Como xa sabedes, o luns comeza o entroido, pero queremos adiantarvos algo do que hai argallado. O Xoves 8 temos...CONCURSO DE DISFRACES! Invitamos a todos aqueles nenos e nenas que queiran participar, a poñer a imaxinación a voar e deleitarnos cos seus disfraces. Como xa sabedes, o xurado (formado por 2 mestras, 2 alumnos/as, 1 representante da ANPA) valorará a vosa creatividade e... Haberá premios para os tres primeiros de cada clase!

 Animádevos a participar!

Agardamos con moitas ganas o día!

O Luns comezamos coa semana do entroido e como xa é tradición, cada día o noso Lameiriño daranos instrucións sobre como vimos vir vestido ao colexio! Por aquí vos deixamos as instrucións do luns.

Recordade que cada día, iremos poñendo o que o Lameiriño nos di para o próximo día. Non vos esquezades de pasar pola web!

Temos moitos lugares fermosos moi preto de nós aquí en Galicia que descoñecemos. Por iso, Brais e Enzo, dende Audición e Linguaxe, levan todo o trimestre investigando sobre os faros galegos. Neste primeiro vídeo cóntanvos un pouco da historia dos faros, pero proximamente, nos irán presentando faros galegos dignos de coñecer. Agardamos que vos guste!

Achégase o momento de elixir cole para o próximo curso. Por iso, dende o noso centro, elaboramos un vídeo para todas aquelas familias que nos queiran coñecer. Agardamos que vos guste!

Vinde a aprender con nós!

Esta vez os nenos e nenas de 3º e 4º de Educación Primaria traénnos unhas receitas de nadal e inverno con moi boa pinta. Animádesvos a probalas na casa?

MOITAS GRACIAS A TODOS E TODAS!

Este ano os nenos e nenas de Infantil e Primeiro de Primaria elaboraron unhas postais moi chulas para felicitar o Nadal aos compañeiros e compañeiras da Escola Infantil O Grupo. A súa vez os alumnos e alumnas de 3º e 4º comezaron un intercambio de postais cos nenos e nenas de 3º do CEIP Plurilingüe do Carballal. Escribíronlle mensaxes tanto en Galego como en Inglés. 

Elaboralas foi moi divertido, pero recibir unha postal de parte dos outros nenos e nenas fíxonos moita ilusión!

Onte no CEIP Sequelo tivemos unha morea de cousas. Comezamos a mañá escoitando panxoliñas da man da profe Inés e moitos dos nenos e nenas do cole. Ao rematar, puidemos coñecer aos finalistas e gañadores e gañadoras do concurso de postais que dende o cole facemos cada ano.

Na hora do patio, tivemos unha sorpresa...Chegou Papá Noel! Os nenos e nenas de Infantil e primeiro non dubidaron en entregarlles a súa carta. Logo de xogar un pouquiño no patio, chegaron as actuacións! Os diferentes cursos foron cantando e interpretando cancións de nadal tanto en galego, coa axuda da profe Montse, como en inglés, coa axuda da Teacher María. Xusto cando estabamos rematando, tivemos outra sorpresa...Apareceu o apalpador! Os nenos e nenas de terceiro puideron darlles uns debuxos moi bonitos que eles e elas mesmas lle fixeron. Por último, para rematar o día de festa, a ANPA preparounos chocolate con churros moi delicioso. Que sorte tivemos!

Para que vexades un pouquiño da mañá deixámosvos dous vídeos: un cheo de imaxes e outro con algunhas panxoliñas e actuacións da mañá para que nos escoitedes entoar as nosas voces e  vexades como movemos o esqueleto. 

Ao longo deste mes, tamén desfrutamos do tren de Nadal do Concello que nos levou polas rúas de Marín para ver que chulas e navideñas están. No vídeo tendes algunha fotiño!

Por último, este ano o noso cole cumpliu 50 anos! Por iso fixemos unha tarta moi grande, decoramos unhas velas moi chulas e pegámosllas. Por suposto, cantámoslle cumpleanos feliz. Parabéns CEIP Sequelo!

Moitas gracias á ANPA por decorar o cole tan chulo de nadal, por eses churros con chocolate tan ricos e por toda a súa implicación!

Tamén agradecer a Papá Noel e ao apalpador por vir un ratiño ao noso cole e poder vivir un momento máxico cheo de ilusión! 

BO NADAL!

Os nenos e nenas de Infantil estiveron todo o trimestre investigando sobre os golfiños. Agora, que xa son uns expertos e expertas, amósannos algunhas curiosidades sobre estes animais. Como traballaron!

Esta vez os nenos e nenas de 1º e 2º de Educación Primaria traénnos unhas receitas do outono con moi boa pinta. Animádesvos a probalas na casa?

Moitas grazas familias!

O pasado 28 de novembro tivemos “A trastenda dos contos”, un contacontos sobre o Día internacional da Eliminación da Violencia contra a Muller da man do CIM (Centro de Información á Muller) de Marín.

A actividade foi destinada para o alumnado de Educación Infantil, 1º, 2º e 3º de primaria. 

Que momento máis divertido pasamos!

Os nenos e nenas de 1º de EP puxéronse mans á obra para elaborar un conto para conmemorar o 25 de Novembro-Día Internacional da Eliminación da Violencia contra a Muller.

Aquí vos deixamos a historia feita e contada por eles e elas! Ademais, se queredes ver o conto, tamén podedes dar un paseo pola beira do río lameira.

Agardamos que vos guste!

Onte foi 25 de novembro, Día Internacional da eliminación da Violencia contra a muller. A pesar de ser un tema que traballamos día a día na aula, o venres quixemos darlle un pouco máis de visibilidade e amosar que todos e todas estamos totalmente en contra con este tipo de accións. 

Dende hai uns días, estivemos preparando nas clases carteis con lemas en contra desta violencia e a favor das mulleres e o respecto que temos por todas e cada unha delas. 

Para facer máis visible o noso traballo e o noso desacordo coa violencia contra as mulleres, saímos do centro educativo e manifestámonos por toda a beira do río Lameira. Na volta ao centro deixamos colgados os nosos carteis ao redor do colexio para que cada persoa que pase poida lelos. 

Ao chegar ao centro, Tania de 6º de Educación Primaria leunos un manifesto, deixando claro que no CEIP Sequelo berramos todas xuntas: Eu por ti e ti por min!

Por último, os nenos e nenas de 4º, 5º e 6º de EP, xunto coa profe Montse, versionaron en galego a canción de “Ni una más” de Aitana e mostráronola a todos e todas. 

Hoxe e cada día do ano: NIN UNHA MÁIS

A asociación socio sanitaria de enfermidades inflamatorias intestinais, ASSEII, visitou ao alumnado de 3º de educación primaria.

Ademais de coñecer un pouco estas enfermidades aprendemos moito sobre como coidar a nosa saúde. 

Fixéronnos recomendacións para que o noso intestino este ben coidado: 

·      

Debemos lavar ben as mans, sobre todo antes das comidas. 

·      

É importante que bebamos moita auga. 

Tamén falamos do que comemos, da necesidade de ter unha dieta variada e non comer produtos ultraprocesados nin bolería industrial.

Foi moi divertido, sobre todo cando nos contaron como afecta o que comemos ás nosas cacas. 

v 

Provocan gases: o repolo, a coliflor, os cogombros, leite, froitos secos, cebolas, ...

v 

Provoca cambios de cor: espárragos, remolacha, pílulas de ferro, amorodos, salsa de tomate,...

v 

Producen cheiros: legumes, brócoli, ovos, allo, queixos fortes,..

v 

Axudan co cheiro: zume de arandos, de laranxa, perexil, iogur,...

v 

Poden provocar diarrea: cereais integrais, verduras de folla, pasas de uva, vexetais crus, ...

v 

Axudan coa diarrea: puré de mazá, bananas, arroz fervido, tapioca, ...

v 

Axudan co estrinximento: froitas en compota, vexetais cocidos, froitas frescas, auga, bebidas mornas ou quentes,...

O mundo animal é máis sabio que o humano?

Os cans sempre revisan as súas cacas, cando se nota mal do estómago “púrganse” comendo herba para provocar o vómito.

Recomendáronnos non usar papel hixiénico de cores, o branco é mellor para poder valorar a cor das túas feces.

Antes de tirar da cisterna debemos inspeccionar o que deixamos, a súa cor, forma e cheiro. Ninguén o vai facer por nós.

Xa que estamos no váter, tamén aprendemos como debemos sentarnos, erguendo as pernas empregando un tallo. 

Queremos dar as grazas as persoas de ASSEII polas súas explicacións e polo seu tempo.

Este venres no cole celebramos o magosto. Primeiro comemos unhas deliciosas castañas que a ANPA asou e, despois, aproveitamos que non chovía para saír ao patio e realizar  uns xogos populares. Mentres, os compañeiros e compañeiras de 5º e 6º de EP foron probar uns xogos moi divertidos que nos trouxeron dende a asociación de Xoán XIII. Pasámolo súper ben!

Moitas gracias a ANPA e á asociación Xoán XIII!

Durante esta semana os corredores do cole enchéronse do Samaín.

Elaboramos tarxetas de pantasmas nas que dentro incluímos palabras relacionadas co sentimento do medo. Tamén fixemos uns botes moi monstruosos.

Coa colaboración das familias fixemos exposicións de cabazas.

Ademais, na clase elaboramos debuxos (EI, 1º e 2º) e contos terroríficos (3º,4º,5º e 6º).

No seguinte vídeo podédeslle botar unha ollada.

O propio día do Samaín xuntámonos todo o cole para cantar e interpretar en Lingua de Signos a canción "No Samaín" de Paco Nogueiras coa axuda da profe Montse. 

Os de 3º léronlle lendas e adiviñas na biblio aos de 4º e logo os de 4º léronlle un conto feito por eles e elas mesmas. 

Por último, a ANPA preparounos unha casa terrorífica onde puidemos disfrutar dun momento de intriga e curiosidade e un altar de defuntos mexicano onde puidemos debuxar e recordar a algúns dos nosos seres queridos. Moitas gracias pola vosa colaboración e parabéns por todo o traballo!

PASÁMOLO EN GRANDE NESTE SAMAÍN 2023!

Estreamos "O Sequelo Cociña" coas achegas dos pequenos e pequenas do cole. Aquí tendes as receitas tan ricas e monstruosas que vos queren amosar. Que boa pinta!

Moitas grazas familias! 

Este ano queremos presentarvos un novo proxecto: O Sequelo cociña. Nesta sección compartiremos receitas propostas polos nenos e nenas en colaboración coas familias. En cada festividade poderedes atopar como cociñar cousas deliciosas!

No cole xa empezamos a notar o Samaín e para ser consciente á hora de escoller o noso disfraz, os máis peques do cole tiveron unha charla sobre o consumo responsable. Nela puideron comprender a importancia de reciclar e reutilizar os disfraces e tamén como saber se son seguros e axeitados para nós atendendo ás etiquetas. Acabaron a charla creando a súa propia máscara para este Samaín!

Hoxe é San Miguel! Por iso, dende o noso cole quixemos celebralo un pouquiño. Dende o Ateneo Santa Cecilia algúns cursos recibimos unha pequena charla para así manter e coñecer un pouquiño máis esta festa do noso pobo.  Algúns compañeiros e compañeiras tamén viñeron vestidos segundo a tradición.

Ademais, os de 4º xunto coa profe Belén, a profe Ruth, a teacher María e a profe Laura fixemos, de acordo coas cores propias deste día, unha decoración moi chula para o cole. Mirade que ben quedaron!