Na Lagoa da Serpe, na serra de Pena Trevinca, dicíase que antigamente había unha serpe moi grande e temida por todos.
Segundo di a lenda, nas noites de lúa chea, esta serpe convertíase nunha fermosa muller e que cando un mozo lle acertase cun salivazo na boca, esta habíase converter nunha fermosa muller e casaría co mozo.
Unha noite de lúa chea, un mozo dunha aldea próxima á lagoa, foi ver a serpe e topouse coa fermosa muller. Entón esperou ata que abriu o día e, cando se converteu de novo en serpe, cuspiulle na boca. Nese intre volveu aparecer a fermosa moza que el vira pola noite e casaron os dous.
A Lagoa da Serpe está na Pena Trevinca. A lenda di que toda persoa que beba da súa auga morrerá e que se te metes nela, sómete par dentro. Xa houbo un caso dunha persoa que foi sumida para dentro, pero non se sabe de xente que morrese por bebe-la auga porque ninguén se atreve a face-lo.
VÁZQUEZ-MONXARDÍN FERNÁNDEZ, Afonso. 1994. 102 lendas en noticias lendarias, en Boletín Auriense, XXIV, Ourense.
RECURSOS
Adxunto | Tamaño |
---|---|
lagoa_serpe.pdf | 134.94 KB |