Descrición
A técnica da dobraxe en xeral, e concretamente nas películas de animación, é unha ferramenta máxica e novidosa, que ademáis de ser capaz de captar a atención dos nosos nenos e nenas, sobre aspectos básicos na comunicación oral (como cadencia, ritmo, intención...)
Traballando aspectos tan importantes como a concentración, a empatía e o traballo en equipo; ao tempo que motiva aos rapaces e raparigas para se divertiren na nosa lingua.
Consta das seguintes fases:
- Os monitores fan un xogo dramático no que contan todos os pasos da creación dunha película, desde a elaboración do guión ata a dobraxe da mesma.
- Acto seguido, ensaimos entre todos un fragmento da película, aprendendo a encaixarnos as propias voces nas bocas dos personaxes.Experimentámolo todos/as? Ben agora....: Quen quere sair?
- Xa temos os "dobradores". Lemos o guión, ensaiamos, axustamos e... Silencio! Imos gravar!
- Gravamos e, moi sorprendidos, escoitamos o resultado.
Obxectivos
- Achegar ao alumnado o mundo da dobraxe.
- Fomentar a comunicación oral na nosa lingua.
- Fomentar a escrita no formato de guións.
- Traballar a concentración, empatía e traballo en equipo.
Destinatarios/as
Alumnos e alumnas de 6ºA/6º B
Actividade a realizar por grupo-aula (máximo 30 alumnos/as).