Skip to Content

Día da Paz

Día da Paz 2016

Dom, 31/01/2016 - 13:42 — admin

Ao longo da semana do Día da Paz traballamos nas aulas con recursos educativos compilados polo equipo de biblioteca.

O alumnado de 5º e 6º curso traballou sobre o exilio e as diferenzas culturais a través da unidade didáctica "La pequeña Carlota"de ACNUR. O alumnado de 2º traballou sobre o respecto, a educación e a tolerancia. O alumnado de 3º e 4º volveu a traballar sobre a historia de Malala e a súa defensa da educación para todo o mundo.

Unha das actividades centrais foi a interpretación da canción BLOWIN IN THE WIND de Bob Dylan polo alumnado de 1º,2º,5º e 6º na biblioteca do centro.

Galería de imaxes

OBRADOIRO DO DÍA DA PAZ "A PRINCESA LIWAYWAY"

Lun, 09/03/2015 - 05:54 — profe6

Os alumnos de 2º de Primaria fixemos un obradoiro do conto "A PRINCESA LIWAYWAY",  no que traballamos valores coma aamizade, a colaboración, o respecto, axuda aos demais, o esforzo,... Contamos a historia na clase e entre todos fomos dicindo o que máis nos chamou a atención da mesma; a continuación plasmamos nun mural o final da historia, froito do esforzo e a colaboración dos personaxes do conto e no que se reflicten os valores presentes no mesmo.

Día da Paz e Non Violencia 2015

Dom, 01/02/2015 - 14:12 — admin

Durante a última semana do mes de xaneiro celebramos no centro o Día Internacional da Paz e Non Violencia coa realización de diversas actividades que prestenden inculcar no alumnado valores que deben de estar presentes ao longo do ano, e non só na data da conmemoración do aniversario da morte de Gandhi.

Entre as actividades realizadas destacamos as seguintes:

Asemade, elaboramos un karaoke, personalizado con imaxes do noso cole, da canción de José Luis Perales "Que canten los niños".

Na seguinte galería podedes observar parte das actividades realizadas.

Galería de imaxes

Malala, premio Nobel da Paz 2014

Xov, 22/01/2015 - 20:10 — admin

Esta xoven defensora do dereiro á educación da muller foi galardonada co Nobel da Paz 2014 “pola súa loita contra a opresión dos nenos y polo dereito de todos eles á educación”

Preme para ver índice

Malala Yousafzai. CC BY 2.0 DFID-UK en Flickr

Recursos para o Día da Paz

Lun, 19/01/2015 - 19:34 — admin

Neste libro pretendemos facer unha compilación daqueles recursos educativos que realizamos no noso centro ou que realizaron mestres doutros centros.

Esperemos que vos sexan de utilidade.

Día da Paz: 30 de xaneiro

Sáb, 01/02/2014 - 12:33 — admin

O xoves, 30 de xaneiro, celebrouse o día da Paz cun acto no que participou todo o centro.Previamente cada aula traballou sobre o tema  e na data da conmemoración da morte de Gandhi xuntámonos todos/as para elaborar a "TARTA DA PAZ" que logo degustamos no recreo. Tamén cantamos unha fermosa canción,"Que vivan a PAZ e o AMOR", cunha letra ben bonita:

 

"Cantemos collidos das mans este son:

que vivan a paz e o amor!

Unámolos pobos sen odio e rencor:

que vivan a paz e o amor!

Que tódolos nenos levanten as mans.

Que tódolos nenos levanten a voz:

Máis guerras non!

Máis odios non!

Que vivan a paz e o amor!

Amigo de lonxe, que importa o lugar?

Que vivan a paz e o amor!

Xuntémonos todos, cantemos en paz:

Que vivan a paz e o amor!

Que tódolos nenos 

unamos as razas

non importa a cor.

Que vivan a paz e o amor!

Os ricos e pobres

cantando ao amor.

Que vivan a paz e o amor!

Que tódolos nenos... "

 

 

Rematou a acto co desexo de que tódolos días sexan días de PAZ, non só un.

Para ver as fotos clica na galería fotográfica.

30 de xaneiro 2013

Lun, 04/02/2013 - 12:12 — admin

HOXE CELEBRAMOS O DÍA DA PAZ NO COLE, FACENDO UN FIRME PROPÓSITO DE NON VIOLENCIA. UN NENO LEU UN MANIFESTO DE PAZ ENTRAÑABLE QUE REMATOU CON 1 MINUTO DE SILENCIO

A CONTINUACIÓN TODOS CANTAMOS A CANCIÓN "SOMOS AMIGOS".

DÍA DA PAZ 30 DE XANEIRO 2012

Ven, 03/02/2012 - 06:25 — admin

O TREN DA PAZ CHEGOU AO NOSO COLE, CON 4 VAGÓNS REPLETOS DE BOAS INTENCIÓNS. OLLADE AS FOTOS CON ATENCIÓN.

DÍA DA PAZ

Dom, 22/01/2012 - 18:16 — admin

LEMBRA QUE O VINDEIRO 30 DE XANEIRO CELEBRAMOS O DÍA DA PAZ.

 

MENTRES TANTO, AO LONGO DESTA SEMANA ÍMONOS DECATAR DO SIGNIFICADO DE CERTAS PALABRAS DO NOSO DICIONARIO QUE FAN REFERENCIA AO CONCEPTO DA "PAZ". CON ELAS CONSTRUIREMOS O NOSO TREN DA PAZ.

 

PARA REFRESCAR A MENTE PICA NA IMAXE:

ASÍ CELEBRAMOS A PAZ EN "MANUEL SUEIRO"

Ven, 28/01/2011 - 15:57 — admin

Distribuir contido


by Dr. Radut