias que teñen que achegar e completar a documentación na solicitude das Axudas ao Comedor Escolar.

Tedes 10 días para facelo!!

Un saúdo.

Ola familias!!!!

As nosas Aulas Virtuais xa están operativas!!!

Ao longo das vindeiras semanas as mestras e os mestres poñerán actividades para que vos familiaricedes co seu uso e solventar as dúbidas. Serán unha ferramenta de traballo e de comunicación a distancia e este ano veñen con moitas novidades e posibilidades de uso.

Cada mestre e mestra facilitouvos un Usuario e unha Contrasinal para poder acceder e dende o Equipo TIC do Centro, fixeron este vídeo cunhas pequenas explicacións para que non teñades problemas no acceso e no uso.

No vídeo explicamos que os titores e titoras subirán actividades e tarefas, pero tamén o farán as especialidades de música, educación física, relixión e inglés.

Calqueira dúbida que teñades podedes contactar a través deste email coa coordinadora do colexio: apintosl@edu.xunta.es

Moitos ánimos a tod@s!!!!

Bo día, familias,

Como xa sabedes, este ano hai libros do fondo da xunta para os cursos de 3º e 4º de Educación Primaria.

No caso de 3º EP, este ano cámbianse os libros, polo que aqueles que os teñades concedidos pola xunta será o colexio o encargado de proporcionalos (aqueles que non tedes os libros concedidos ou só tedes algún, teredes que mercalos porque non hai fondo da ANPA debido a ese cambio de libros). A idea era poder entregalos o día da reunión cos titores e titoras, pero as editoriais nestas datas están "saturadas" e vai ser imposible telos para mañá no colexio. En canto cheguen xa comunicamos por esta vía o procedemento a seguir para a súa entrega.

No caso de 4º de EP si que se entregarán ao remate da reunión cos mestres e mestras. Primeiro entregaremos os libros da Xunta e, despois, aqueles que non teñades o lote completo, poderedes completalo co fondo de libros da Anpa. Estará unha representante da Anpa para axudarvos e entregarvos os libros. 

Despois, aqueles que non tedes ningún libro concedido pola xunta, tamén podedes solicitalos no fondo da Anpa tendo en conta que terán preferencia os socios e a orde de chegada. 

Un saúdo

Bo día,

Sabemos que todos estades con ganas de saber en que curso están os vosos nenos e nenas. Por lei non podemos colgar os listados por este medio polo que estarán colocados no taboleiros  do colexio.

Para facilitar as cousas e evitar aglomeracións, tamén o colocaremos nos porches exteriores (1º, 2º e 3º EP no dianteiro e 4º,5º e 6º no traseiro) para que o día que veñades a reunión o podades ler sen problemas e onde xa vos recibirán as titoras e titores correspondentes.

De todos os xeitos, xa están os mestres poñéndose en contacto con todos vós.

Un saúdo e vémonos en nada!

Bo día, familias,

Dende a ANPA infórmannos de que o prazo para inscribirse no comedor para o curso 2020/2021 cambiou para non saturar a páxina de Jardanay. A nosa quenda é:

 DO 19 DE AGOSTO ATA O 31 DE AGOSTO

 A TRAVÉS DA PÁXINA WEB DE JARDANAY

Atentos a toda a información que se vai poñer  na páxina da Anpa en relación a este tema e outros que podan ser do voso interese.

WEB ANPA

PÁXINA JARDANAY

Un saúdo

Ola familias!!!

Xa podedes consultar a listaxe provisional do fondo solidario de libros da xunta para 3º e 4º de EP. De conformidade co artigo 17 da Lei 1/2016 do 18 de xaneiro de transparencia e de bo goberno, e co artigo 15.2c da Lei 9/20117 do 13 de xuño de subvencións de Galicia, esta listaxe provisional e a definitiva publicarase única e exclusivamente no tabolerio de anuncios do edifico escolar.

Nesta listaxe provisonal solo se pode ver o número de libros que vos correponde (non a materia). Tedes dous días para reclamar a partir da súa publicación.

En 5º e 6º de EP non hai fondo solidario porque taballaremos con EDIXGAL (libros electrónicos), pero recordade que hai cheque para material.

Os cheques para material (e para libros no caso de 1º e 2º de EP) xa están preparados. Dada a situación que estamos a vivir e para evitar "aglomeracións" podedes pasar a recollelos nos seguintes días:

-MÉRCORES, 8 DE XULLO DE 10:00 a 13:00:

1º e 2º de EP

-XOVES, 9 DE XULLO DE 10:00 a 13:00h:

5º e 6º de EP

-VENRES, 10 DE XULLO DE 10:00 A 13:00h:

3º e 4º de EP

Recordade a importancia de tomar as medidas sanitarias recomendadas, polo que, se cando cheguedes ao colexio hai cola terede que esperar mantendo a distancia de seguridade ata que se vos mande pasar. Por suposto, uso obrigatorio de mascarillas

POLO BEN DE TODOS E TODAS!!

Listaxes alumnado admitido

No taboleiro de anuncios do centro xa figuran expostas as listaxes de alumnado admitido para o próximo curso 20 - 21 . Poden consultarse presencialmente ou chamando aos teléfonos do centro 981617130 / 676727505.

  Devolución Libros Curso 19-20

LUNS 22: 10:00-13:00h. Devolución libros de texto 3º EP (Fondo solidario e ANPA).

MARTES 23 : 11:00-14:00h. Devolución libros de texto 4º EP (Fondo solidario e ANPA).

XOVES 25 : 11:00-14:00h. Devolución libros de texto 6º EP (Fondo solidario e ANPA).

A entrega farase pola entrada posterior, unha persoa por alumno (con máscara) chamarase ao timbre e esperarase a que abran.

Devolución ordenadores EDIXGAL e ABALAR cedidos polo COVID

MARTES 23 : 09:30-13:00h.

A entrega farase pola entrada dianteira, unha persoa por alumno (con máscara) chamarase ao timbre e esperarase a que abran.

Listaxe libros curso 2020 -2021

No taboleiro de anuncios xa figura o listado de libros de texto acordados para o curso 2020 -2021 .

Tamén se pode consultar nos adxuntos a esta entrada.

Bo dia a todos e todas...

Un día mais e aqui seguimos. Moito ánimo, que desta salimos con mais forza e mais unidos si cabe.

Como vedes , estamos a intentar millorar as formas de permanecer en contacto e dende hoxe temos aquí a web  do Departamento de Orientación (click aquí para acceder). Podedes atopala e acceder a ela a través do menu principal desta páxina, na parte superior que ten coma titulo "Webs/Blogs do centro". Animádevos a visitala e a facer todas as suxestións e comentarios que consideredes. Calquera cousa xa sabedes...

Apertas e sorte para todxos... Vémonos

DO

Ola familias!!!

 Mañá , venres 21 de febreiro, celebraremos o Entroido no pavillón do colexio na que participaremos todos e todas e ao que estades convidados.

Para que a xornada descurra sin alteracións, ROGAMOS:

-As familias entrarán ás 11:20 h pola porta de arriba de acceso ao pavillón (frente ao bar).

-O conserxe facilitará o acceso das familias ás gradas.

-Como o aforo é reducico agradecemos a asistencia de non máis de dous adultos por familia.

-Dende o colexio sacaremos fotos e vídeos que colgaremos na páxina do colexio polo que agradecemos que non saquedes fotos (Lei protección de datos).

-Ao remate da actividade 13:15/13:30h, os primeiros en saír serán os nenos e nenas. Seguidamente serán as familias as que abandoedes o recinto pola mesma porta pola que se entrou.

-O remate das clases será ás 14:00, como sempre. Calquera cambio na recollida do alumnado deberá ser informado aos titores o día anterior. (Rogamos especial atención neste apartado).

Como sempre agradecemos a vosa sensibilidade para atender ás nosas demandas e pola vosa inestimable colaboración.

FELIZ ENTROIDO!!!

Boas familias!!

Temos a sorte de comezar o ano e o novo trimestre  notificando a concesión da subvención para a promoción e difusión da cultura e o deporte do Concello de Oleiros.

Podedes ver os detalles no adxunto a esta mensaxe.

MOITAS GRAZAS, DE NOVO, AO CONCELLO DE OLEIROS.