blogue dexose
Clasificación final Torneo Xadrez 2º trimestre 2023
Enviado por xose o Xov, 30/03/2023 - 18:38Chegamos ao final do 2º trimestre e os resultados do torneo son:
5º e 6º cursos: 1º Daniel Antón e Raúl Soage, con 11 puntos 3º Alex Almazán, con 6,5 puntos |
3º e 4º cursos: 1º Martín Serrano, con 5,5 puntos 2ºBorja Nogueira, con 5 puntos 3º Roberto, con 1,5 puntos |
1º e 2º cursos: 1º Martín Carrasco, con 5,5 puntos 2º Martín Campelo, con 2,5 puntos 3º Ariadna, con 0,5 puntos |
|
LEGO WEDO en 1º de primaria
Enviado por xose o Mar, 28/03/2023 - 13:06O alumnado de 1º de primaria experimentou hoxe coa programación de robots utilizando o kit de LEGO WeDo. Tiveron que seguir catro pasos:
1. Construír un caracol utilizando a tablet onde figuraban as instrucións,
2. Conectar o robot á tablet mediante bluetooth
3. Escribir a programación utilizando bloques
4. Comprobar que funciona!
E podemos dicir que o pasaron moi pero que moi ben!! Descubriron que podían cambiar cores, escoller sons ou mesmo gravarse a si mesmos para incluír as súas voces na programación.
Colexio do Benquerer: comunicación asertiva
Enviado por xose o Xov, 16/03/2023 - 12:28Estes días traballamos nas aulas de 5º e 6º de primaria o tema da comunicación asertiva, dentro do programa de educación afectivo-sexual do Colexio do Benquerer.
Vimos que existen tres estilos básicos de comunicación: agresiva, pasiva e asertiva. O alumnado recoñece que o seu estilo máis frecuente é o estilo agresivo, facilitado polas confianzas que teñen cos seus amigos/as.
Na comunicación asertiva, fundamental para ter novos amigos/as, defendemos os nosos propios dereitos respectando os dereitos dos demais, é dicir, sen ofender nin molestar.
Na imaxe seguinte vemos os cinco pasos básicos que podemos seguir para intentar manter unha comunicación asertiva, e saber dicir que NON, sen que o interlocutor se sinta ofendido.
Xadrez no CEIP Sequelo
Enviado por xose o Mér, 15/03/2023 - 20:28Todas as tardes dos mércores xuntámonos para aprender a xogar ao fascinante xogo do xadrez na biblioteca do CEIP Sequelo. Esta actividade está organizada pola ANPA do colexio, e neste curso está sendo todo un éxito pola cantidade de alumnado que participa, desde 1º a 6º cursos de primaria.
Ánimo e a seguir xogando!!
Programación con Lego WeDo
Enviado por xose o Mar, 14/03/2023 - 21:08Hoxe o alumnado de 2º de primaria traballou en grupos de tres co kit de robótica de LEGO WeDo, construíndo un muíño de vento e programando o movemento das súas aspas. Para iso axudámonos coas tablets do cole, que tiñan instalada a aplicación WeDo 2.0 coas instrucións para a construción e as suxestións para a programación.
Programa de Educación Afectivo-Sexual Colexio do Benquerer
Enviado por xose o Ven, 03/03/2023 - 18:23Nestes días iniciamos o programa de educación afectivo-sexual "Colexio do Benquerer" que nos ofrece a Fundación Meniños, cos cursos de 5º e 6º de primaria.
En 5º curso traballamos a actividade "O nome correcto", que nos ensina a utilizar o nome correcto para designar aos órganos sexuais masculinos e femininos e fainos reflexionar sobre o porqué da existencia de moitos nomes inapropiados.
En 6º curso vimos a actividade "A máquina do tempo" centrada nos diversos tipos de cambios que se producen na etapa da puberdade: cambios non só físicos, senón tamén emocionais, cognitivos e sociais.
I Campionato Xadrez 2022-2023
Enviado por xose o Mér, 21/12/2022 - 21:32Neste primeiro trimestre do curso 2022-2023 fixemos un campionato xogando todos os mércores na biblioteca, e os gañadores son:
5º e 6º cursos: 1º Daniel Antón, con 16 puntos 2º Yago Martínez, con 9,5 puntos 3º Alez Almazán, con 8,5 puntos |
3º e 4º cursos: 1º Martín Serrano, con 12,5 puntos 2º Borja Nogueira, con 3,5 puntos 3º Leire Nogueira, con 8,5 puntos |
1º e 2º cursos: 1º Martín Carrasco, con 9 puntos 2º Vera Serrano, con 2,5 puntos 3º Martín Campelo, con 2 puntos |
NORABOA A TODOS E TODAS!!
III Campionato de Xadrez CEP Sequelo 2021-2022. Clasificación Final.
Enviado por xose o Xov, 23/06/2022 - 14:26Rematou o terceiro e último campionato de xadrez do CEP Sequelo deste curso, cun total de 13 torneos, e xa temos a clasificación final e os gañadores, que son:
En 6º curso: 1º Marcos, con 36 puntos 2º Manuel, con 9 puntos 3º Mateo, con 4 puntos |
Ex alumnos: 1º. Breixo, 6 puntos
|
Profesores: 1º. Xosé 27 puntos |
|
Feliz verán e seguimos no vindeiro curso!!
Documentos de centro (2022-2023)
Enviado por xose o Mér, 01/06/2022 - 09:53Procedemento de reclamación das cualificacións obtidas e das decisións de promoción.
CONCRECIÓN CURRICULAR 2022-2023
Enlace á Concreción Curricular
PROGRAMACIÓN XERAL ANUAL (PXA)
PLAN DIXITAL DE CENTRO
Instrucións para o curso 2022-2023 (Resolución 26 maio 2022)
Resolución do 26 de maio de 2022, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de educación infantil, educación primaria, educación secundaria obrigatoria e bacharelato no curso académico 2022-2023.
Rehabilitación integral do CEP Sequelo
Enviado por xose o Mar, 31/05/2022 - 09:20Estas obras teñen un investimento de 824.206 euros, e permitirán acadar un aforro enerxético do 75%.
Bolsas e axudas para alumnado con necesidade específica de apoio educativo no curso 2022-2023
Enviado por xose o Xov, 26/05/2022 - 09:45O Ministerio de Educación convoca Axudas para alumnado con necesidade específica de apoio educativo derivada de discapacidade, trastorno grave da conduta, trastorno do espectro autista ou altas capacidades.
O prazo para solicitar a bolsa vai desde o día 19 de maio ao día 30 de setembro (venres).
Podemos obter información sobre a convocatoria no seguinte enlace:
E máis detallado no enlace: https://www.becaseducacion.gob.es/becas-y-ayudas/ayudas-apoyo-educativo/tipos-de-becas.html
A solicitude hai que cubrila na sede electrónica do Ministerio de Educación: https://sede.educacion.gob.es/sede/login/inicio.jjsp?idConvocatoria=1731
A web CEIP Sequelo no teu teléfono móbil
Enviado por xose o Lun, 23/05/2022 - 13:00Animamos a todas as familias a seguir dende o seu teléfono móbil as noticias que se van publicando na web de CEIP Sequelo.
O procedemento a seguir consiste en instalar no móbil unha aplicación como RSS READER, descargándoa de Play Store e configurala como se indica no vídeo seguinte.
Convocatoria do fondo solidario de libros de texto 2022-2023
Enviado por xose o Xov, 19/05/2022 - 14:02Publicouse a convocatoria do fondo solidario de libros de texto e axudas para adquirir libros de texto e material escolar destinadas ao alumnado matriculado en educación primaria, ESO e educación especial para o curso escolar 2022/23.
O prazo para presentar solicitudes rematará o día 22 de xuño de 2022 (este incluído).
A solicitude pode cubrirse de dúas formas: de xeito telemático ou presencial no propio centro.
De xeito telemático no seguinte enlace FONDOLIBROS
Para presentación presencial: utilice os Anexo I e Anexo II (comprobación de datos dos membros computables da unidade familiar) da Orde da convocatoria, debidamente cubertos e asinados, e presénteos no centro educativo.
Outra documentación necesaria:
- Fotocopia do Libro de Familia ou documento equivalente, onde figure o alumnado e os demais membros computables da unidade familiar.
- En caso de separación ou divorcio, fotocopia da última sentenza xudicial e/ou convenio regulador onde conste a atribución da custodia do/da menor.
- Excepcionalmente poderase acreditar o número de membros computables polos seguintes medios:Certificado ou volante de convivencia ou informe dos servizos sociais ou do órgano equivalente do concello onde resida a familia.
- Certificado de discapacidade do/da alumno/a ou calquera membro da familia non expedido pola Administración autonómica.
- Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo.
- Resolución xudicial de incapacitación con patria potestade prorrogada ou rehabilitada
- Resolución administrativa ou xudicial acreditativa da situación de acollemento ou do certificado do centro de menores, para o alumnado en situación de tutela ou garda da Xunta de Galicia
- Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor o titores carezan de DNI e NIE
Ver máis información en:
Actividades complementarias maio-xuño 2021
Enviado por xose o Ven, 06/05/2022 - 13:13Para os meses de maio e xuño temos programadas as seguintes actividades complementarias:
13-17 maio : Excursión fin de curso alumnado de 6º curso.
18 maio: Actuación da agrupación folklórica "Fentos e frouma"
19 de maio: Visita ao composteiro próximo á nosa escola, con guía da asociación Revitaliza.
20 maio: Obradoiro de barro para 4º, 5º e 6º de primaria.
24 de maio: Contacontos "Polo correo do vento" para alumnado de 1º a 3º de primaria.
26 de maio: saída a Marín cun maio, alumnado de 5º curso.
31 de maio: Actividade de Educación Vial, para 6º de primaria.
3 de xuño: Saída polo río Lameira (Día mundial do medio ambiente)
6-7 de xuño: Excursión de 3º e 4º cursos a Campolameiro.
xuño (día por confirmar): Saída sendeirismo ao monte Pituco.
III Campionato de Xadrez CEP Sequelo 2021-2022
Enviado por xose o Mar, 19/04/2022 - 12:43Esta semana dá comezo o último campionato deste curso, que rematará no mes de xuño. Seguiremos co horario de martes e venres, de 16:30 a a 17:30 horas. Este campionato será online e está aberto a toda a comunidade educativa do CEP Sequelo. Utilizamos a plataforma LICHESS.
Se eres novo xogador ou xogadora e aínda non te rexistraches no equipo CEP Sequelo, podes seguir estas instrucións para facelo.
Moito ánimo e a participar!
Podes seguirnos tamén na aula virtual do centro
II Campionato de Xadrez 2021-2022 Clasificacion Final
Enviado por xose o Mér, 06/04/2022 - 11:45Rematou o segundo campionato de xadrez do CEP Sequelo deste curso, cun total de 21 torneos, e xa temos a clasificación final e os gañadores, que son:
En 6º curso: 1º Marcos, con 57 puntos 2º Mateo, con 18 puntos 3º Martín e Noa, con 6 puntos |
En 4º curso: 1º. Dani, con 3 puntos |
Profesores: 1º. Xosé 30 puntos 2º. Miguel 2 puntos |
Ex alumnos: 1º. Breixo, 9 puntos 2º. Darío, 5 puntos |
Noraboa aos gañadores!!
PROENS - Manual de Usuario
Enviado por xose o Lun, 21/03/2022 - 14:04Xa está dispoñible para o profesorado na web da Consellería o Manual de usuario da aplicación PROENS, de uso obrigatorio o vindeiro curso para elaborar programacións.
A máquina do tempo
Enviado por xose o Ven, 04/02/2022 - 10:42Dentro das actividades propostas no programa de educación afectivo-sexual "Colexio do Benquerer" dirixido ao alumnado de 5º e 6º de primaria, traballamos na aula a actividade "A máquina do tempo", que trata dos cambios que acontecen durante a puberdade, e que vimos que se dan en catro ámbitos diferentes: físico, emocional, cognitivo e social. Coa axuda do alumnado clasificamos un montón de características diferentes nalgún destes ámbitos sinalados.
II Campionato de Xadrez 2021-22 CEP Sequelo
Enviado por xose o Lun, 10/01/2022 - 19:30Este martes comezamos o 2º campionato de xadrez CEP Sequelo deste curso, que durará ata o fin do 2º trimestre, no mes de abril. Terá un total aproximado de 20 torneos.
Desta vez animamos a participar tamén aos pais e nais do alumnado, que deberán rexistrarse previamente na web Lichess.org, seguindo as indicacións deste enlace.
Aquí vos deixo o enlace para a primeira partida, de mañá martes día 11.
E aquí a CLASIFICACIÓN DO SEGUNDO CAMPIONATO (Xaneiro-marzo 2022)
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- seguinte ›
- última »