Alumnado do terceiro ciclo de Primaria participou no programa de Clan TV Aprendemos en Clan: El debate.

O tema proposto foi: "Contaminación acústica: ¿cuándo el sonido se convierte en ruido?"

Todo o alumnado de quinto e sexto investigou sobre este tema tratando aspectos como o son, o ruído, cando un son é ruído, o silencio, os efectos da contaminación acústica na nosa saúde e no noso comportamento, a zonas ruidosas e silenciosas do noso centro... Tamén realizaron debuxos tentando representar o son que se escoita nos seus lugares ou situacións favoritas e felices...

Con todo este traballo previo, vinte alumnos/as, representando ás oito clases, participaron na gravación do programa que se desenvolveu o mércores 8 de marzo no pavillón do colexio. Un amplo equipo técnico despregouse para recoller este debate, que será emitido proximamente na canle de televisión. Xa vos informaremos do día e hora!

Algunhas fotos do acontemento...

     Este curso, para conmemorar o día de Rosalía de Castro, traballamos tres poemas do libro de poesía "Cantares Gallegos" da propia autora.

     Nas aulas de educación primaria cada alumno/alumna escribiu un verso do poema traballado nun tira de papel de cor e... cos papeis resultantes, fixemos unha cadeneta na que compuxemos a poesía.

     Nas aulas de educación infantil cada alumno/alumna coloreou unha ilustración de Rosalía de Castro e coas imaxes resultantes elaboramos unha pequena cortina.

     Para dar a coñecer o noso traballo ao barrio da Ponte e homenaxear á autora decidimos pendurar das árbores da Rúa Rosalía de Castro os nosas composicións.

     Este foi o resultado:

     Esperamos que sexa do voso agrado.

Álbum: Curso 2022-23 -> Día de Rosalía

En primeiro lugar, felicitar a todos e todas os que fixeron o esforzo de acudir ese sábado a máis de 100 km de Ourense.

Os resultados nesta final provincial, que decorreu o sábado 11 de febreiro, no Concello da Rúa (Valdeorras), só se poden cualificar de moi bos.

Por equipos obtiveron medallas e trofeo, subindo ao podio como terceiros: BENXAMÍN MASCULINO. ALEVÍN FEMININO O equipo Benxamín Feminino tamén logrou un meritorio cuarto posto.

As dúas atletas individuais, SARA e NINA, fixeron unha excelente carreira, clasificándose ambas as dúas para o CAMPIONATO GALEGO. No caso de NINA como terceira e MEDALLA no campionato provincial.

Premendo aquí, pódese acceder á galería, onde se ven as fotos a maior tamaño (fai clic na imaxe que queiras).

En primeiro lugar, felicitar a todos e todas os que fixeron o esforzo de acudir ese sábado.

No apartado climatolóxico, tivemos unha mañá fría, pero soleada, boa para as carreiras.

No que atinxe á competición en si, que decorreu o sábado 22 de xaneiro, no Complexo Deportivo de Monterrei, clasificáronse para a Final Provincial de forma individual:

Sara Fernández (Infantil Feminino).

E por equipos, todos eles como segundos clasificados:

BENXAMÍN FEMININO

BENXAMÍN MASCULINO

ALEVÍN FEMININO

Destacar no apartado individual, as medallas de prata de NINA VILLAR en Alevín e SARA FERNÁNDEZ en Infantil, esta última saíndo de primeira e aguantando a posición até a recta final.

Premer na foto para ver a galería.