Bo día, chic@s hoxe...

     TEMOS VISITA.

                        Roi, o pai de Naia, de 4º de Infantil, nos agasalla... Pasade!!

Moitísimas grazas, Roi...xa vemos que tes unha boa colección de instrumentos.

E agora imos xogar un rato...

Cunhas botellas, xa montamos esta festa. Facédeo e mandádeme o voso xogo.

Bo día, chic@s!! 

Hoxe, que tal se lembramos algunha das cantigas que temos feito na clase? Non vos vaian esquecer. Lembrade!!

E vos quedan as propostas que realizaron Sara e Anxo, de 2º 

Moitísimas grazas, chic@s e familias.

Bo día, chic@s... hoxe toca frauta e ritmo....Seguro que o facedes moi ben. Animádevos con esta melodía sinxeliña.

Álex, de 4º de Infantil, fainos esta proposta...adiviñade!!

Moitas grazas, Álex e familia por este agasallo.

Bo día, peques!! Imos iniciar esta nova semana cun experimento.

Que pasa se enchemos varios vasos con diferente cantidade de auga?

Animádevos a facer esta proposta e mandádeme o voso resultado. Seguro que vos sorprenderá como soan os vasos.

E aquí vos deixo o resultado das propostas que fixeron Sara de 2º, co seu irmán Martín Rozados de 4º de infantil, Claudia, de 5º de infantil e Álex de 4º de infantil...

Moitísimas grazas a todas as familias.

Bo día, chic@s. Hoxe toca facer un baile clásico, pero moi faciliño. Animádevos !!

Déixovos, tamén, a proposta feita de Sergio Vila, de 4º.

Moitas grazas, Sergio e familia por compartir este momentiño.

E, finalmente...André!!, o noso pianista benxamín. Non o perdades!!

Moitísimas grazas, familia...

Bo día, Chic@s. Hoxe remataremos de perfeccionar un pouquiño a man dereita.

Para iso, propóñovos esta melodía sinxela. Premede na partitura

PARTITURA

Aquí vos deixo unha pequena guía para que a traballedes por partes. Mandádeme o voso resultado, a ver se conseguides facela. Seguro que si!!

Bo día, chic@s: hoxe toca un pequeno movemento, pero coordinado. Coma sempre, traballaremos co que atopemos pola casa.

Botádelle imaxinación e mandádeme a vosa idea. Seguro que queda moi ben.

Aquí vos deixoo resultado  das propostas que fixestes os de 2º

Moitas grazas, Ian, Sara, Eleni e familias.

Bo día, nen@s... Que tal se poñemos a bailar as zapatillas? Ide buscalas rapidiño, que empezamos en nada!

A verdade é que fixestes unhas baterías estupendas. Xenial !!

Moitas grazas, Álex, Érik, Izan e familias!

Bo día, peques. Se pasastes unha fin de semana estupenda, agora toca agudizar o oído. Aquí vos propoño un xogo con cousas de casa.

Seguro que hai moitos sons que se escoitan por casa, que nos resultan familiares...Por exemplo, como soan as chaves cando abrimos a porta de casa, o batedor cando estamos na cociña, o teléfono que soa...Pois imos xogar a iso... animádevos a xuntar uns cacharriños e...a ver que soa.

E aquí uns exemplo das cousas tan chulas que facedes na casa. Moitísimas grazas, familias...

están a facelo de marabilla.

Bo día, chic@s. Improvisade pronto, que hoxe temos percusión caseira. Imos tocar a batería!! Espero os vosos vídeos, a ver cal montastes vós.

Aquí vos deixo a proposta.

E aquí tedes a visión de Ian de 2º, e a súa irmá Zeltia, de 5º de E. Infantil, que fixeron unha variante moi chula da proposta do martes pasado, "Ritmo con folios  de colores"

Moitas grazas, familia!!