|
NOVAS DO CENTRO
EventosAula Virtual
 Iniciar sesión |
ENAPA METODOLOXÍAS ACTIVASEnviado por admin o Xov, 28/04/2022 - 07:02
Xa temos preparada a nosa seguinte ENAPA. Será o próximo luns 2 de maio de 2022, de 17:30 a 19:30. Correrá a cargo de Ana Vieito, consultora pedagóxica do Instituto Ilai, experta en pedagoxías activas, intelixencia emocional e mestre de Ioga. Leva acompañado a familias en diferentes espazos Montessori, ao longo de 10 anos, e introducindo o Ioga nas aulas e fogares como ferramenta pedagóxica. Toda esa traxectoria conclúe coa creación da metodoloxía Ilai, como acompañamento en calquera proceso e etapa da vida.
Na charla trataremos aspectos básicos sobre: · De que falamos cando nos referimos a Pedagoxía Activa · Como responden Montessori, Waldorf e Regio Emilia ás bases da Pedagoxía Activa (PA). · ABJ (aprendizaxe baseada no xogo) dentro da PA. · Que é a gamificación? · A importancia do acompañamento emocional. · A transformación do adulto.
Como xa comentamos o relatorio se realizará de xeito virtual, a través da ferramenta web para conferencias en liña que pon a disposición dos Centros Educativos a Consellería de Educación, CISCO WEBEX. Precisamos inscrición para poder enviar o enlace a reunión. Así que se estades interesados/as non tendes máis que mandar un correo solicitando as claves de acceso.
( categories: )
Campaña No a la guerra contra la infancia de Save The ChildrenEnviado por admin o Mar, 29/03/2022 - 03:42
No CEIP Valle-Inclán sumámonos á campaña #noalaguerracontralainfancia de Save The Children. Esta guerra é o resultado de moitos anos de conflitos e tensións entre Rusia e Ucraína e, como sempre sucede nestes casos, acaban sufrindo as consecuencias os e as inocentes. Os e as representantes do Club de Convivencia leron o Manifesto desta ONG e plantamos xirasoles nunha zona do noso patio, flor nacional de Ucraína que representa para elas e eles resistencia e paz. As cores da bandeira de Ucraína locen na porta do colexio, feita con lazos azuis e amarelos, e os debuxos dos xirasoles xa colgan no noso Corredor da Paz, Sadako Sasaki, xa que nel xuntamos máis de 2.000 grúas de papel fai uns anos e converteuse en símbolo de Paz para nós. Fixémolo en marzo porque este é un mes moi significativo. O 15 de marzo cúmprense 11 anos do inicio da guerra de Siria e o 26 fai 7 dende que comezou a de Iemen. Este acto serve para que reflexionemos e intentemos parar todas as guerras que hai no mundo, xa que esta é unha máis de moitas. Xuntos faremos un mundo mellor. Moita xente pequena, en lugares pequenos facendo cousas pequenas, pode cambiar o mundo. Club de Convivencia do CEIP Valle-Inclán de Vigo.
Día da muller 2022Enviado por admin o Ven, 11/03/2022 - 04:48
O 8 de marzo celebramos o Día da Muller, a proposta foi buscar na nosa contorna mulleres ás que admiramos. Ela é... Admíroa porque...
 |
