Estimados lectores e lectoras, xa chegou a primavera á leoteca Bibliosoños!!!  

Pasou marzo ventoso e aquí chega xa abril chuvioso cargadiño de: contos, poesías, xornais e novos concursos!

Non podemos consentir que as trazas, ou couzas, veñan de lambonas a comer nos nosos libros favoritos, de modo que convidamos a unha pandilla de morcegos (que devecen por comer trazas e couzas) a vivir na nosa Bibliosoños. 

Precisamos un nome para a súa colonia, de modo que, ánimo!, colle unha tarxeta na corcheira á porta da Leoteca e deixa a túa suxerencia  

Tes ata o luns 30 deste mes de abril!

 O alumnado voluntario de 5º e 6º de Primaria están de “Contacontos por un Día”

As alumnas e alumnos das aulas de 4º, 5º e 6º de Infantil agardan xa impacientes polo seguinte día de contos mentres van completando o seu “Pasaporte de Lecturas” cos selos que gañan en cada contacontos ao que asisten.

Estimadas lectoras e lectores,

Este sábado convídovos, de 20,30 a 21,30h, a unirvos á "Hora do Planeta".

Apaga a luz e conecta co Planeta. Únete ao maior movemento de loita contra o cambio climático!!!!  

Neste mes de marzo, “cargadiño” de conmemoracións “verdes” (medioambientais).

 3 Día Mundial da Natureza 

5    Día Mundial da Eficiencia Enerxética 

15  Día Mundial do Consumo Responsable 

21  Día Internacional dos Bosques

22  Día Internacional da Auga

24  Día Internacional da Hora do Planeta

Un saúdo, o voso amigo Leo León.

Estimadas lectoras e lectores,

Este mes de marzo está “cargadiño” de conmemoracións “verdes” (medioambientais).

Quero compartir con vós este almanaque e invitarvos a pasar polo Rincón Fedello nas próximas semanas!!!

(teréi algo preparado para que enrededes “en verde”)

3    Día Mundial da Natureza 

5    Día Mundial da Eficiencia Enerxética 

15  Día Mundial do Consumo Responsable

21  Día Internacional dos Bosques

22  Día Internacional da Auga

24  Día Internacional da Hora do Planeta

Un saúdo, o voso amigo Leo León.

Durante os meses de marzo e abril irán chegando á Leoteca as caixas para acubillar á "Colonia de Morcegos".

Tal como acontece en Portugal, na biblioteca da Universidade de Coimbra (chamada “Joanina”)  

 onde vive unha colonia, real, de morcegos aos que agradecerlles a conservación dos libros grazas á súa dieta de insectos. 

Organizaremos concursos para darlles nome e acoller na nosa Leoteca a estes novos personaxes que seguro teñen moitos contos e historias para nós.

Un saúdo, o voso amigo Leo León.

Participamos da actividade que este curso propón a Asociación de Escritoras e Escritores en Lingua Galega (AELG): #AbrideAfiestra

 Penduramos das fiestras da biblioteca carteis con versos e algún elemento iconográfico do seu universo para lles dar luz e compartir as súas verbas con vós.

#AbrideAfiestra consiste en ver a muller, a escritora, a irredutible. Porque en todos os recunchos do mundo, mais sobre todo aquí, en Galicia, hai Rosalías que cantan e que falan, Rosalías que abrimos a fiestra saíndo á rúa contra o espolio da terra que ela cantou, ecolóxica.

(manifesto completo de María Reimóndez en Manifesto da Asociación de Escritoras e Escritores en Lingua Galega no Día de Rosalía de Castro 2018)

Recomendacións de contos, poesía, banda deseñada e música para este Nadal. 

\

Na hora de lectura, entregamos os premios do Concurso de Contos de Nadal. Da gusto ver a biblioteca chea de alumnado que  participa das propostas e actividades !!!

Este curso o “Itinerario lector” do colexio céntrase na figura do escritor Antonio García Teijeiro. Por iso, precisamos que merquedes o seguinte libro para levar a cabo unha lectura colectiva no segundo trimestre.

Moitas grazas.

1º EP	2º EP	3º EP	4º EP	5º EP	6º EP
Honorato, o Rato Namorado	Honorato, o Rato Namorado	Poemar o Mar	Recendos de Aire Sonoro	Recendos de Aire Sonoro	Recendos de Aire Sonoro
Editorial Xerais	Editorial Xerais	Editorial Xerais	Editorial Xerais	Editorial Xerais	Editorial Xerais

O proxecto de investigación do cole do curso pasado: "Con Vigo na Maleta"

 premiado pola Consellería no contexto do plan LIA (Lectura, Información e Aprendizaxe) de bibliotecas esco

lares.

As nosas actividades e 

traballos de investigación dentro do Proxecto Documental Integrado "Con Vigo na Maleta" durante o pasado curso foron recoñecidas pola Consellería de Cultura, Educación e Ordenación Universitaria a través do concurso da Dirección Xeral de Centros

- texto da resolución http://www.edu.xunta.gal/portal/sites/web/files/resolucion_iv_concurso_tpp.pdf

- memoria presentada ao concurso   http://www.edu.xunta.es/biblioteca/blog/files/descargas/nodos/TPP/1617/36015810_TPP1617_Memoria1_1c3d59.pdf 

Durante este mes de novembro, cada semana, aparecerá un novo reto científico na corcheira da Leoteca Bibliosoños.

O alumnado poderá cubrir unha ficha coas súas hipóteses tratando de imaxinar que pasará ao realizar o experimento.

Na seguinte semana, despois de ler as distintas solucións aportadas, poderán comprobar se acontece o que esperaban e darase unha breve explicación científica para entender os resultados.

Anímate, únete a Leo León neste mes de descubrimentos científicos!!!

martes 14 => Educación Infantil

martes 21 => 1º, 2º e 3º Educ. Primaria

martes 28 => 4º, 5º e 6º Educ. Primaria

 Estimados lectores e lectoras:

    A partir de hoxe tendes á vosa disposición a mochila viaxeira deste curso 2017-18 para xogar en familia.

 Quero dar as grazas ás vosas  familias por permitir que esta Mochila Viaxeira  chegue ao voso fogar. Esta é unha iniciativa da nosa “Leoteca Bibliosoños” para fomentar o gusto  pola lectura.

Este martes 24 de outubro, Día da Biblioteca, desvelaremos o Proxecto Documental Integrado para este curso 2017-18