NOTA INFORMATIVA ÁS FAMILIAS DO ALUMNADO

Infórmase ás familias do alumnado de Educación primaria que o vindeiro xoves 23 de xuño de 2016, remata o prazo para participar no fondo solidario de libros de texto e axudas para adquirir libros de texto e material escolar para o vindeiro curso 2016-17.  

 

Matrícula 2016-17

PLAZO DE FORMALIZACIÓN DE MATRÍCULA: Do 20 ao 30 de xuño (ambos os dous inclusive) 

BENVIDOS


    Benvidos á web do CEIP Raquel Camacho

     Rúa Antonio Pedreira Rios, 13-15     15011 A Coruña -

    Código do Centro: 15005014

    Tlfno/Fax 981.25.71.54     

       Email: ceip.raquel.camacho@edu.xunta.es

CEIP RAQUEL CAMACHO 

CEIP- Raquel_Camacho

Mercadillo solidario "Todos con Iván"

A nosa noraboa ás organizadoras do Mercadillo solidario, celebrado no centro os días 26 e 27 de maio, pola organización e polo traballo realizado, xa que foi todo un éxito; recaudáronse 1.351 euros. E sobretodo moitísimas grazas a toda á comunidade educativa, pais, nais, avós, familiares, veciños....que colaboraron nesta iniciativa.

 

Día das letras galegas

O día 18 de maio celebramos no Centro a festividade das Letras Galegas, onde participaron todos os nenos e nenas do colexio recitando poemas de Manuel María, despois fixemos un fermoso baile preparado pola profesora especialista de música, Ana, e rematamos o festexo da man dos compoñentes da AAVV Agra do Orzán, a quen agradecemos a súa dispoñibilidade e o seu bo facer, xa que coas súas pandeiretas e cancións populares fixeron as ledicias dos mais pequenos e dos maiores tamén. Moitas grazas a todos eles/elas pola súa colaboración. 

Aquí queda unha pequena mostra gráfica deste festexo.

 

 

Axudas para a adquisición de libros de texto e material escolar para o curso 2016-17

Xúntase a Orde do 27 de abril de 2016 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2016/17.

  • O prazo para presentar solicitudes iniciarase o día seguinte da publicación desta orde no Diario Oficial de Galicia e rematará o día 23 de xuño de 2016 (este incluído).
  • Orde do 27 de abril de 2016
  • Impresos

AVALIACIÓNS INDIVIDUALIZADAS DE EDUCACIÓN PRIMARIA. CURSO 2015-16

Nos arquivos adxuntos achégase información de interese para as familias de 3º e de 6º de educación primaria.

Resolución do 18 de abril de 2016 (DOG)

Evaluación final de Educación Primaria. Información de interese para as familias

 

BECAS DE COMEDOR CURSO 2016-17

O martes 5 de abril de 2016, publícanse no BOP da Coruña as bases que rexerán a nova convocatoria do Programa de Bolsa comedor do Concello da A Coruña para o curso 2016-2017.

O prazo para solicitalas é do 6 ao 22 de abril, ambos os dous incluídos, e realizarase preferentemente nos Rexistros municipais.

A información e os impresos pódénse obter na web municipal de servizos sociais (www.coruna.es/serviciossociales), no teléfono 010 de información cidadá e nos centros cívicos municipais.

 

Nos seguintes enlaces achégase a convocatoria en pdf, e os Anexos 1 e 2 que se deben presentar, debidamente cubertos e asinados, xunto co resto da documentación xustificativa que se recolle na Base 8 da convocatoria. 

 

Bases convocatoria

Anexo 1

Anexo 2

Saídas, actividades e visitas do 2º trimestre

CONTACONTOS NA BIBLIOTECA

O martes 23 de febreiro os nenos/as de 5º de Educación Infantil disfrutaron dunha amena e divertida sesión de contacontos na bilioteca a cargo de D. Ángel Portilla Escariz, pai de dous alumnos do centro, que fixo as ledicias dos máis pequenos/as con contos como "Antón zampón", "Ana Manana", " O ourizo e a lebre"....

Moitas grazas Angel polo teu bo facer e por adicarnos un anaquiño do teu tempo.

Aquí queda un pequeno vídeo como mostra do ben que o pasaron e o atentos que estiveron os nenos/as de Infantil.

 

Distribuir contido