O luns, 16 de outubro, quixemos mostrar a nosa repulsa aos incendios que asolaron Galicia no día anterior.
Xuntámonos tod@s para facer un minuto de silencio e ler un manifesto. Despois, nen@s de 3º e 6º de Primaria acudiron ao Concello para expor, cos seus debuxos, que queremos un monte vivo, non queimado.
O venres 29 de setembro, @s alumn@s de 5º e 6º de Ed. Infantil e 1º de Ed. Primaria, visitaron no porto de Vigo de Bouzas o palangreiro Novo Rumbo e no porto do Berbés a Lonxa de peixe, un viveiro de marisco e estiveron coas aves rapaces que manteñen alonxadas ás gaivotas.
Todo isto organizado pola Asociación ORPAGU.
E o luns, 9 de outubro, @s alumn@s de 2º ,3ºe 6º de Ed. Primaria, disfrutaron da mesma experiencia!
Moitísimas grazas ORPAGU pola vosa oferta e agasallos!
Na semana do 25 ao 29 de setembro completamos a actividade de "O ladrón de palabras cunha serie de visitas por grupos á Residencia Monte Tecla, onde cada alumn@ puido gardar os seus recordos no Bunker que alí tiñan ata o ano próximo.
O xoves, 21 de setembro, tivemos a visita de Susa Herrera que nos interpretou as cancións do seu libro "Cantos animais". A Actividade gustounos moito e mantivo, tanto a nen@s como a profes, moi atentos.