Ante esta primeira prorroga do estado de alarma, quero poñerme a disposición de toda a comunidade educativa que puidese necesitar dos servizos de orientación do centro.
Ademais de todas aquelas orientacións e actividades que dende o equipo de profesorado en xeral e dende o Departamento de Orientación en particular se teñen colgado na páxina web do centro, quero poñerme a disposición de toda a comunidade educativa que puidese necesitar dos servizos de orientación do centro e moi especialmente para aquel alumnado con necesidade específica de apoio educativo.
Xa non so porque eticamente coido me corresponde, senón tamén porque a lexislación así o indica: Decreto 229/2011 de Atención á Diversidade no seu Capitulo VII artigo 42.4. Os centros docentes promoveran a posta en marcha .... ou das medidas que correspondan para que as nais, pais ou titores legais reciban información e asesoramento que os axuden no seu labor educativo...
Nesta situación totalmente novidosa para todos, aprenderemos moitas cousas, entre outras a traballar, e apoiarnos nesta tarefa a través da rede.Por isto vos deixo o meu correo electrónico corporativo, para que poidades contactar individualmente e con certa protección de datos: m.hernan@edu.xunta.gal Unha aperta.
