INFORMACIÓN SOBRE AVALIACIÓN FINAL DE CURSO 2022-23

Ao longo do mes de xuño desenvolveranse o proceso de avaliación final do alumnado. O boletín de cualificacións será enviado por AbalarMóbil ás familias o día 21 de xuño (ás 15:00 horas aproximadamente). Se algunha familia non ten aínda acceso a AbalarMóbil recomendamos que o instale o antes posible e, de ser o caso, actualice os datos de contacto que facilitou ao centro para este menester. Tal e como recolle a normativa, abrirase un prazo de reclamación ás cualificacións de dous días (22 e 23 de xuño). A lexislación sobre a avaliación e reclamacións aparece a continuación:

• Orde do 2 de marzo de 2021 (DOG do 11 de marzo de 2021).
• Modelo de reclamación.
• ORDE do 25 de xaneiro de 2022 pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato no sistema educativo de Galicia.
• Instrución 2/2023 da Dirección Xeral de Ordenación e Innovación Educativa pola que se precisan aspectos da Orde do 2 de marzo de 2021 pola que se regula o dereito do alumnado á obxectividade na avaliación e se establece o procedemento de reclamación das cualificacións obtidas e das decisións de promoción e obtención do título académico que corresponda, en Educación Infantil, Educación Primaria, Educación Secundaria Obrigatoria e Bacharelato, para o curso 2022-23.