Xa están publicadas as LISTAXES DEFINITIVAS de admitidos e non admitidos para o curso 2024/25. Podedes consultalas por sede electrónica na aplicación admisión alumnado co código de solicitude ou no taboleiro interno do centro.

Prezadas familias.

Benvidos e benvidas a un novo curso no CEIP Valle-Inclán. Agardamos que gocedes do verán e destes meses antes de comezar o curso.

Queremos informar de algo importante para a comunicación entre escola-familia: a aplicación de AbalarMóbil da Xunta de Galicia para as familias.

Nesta páxina tedes a información, o manual de usuario, que tamén enviamos neste correo, e vídeos para a instalación e rexistro:
https://espazoabalar.edu.xunta.gal/es/servicios-digitales/app-de-comunicacion-abalarmobil-para-familias

En setembro comunicarémonos xa mediante esta aplicación, polo que é moi importante descargala. As familas de novo ingreso ata o 1 de setembro non se sincronizará cos datos da matrícula, polo que non vos aparecerá nada ata ese día. 

 "AbalarMóbil é unha aplicación que permite ás familias consultar a información dos seus fillos a través do teléfono móbil dende calquera lugar, de forma cómoda e rápida. Desta forma, van a poder consultar os posibles avisos ou notificacións por parte do profesorado ou do centro educativo. Unha vez enviada a mensaxe, os/as responsables, que estean subscritos as notificacións, recibirán os avisos nos seus dispositivos móbiles

A aplicación abalarMóbil está dispoñible para os pais, nais e titores legais do alumnado matriculado nos centros educativos de Galicia de educación infantil, primaria, secundaria, bacharelato e ciclos formativos. Tamén poden acceder os estudantes cando son legalmente responsables de si mesmos.

As familias que descarguen abalarMóbil van poder dispoñer das seguintes funcionalidades:

• Acceder aos datos persoais
• Consultar as cualificacións
• Consultar e xustificar as faltas de asistencia
• Consultar as faltas de conduta
• Solicitar unha cita de titoría
• Consultar os datos do centro educativo
• Consultar os avisos ou notificacións por parte do profesorado ou do centro educativo.
• Consultar as  incidencias creadas polo profesorado
• Modificar o idioma da aplicación

Acceder á mensaxería de abalarMóbil, que é unha nova funcionalidade que tén como obxectivo facilitar a comunicación entre o centro e os responsables do alumnado, ou entre o profesorado e este."

Agardamos vervos en setembro con moita ilusión. Feliz verán!

Prezadas familias:
 
Xa está dispoñible a listaxe provisional de admitidos e excluídos para o fondo solidario de libros de texto de 3º e 4º de Primaria, as axudas para adquirir libros de texto en 1º e 2º de Primaria e as axudas para material escolar destinadas ao alumnado de Primaria.
 
-              As familias que presentaron a solicitude electrónica, podedes ver o resultado do fondo solidario de libros de texto na aplicación de Fondo Libros da Consellería.
 
-              As familias que presentaron a solicitude de maneira presencial, podedes ver o resultado do fondo solidario de libros de texto no taboleiro interno do centro.
 
-              As listaxes das axudas de libros e material non se publican no taboleiro por protección de datos persoais. Podedes consultalas chamando ou enviando correo ao centro.
 
-              As reclamacións ás listaxes provisionais se poderán realizar os 2 días seguintes á publicación.
 
-              A publicación das listaxes definitivas será o día 26-07-2023.