Comedor e madrugadores

Informamos a todos os futuros usuarios de comedor, que están pendentes da beca comedor, de cal será o procedemento a seguir este curso.

En primeiro lugar, recordarvos que debedes ser socios do Anpa (preme aquí) para empregar o servizo de comedor, así como estar ó día nos pagos ca empresa que proporciona dito servizo. Recordamos que hai que facer o ingreso de 15€ no número de conta da Anpa (ABANCA ES15 2080 0097 4430 4000 2477, CONCEPTO Nome do alumn@) e subir o xustificante no formulario de alta).

En segundo lugar, e como consecuencia dos protocolos derivados do Covid-19, teredes que mandar toda a documentación, unha vez que saian publicadas as listas DEFINITIVAS das becas (solicitude de comedor, normas de comedor, xustificante do pago do seguro de 7,5€ e a declaración responsable debidamente cubertos) ao correo de Scolarest (comedor.raquelcamacho@gmail.com) incluído o código asiento (o código que vos foi entregado para poder verificar que sodes beneficiarios da beca), nun PRAZO de 4 DÍAS.

Despois será necesario esperar un prazo de 3-4 días máis para a organización de grupos e turnos de comida, seguindo todas as directrices para o debido cumplimento do protocolo establecido para intentar garantir a seguridades dos vosos fillos (este tempo "extra" débese á necesidade de organizar todas as vosas solicitudes para formar grupos estables de nenos e respectar así as normas e protocolos de seguridade establecidos, tanto pola empresa q presta o servizo de catering, coma polo propio colexio).

Permanecede atentos a web do Colexio (e en particular o apartado de comedor do Anpa), xa que se vos confirmará a través dela a data na que poderán empezar no comedor.

Aqueles que necesiten empezar ANTES debedes saber que contades tamén ca opción de levar a COMIDA A CASA.  Nesta opción prepárase a mesma comida (menú) que se serve no cole, pero vai perfectamente embalada para o seu desprazamento. Outra vantaxe é que como non se fai uso do espazo físico de comedor sería posible mandar xa a documentación e empezar nuns días. Tan pronto esté todo correcto recibiredes un email ca data na que xa poderedes empezar a desfrutar do servizo. Nesta modalidade será necesario presentar informe médico todos aqueles que teñan algún tipo de alerxia ou intolerancia alimentaria. 

Debedes saber tamén que ambas modalidades (comedor ou levar a casa) NON son intercambiables; é dicir, a opción que se elixa manterase ó longo de todo o curso.

Lamentamos as molestias ocasionadas derivadas deste proceso, pero as excepcionais circunstancias dadas este curso obrigan a actuar así.

Calquera dúbida que teñades preguntade no correo facilitado anteriormente. 

Por último, recordarvos que se algunha familia se atopa en situación de extrema vulnerabilidades, non dubidedes en acudir o centro cívico máis preto (para explicarlles o voso caso) e solicitar axuda.

Un saúdo, e permanecede atentos á web para máis indicacións.

Este curso 2020-2021, debido ás circunstancias especiais derivadas da situación xerada pola COVID- 19, as prazas de comedor poden verse reducidas para manter a normativa de distanciamento social esixida polas autoridades competentes.

Primeiro, para poder inscribirse no servizo de comedor e/ou madrugadores é imprescindible cumprir estes requisitos:

1.- Estar ao día nos pagos con Scolarest (empresa que presta o servizo de comedor e madrugadores.

2.- Firmar a correspondente "Declaración responsable".

Partindo destas premisas, o Anpa decidiu unha serie de criterios para a inscrición no comedor que serán de aplicación sempre e cando o número de solicitudes sexa maior que o número de prazas ofertadas. 

Os criterios son os seguines e van pola orde que se indica a continuación:

1.- Ser socio do Anpa no curso 2020/2021.

2.- Necesidade de conciliación: que ambos titores ou un, no caso de familias monoparentais, teñan un horario de traballo que imposibilite a recollida dos nen@s ao mediodía. Marcarase no recadro correspondente do impreso de comedor e o Anpa poderá solicitar a documentación pertinente para verificación das circunstancias.

3.- Alumnado beneficiario de beca comedor.

4.- Resto de solicitantes. 

RECOLLIDAS: Este ano como novidade e para ter o menor número de nen@s xuntos, os nenos de Infantil e 1º de Primaria poderán saír ás 15:00 horas (avisando aos monitores de comedor). Os demais nenos sairán coma sempre ás 16:00 horas. 

SERVIZO "COMIDA PARA LEVAR": este ano tamén ofrecemos, como novidade a posibilidade de levar a comida do comedor para comer na casa, así evitamos que se xunten moitos nen@s no comedor. Se estades interesados poñédevos en contacto con nos no noso email anpa.ceipraquelcamacho@gmail.com.

Premendo aquí descarga os prezos para os servizos de comedor e madrugadores.

O prazo para a presentación de solicitudes irá de 26 de agosto ao 4 de setembro.

A modalidade de presentación das solicitudes será preferentemente online (enviando a declaración responsable e o impreso de comedor cubertos ao noso email: anpa.ceipraquelcamacho@gmail.com) ou, como excepción, presencialmente os días 27, 28 e 31 de agosto de 10:00 a 12:00 horas na aula de pintura/plástica entrando polo portalón ao lado da escola infantil (gardería). Estará Tere para atendervos.

Como resumo, para poder inscribirse no comedor ou/e en madrugadores, tedes que seguir os seguintes pasos:

1.- Darse de alta no Anpa. Este ano o alta como socio do Anpa realizarase online premendo aquí.

2.- Facernos chegar a declaración responsable curberta e asinada. Podedes descargala premendo aquí.

3.- Facernos chegar o impreso de comedor ou/e madrugadores cuberto e asinado que podedes descargar premendo aquí.

Somos moi conscientes de que as medidas que nos estamos vendo obrigados a tomar non serán do agrado de moitos, pero o único fin é tentar ofrecer un servizo o máis seguro posible tanto para os nen@s como para os traballador@s que prestan os servizos. Son unhas circunstancias tan excepcionais que pedimos compresión e tentaremos facelo cos mellores criterios.