ONDE AS PALABRAS FALLAN, A MÚSICA FALA. (Hans Christian Andersen)

Actualidade

FESTA DA FAMILIA

O martes 24 de maio celebramos o DÍA DAS FAMILIAS.

Faremos unha pequena festa no colexio para conmemorar esta data. Degustaremos doces e tomaremos chocolate quente. As familias que queiran participar poden traer algún doce feito na casa (biscoito, pastel...)

 Para saber a cantidade de chocolate que temos que facer pregamos que anotedes, no recadro correspondente da circular entregada aos nenos/as o venres 20 de maio, o número de asistentes por familia. Dita circular será devolta ás titoras, cuberta e asinada.

 Cada asistente terá que presentar un bono (0,50€) que lle dará dereito a un chocolate e degustación de doces.

Cada neno/a levará tantos bonos como número de asistentes marquedes no recadro.

 As familias do alumnado de E. Infantil, 1º e 2º de E. Primaria recollerán os bonos o luns 23 e o martes 24 en secretaría, de 9.05 a 11.30.

 Ao resto do alumnado, entregaránllelos as súas titoras unha vez pagados.

 Haberá tamén unha pequena tómbola atendida polo nenos/as de 6º curso. O prezo de cada boleto será de 1€. 

 Os cartos recadados neste día teñen como finalidade abaratar o prezo da excursión de fin de etapa.

O próximo curso comezan unha nova andadura, nun novo centro, e gustaríanos que levaran un bo recordo desta etapa educativa.

 

Un saúdo para todos/as, contamos convosco.

Equipo de Convivencia do CEIP RECIMIL

EXCURSIÓN A BETANZOS

Os nenos e nenas de 3º e 4º  de E. Primaria fomos de excursión a BETANZOS. Ademais de desfrutar dun día de sol espléndido, fíxonos moita ilusión ir en tren, para moitos de nós foi a primeira vez que utilizamos este medio de transporte.

Xa  dende o tren, vimos paisaxes moi bonitas e as estruturas que se están construíndo en Fene para colocar xeradores e aproveitar a enerxía eólica.

Chegamos a Betanzos e percorremos o casco histórico, da que  foi unha das vilas máis importante na Idade Media, e ademais, Betanzos foi unha das sete provincias do Antigo Reino de Galicia.

Paseando pola p do río Mandeo chegamos  ao PARQUE DO PASATEMPO, construído hai uns cen anos por dous irmáns  de Betanzos que emigraron  a Arxentina, fixeron fortuna, e ademais de facer escolas para os nenos e nenas de Betanzos, quixeron representar neste parque o que ían vendo polo mundo que percorreron, para darllo a coñecer  aos seus veciños.

Pareceunos impresionante, vimos estatuas, grutas,  estanques con parrulos, cisnes , gansos, e meténdonos por unha gruta chegamos á terraza donde nos sorprendeu un enorme león de pedra.  Dende esa terraza divisamos toda a vila.

Despois de comer fomos xogar a un labirinto vexetal, cerca del vimos unha gansa  incubando ovos, sorprendeunos como o macho se poñía  en garda cando nos achegabamos a ela, pensaba que lle podíamos facer dano!!!!

Regresamos no tren cansos pero moi contentos de ver tantas cousas que nos sorprenderon e espertaron a nosa curiosidade.

Premendo na imaxe podedes ver todas as fotos desta marabillosa excursión.

SEMANA DA FROITA (23 - 27 DE MAIO)

Programa "ALIMÉNTATE BEN", modalidade "FROITA NA ESCOLA" (Consellería do Medio Rural e do Mar, coa colaboración da Consellería de Cultura, Educación e Ordenación Universitaria e da Consellería de Sanidade).

XOGOS E RECURSOS

(Premer nas imaxes)

FrutiJuego

Ficha das froitas e verduras

Siempre es momento de comer más fruta
El juego de la batidora

Alimentraining.  Frutas y verduras

La Pandilla de Leo.   El juego de las frutas

Powered by Drupal - Design by artinet