Ed. física

Ao longo desta semana, con motivo da celebración do Día de Europa (9 Maio), nas clases de E.F. xogamos ao xogo popular coñecido polo nome de Sangue ou Pés quedos, aproveitando uns petos coas bandeiras e nomes dos países da Unión Europea feitas hai uns anos polo alumnado de 6º de Ed. Primaria.

Para escoller as bandeiras primeiro tratan de adiviñar de que país se trata. Unha vez repartidos os petos, o representante de España, comeza o xogo no centro e lanza a pelota ó tempo que di o nome doutro país. O escollido recóllea o máis axiña que pode e os demais escapan. Cando a colle berra: Sangue! e os demais fican parados no sitio.

O xogador que ten a pelota dá tres saltos cara a outro xogador e lánzalle a pelota. Se lle dá, terá unha falta (ferido) e se non lle dá non hai feridos.

As faltas poden ser tantas como acordemos ó principio do xogo: ferido, grave, moi grave, en coma, morte, zombi, cenizas... segundo a creatividade dos participantes.

REPASA O APRENDIDO NA CLASE NESTES ENLACES:

O pasado 12 de Marzo, as nosas atletas da categoría alevín feminino obtiveron como premio á súa entrega a asistencia ao campeonato galego de campo a través, un campeonato reservado aos mellores atletas da nosa comunidade. Esta hazaña é ainda maior tendo en conta que na cita da Estrada éramos o único colexio como tal presente no medio de todos os mellores clubs de atletismo da nosa comunidade. Brillante colofón por parte de María, Carla, Carmen, Amanda, Aroa e Luna a unha primeira parte da tempada que se saldou cun sexto posto por equipos neste campeonato autonómico (anteriormente venceran na fase comarcal e quedaran segundas no provincial). Comeza agora a tempada de pista en donde estas fabulosas atletas e os seus compañeiros intentarán dar o millor de sí. En calquera caso só se lles pide unha cousa, que disfruten co que fan. Aquí tedes un enlace (pinchade na foto) á galería fotográfica desta proba.

O 10 de Decembro celébrase o día dos Dereitos Humanos. No CEIP VALLE INCLÁN DO GROVE o fixemos días despois debido as inclemencias do tempo cunha carreira solidaria na que as familias foron os patrocinadores dos seus fillos contribuíndo a loita contra a desnutrición infantil.

Preme na imaxe para ver o vídeo resumo do evento.

Máis información en:

http://vivirtocandoomar.blogspot.com.es/2015/12/carreira-solidaria-save-children.html

Recentemente o noso centro ven de participar na fase comarcal da competición de campo a través que organiza a Xunta de Galicia a través do programa "XOGADE". Ademáis de pasar unha mañá divertida facendo deporte, os máis de 60 nenos e nenas de 4º, 5º e 6º de Primaria do noso colexio desplazados ata Portas  obtiveron uns magníficos resultados que os vai levar a participar a moitos deles na seguinte fase, a provincial, no mes de Xaneiro.