Ed. Física

DÍA DA EDUCACIÓN FÍSICA NA RÚA

Mar, 03/05/2022 - 20:15 — admin

Chegou o 27 de abril e con el unha das citas máis esperadas no colexio, o Día da Educación Física na rúa.

Os nosos olímpicos e olímpicas puxeron a proba a súa resistencia e saíron a camiñar polos espazos verdes da contorna e os parques. O alumnado de primaria fixo unha andaina polo barrio de Visma e o parque Adolfo Suárez, mentres que os pequenos e pequenas de infantil camiñaron polo percorrido do facho olímpico e polo parque dos Mariñeiros.

Ademais, o venres 28 xuntámonos na praza de María Pita preto de 400 escolares de sete colexios de A Coruña para celebrar, promocionar e defender a Educación Física . Os nosos representantes foron os ciclistas da clase de 6ºB de Infantil, que deixaron a todo o mundo marabillado co seu bo facer nas bicicletas.

Álbum: CURSO 2021/2022 -> Día da Educación Física na rúa

FIN DO SEGUNDO TRIMESTRE. AS OLIMPIADAS DE CORDA

Sáb, 23/04/2022 - 16:44 — admin

A fin do segundo trimestre chegou e os nenos e nenas de Visma tiveron que enfrontarse ás Olimpiadas de corda para lograr a medalla de plata e seguir avanzando neste curso olímpico.

Estas Olimpiadas de corda puxeron de manifesto un dos máis importantes valores olímpicos, o compañeirismo.

O alumnado de San Pedro de Visma traballou en equipo para superar dúas probas e conseguir a medalla de plata:

Entre todos os nenos e nenas de cada clase tiveron que superar unha serie de retos de corda: saltar cos ollos pechados, cruzando a corda, saltos con xiro...
Acadar 5.000 saltos entre todos os nenos e nenas en tres minutos. Ah!, non so chegaron a 5.000 saltos, é que deron 18.706.

Parabéns ao equipo de San Pedro de Visma, fúchedes un exemplo de esforzo e traballo en equipo.

Álbum: CURSO 2021/2022 -> Olimpiadas de corda

COÑECENDO OS DEPORTES OLÍMPICOS: A ESCALADA

Dom, 03/04/2022 - 20:05 — admin

O alumnado de 4º de primaria achegouse ao rocódromo de Riazon, e da man de AMI (Agrupación de montañeros independentes) puideron probar un novo deporte olímpico, a escala.

O fixeron xenial unha vez superados os medos iniciais o e o pasaron aínda mellor.

Álbum: CURSO 2021/2022 -> Rocódromo 4º EP

COÑECENDO OS DEPORTES OLÍMPICOS: A VELA

Ven, 25/03/2022 - 18:43 — admin

O alumnado de 5º de Primaria puido coñecer gracias ao programa do Concello de A Coruña, "O Atlántico parte de ti", un novo deporte olímpico, a vela.

Non o fixeron nada mal estes regatistas de Visma.

Preme na imaxe para acceder ao álbum.

Álbum: CURSO 2021/2022 -> O Atlántico parte de ti.

COÑECENDO OS DEPORTES OLÍMPICOS: A ESGRIMA

Mar, 08/02/2022 - 19:50 — admin

Os nenos e nenas de 3º a 6º Primaria coñeceron outro deporte olímpico, a esgrima

Nesta ocasión contamos co clube de esgrima 100 Tolos. Manel e Yan mostráronlle aos rapaces este deporte tan descoñecido nos centros educativos.

Moitas gracias aos dous e o clube 100 Tolos.

blogue de admin

AXENDA OLÍMPICA FEBREIRO

Lun, 07/02/2022 - 18:34 — admin

blogue de admin

COÑECENDO OS DEPORTES OLÍMPICOS: O JUDO.

Xov, 20/01/2022 - 20:46 — admin

Os rapaces e rapazas seguen aprendendo sobre os Xogos Olímpicos. Desta volta tocou poñerse o quimono. O mestre de judo Juanca, do ximnasio JK de A Coruña, ensinoulles a os nenos e nenas de 4º,5 º e 6º de Primaria, este deporte olímpico e milenario.

Non o fixeron nada mal as nosas e os nosos judokas.

Moitas gracias Juanca, polo bo facer e por amosarlle ao alumnado unha alternativa máis para manterse activo a través do judo.

blogue de admin

PREMIOS STOP ACCIDENTES

Mar, 18/01/2022 - 21:34 — admin

No CEIP Plurilingüe San Pedro de Visma estamos de en hora boa!

De entre os centos de debuxos que fixeron os escolares de Coruña a creación de Hoaila de 6º A foi unha das 12 escollidas pola asociación STOP Accidentes para formar parte do seu calendario de 2022. Ademais, Antía de 6º A e Antía de 3º B conseguiron chegar ata a final.

MOITOS PARABÉNS PARA AS TRES!!!!

Velaí o resumo da entrega de premios que tivo lugar na Casa do Concello de A Coruña e o debuxo de Hoaila.