O venres 22 de xaneiro tivo lugar no noso centro un obradoiro de batucada "Ecopercusión" parao o alumnado de sexto de primaria. Durante dúas horas, o ritmo foi o protagonista da xornada escolar.
Entre os días 18 e 23 de xaneiro, os alumn@s de 1º de E: Primaria fixemos unha visita ó supermercado Gadis, onde descubrimos todos os tipos de alimentos e aprendemos como levar a cabo unha alimentación sana e saudable.
A conmemoración O DÍA DA PAZ desenvolveuse cunha serie de actividades en todos os niveis e grupos:
O alumnado que participou na gravación do baile de Clan ensinoulle a compañeiros doutros cursos a coreografía.
O coro do colexio ensaiou e gravou a canción VOAMOS, na nosa lingua.
Todo o centro colaborou nunha actividade plástica "As cores da Paz" que consistía en crear unha colaxe moi colorida do cadro "Guernica" de Picasso. Así, ademais de apreciar a arte deste gran pintor, traballáronse as figuras presentes no cadro, o seu significado, o tráxico que resulta un conflito bélico, os desastres da guerra... Cada un segundo o seu nivel.
Todo o alumnado decorou unha pomba da paz, pero neste caso, tamén chea das cores da paz. Cada nivel dunha cor determinada, para poder formar un arco da vella cando se coloquen axeitadamente na cabeza e nunha orde establecida.
Hoxe, 30 de novembro, todo o alumnado e profesorado saíu ao patio para formar ese arco da vella e bailar ao son da música coa coreografía de VOAMOS.
Antes, escoitamos estas palabras en boca do profe Tony:
A paz, a non violencia, a convivencia constrúese día a día, en cada momento. Hoxe celebramos o Día da Paz, día da non violencia escolar, pero ademais, poñemos en valor a importancia dun xesto. Porque, canto pode chegar a significar unha aparente pequena acción nosa? Pois moito, moito máis do que podemos pensar! Dende a tele, dende a canle de TVE, Clan, invitáronos xa fai un tempo a bailar para que ningún compañeiro e ningunha compañeira se sentise só, ou se sentise apartado sen amigos, sen amigas. Esa invitación provocou unha cadea de feitos que hoxe nos ten a todas e todos aquí, para bailar xuntos en prol da non violencia. Despois de tomar e adaptar a canción "Voamos", de facela nosa, de cantala na nosa lingua, hoxe tamén bailamos pola paz. Así que recordade para cada día, os nosos xestos teñen moita máis importancia da que podemos crer, e aquí temos o exemplo no que un regueiro de ilusión e ánimo nos leva a voar xuntos! Voamos!!!
oxe, martes 30 de xaneiro, a conselleira de Promoción de Emprego e Igualdade, Elena Rivo, acompañada da directora xeral de Ordenación e Innovación Educativa, Judith Fernández, xunto con outras autoridades, visitou o noso centro para poñer de relevo a importancia do Plan Proxecta - Donas de si como unha serie de accións sensibilizadoras entre o alumnado do papel relevante da muller galega na sociedade actual.
Despois de visitar algunhas instalacións do centro e comprobar como a igualdade é un contido transversal que traballamos no centro, con produtos que se van incorporando aos diversos corredores (A muller máis importante para min é...; O mural Donas de sí adicado a Maruja Mallo; exposicións de libros da biblioteca inclusiva...) , dirixiuse á biblioteca, onde catro alumnos/as de sexto de primaria contaron o conto"Vivan las uñas de colores" a alumnado de primeiro de primaria e ás propias autoridades. O alumnado disfrutou do excelente traballo dos contacontos e a sesión foi moi produtiva.
Queremos agracecer ás autoridades o seu interese polo traballo que se está a desenvolver no centro neste aspecto e todos os membros da comunidade educativa pola súa implicación e colaboración
