Educación física
Carrom (Ed. Física)
Enviado por Anónimo o Mér, 20/05/2020 - 15:20Roberto amósanos na súa entrevista un xogo que eu non coñecía, investigando un pouco descubrín que tamén se denomina billar indio, parece moi entretido, a el ensinoullo seu pai, é un xogo moi coñecido en Suiza e pronto poderá compartilo con nós.
Encontrei varios vídeos para ver como se xoga, espero que vos gusten.
#euficonacasa
#euquedonacasa
A corda (Ed. Física)
Enviado por Anónimo o Mar, 19/05/2020 - 22:29O xogo de hoxe vaino presentar Iker.
A canción de corda que nos propón é o “cocherito leré”.
As nenas e nenos do CEIP Esteiro de Ferrol, explícannos como saltar a corda e propóñennos uns retos para practicar, animádesvos?
#euficonacasa
#euquedonacasa
A chave (Ed. Física)
Enviado por Anónimo o Lun, 18/05/2020 - 23:40A entrevista de hoxe é de Rubén.
A verdade é que eu esta modalidade de Chave non a coñecía e Rubén e Iria fixeron un traballo de investigación, a variante que eles nos mostran é a “Llave Asturiana”, en Galicia temos outras tres chaves, distínguense polo deseño, esta é de tres aspas , vou deixar que nola expliquen e mañá fareivos un resumo das galegas.
A Chave
ORIXE
Este xogo popular nace nas minas de Xixón, onde os mineiros xogaban tirando as chaves as vías, desta forma pasaban o tempo dos seus descansos. De ahí, extendese por Asturias e pasa a Galicia, donde hai 3 versións diferentes en función da forma da chave.
Trátase dun xogo de precisión no que se utilizan dous materiais metalicos:
- a chave, elemento a golpear , que consiste nun ferro duns 75cm de altura e tres aspas de 15, 10 e 6 cm separadas entre si 10 ou 16 cm.
- os pellos que son discos de ferro ou plomo que se lanzan contra a chave que teñen un peso entre 400 – 750 gr, diametro 6-8 cm e grosor 18-20 mm.
Desenvolvemento do xogo:
A chave ou xogo da chave é un xogo popular galego que consiste en lanzar uns discos redondos e planos, denominados pesos, pellos, pellas ou peletres, sobre unha peza metálica, chamada chave, colocada a certa distancia.
O obxectivo é petar cos pellos na chave o maior número de veces.
O terreo de xogo é unha explanada duns 20 m de lonxitude por 2 metros de ancho. A liña de lanzamento está situada a 15 metros (entre 18 e 20 pasos) da chave. O desnivel máximo do terreo será de 40 cm (entre a liña de lanzamento e a chave).
As partidas soen disputarse a 10 tiradas por xogador. Poden xogarse dun só xogador contra outro, por parellas, por grupos.
Puntuación:
• 15 puntos na aspa pequena
• 10 puntos na aspa mediana
• 5 puntos na aspa grande
• 1 punto no exe
Gaña o xogador ou equipo que antes conseguen os puntos acordados de antemán.
#euficonacasa
#euquedonacasa
Día das Letras Galegas (Ed. Física)
Enviado por Anónimo o Dom, 17/05/2020 - 18:57
Estas semana fixemos un gran traballo de investigación, recollendo a través das nosas entrevistas xogos e xoguetes dos nosos e nosas maiores, foi un gran traballo, teño algunhas entradas que me faltan por colgar, pero hoxe quería facer algo diferente, algo que nos representa, algo que marca diferencias é a música e o baile de cada rexión, envíovos uns pequenos vídeos de baile galego, imaxino que moitos e moitas de vos recoñeceredes os pasos, pero espero que o desfrutedes igual!!!!
Que pasedes un gran Día das Letras Galegas!!!
#euficonacasa
#euquedonacasa
Os bolos celtas (Ed. Física)
Enviado por Anónimo o Dom, 17/05/2020 - 00:04Existen moitas modalidades de bolos, Miguel na súa entrevista descóbrenos os bolos celtas.
Os bolos celtas son orixinarios da provincia de Pontevedra, pero na actualidade practícanse por toda Galicia, chegando aos países de América do Sur.
O terreo de xogo debe de ser de terra batida. Ten unha zona de lanzamento (unha pedra de 2 metros por 40 centímetros e estará elevada uns 35 centímetros sobre o chan), unha pedra boleira (situada a uns 6 metros da zona de lanzamento, sendo de 1,2 metros por 70 centímetros e con unha pendente do 15% cara a liña de 10 metros). Existe unha liña de tanteo (raia de 10) situada nun radio de 25 metros do centro da pedra boleira. A 30 metros da pedra boleira encontrarase a valla (4-5 metros de altura), que servirá para deter os bolos.
Os bolos colócanse enriba da pedra boleira, son 18 e están feitos de madeira, teñen unha altura de 15 centímetros e rematan en pico, con un diámetro de 7 centímetros e cortados con un desnivel do 15% o igual que a pedra boleira.
As bólas son de madeira dura, cun diámetro de 10 centímetros e un peso de 900 gramos.
O obxectivo do xogo é lanzar a bóla contra os bolos para derrubalos e lograr que a bóla e o maior número de bolos pase a liña de tanteo. Para puntuar a bóla, sempre deberá pasar a liña de 10. Cada bolo que pase a liña valerá 10 puntos e os caídos pero que non pase a liña valerán un punto.
Lánzase a pé parado dende a zona de lanzamento, podendo caer diante desta unha vez soltemos a bóla.
Os xogos son a 50 tantos, cada partida consta de catro xogos. Cada persoa deberá lanzar tres bólas consecutivas, “plantando” de novo os bolos que se derruban en cada lanzamento, cando se fan os tres lanzamentos, toca a quenda do brilé (lanzar rodando tres bólas dende un lado da liña de tanteo, neste caso non se “plantan” os bolos derrubados ( a non ser que non exista ningún en pé), cada bolo brilado vale un punto.
Espero que vos gustara este xogo, que variante foi a que vos sorprendeu? coñeciádelas todas? podemos adaptalo de moitas maneiras para poder practicalo, con latas de refresco, botellas de auga,… o máis difícil son as dimensións do campo, pero poderemos adaptalas a nosa realizade.
#euficonacasa
#euquedonacasa
Actividades para a familia (Ed. Física)
Enviado por Anónimo o Ven, 15/05/2020 - 21:59O 15 de maio é o Día Internacional da Familia, polo que traio unhas propostas para facer en familia, un xogo de mesa e unhas actividades para facer un pouco de movemento, xa sabedes que podedes modificalas, e retar a todos/as aqueles/as que queirades.
Desfrutade!!!!
#euficonacasa
#euquedonacasa
O Guá (Ed. Física)
Enviado por Anónimo o Xov, 14/05/2020 - 23:39O xogo de hoxe é o Guá, ten moitas variantes e diferentes nomes, a entrada de hoxe vana explicar Hugo, Estrella e Pedro. Esta actividade podemos practicala sós ou en compañía, pero como nos lembra Hugo só podemos xogar fóra e nun terreo que non sexa duro.
O Guá é un xogo infantil que consiste en introducir bolas pequenas ou “canicas” dentro dun burato impulsándoas cos dedos, Guá tamén se denomina o burato que se realiza no chan para xogar.
E para rematar… un pouco de actividade física, hoxe ides precisar unha pelota, e unha parella, desfrutade moito do día que xa é venres!!!!
O pincho (Ed. Física)
Enviado por Anónimo o Xov, 14/05/2020 - 00:37O xogo de hoxe procede da entrevista de Clara, un xogo de lanzamento de precisión, que podemos xogar individualmente ou con número de xogadores que queiramos, tamén podemos modificar o campo, e como moitos outros xogos podemos encontralo con diferentes nomenclaturas, espero que vos guste.
O cravo
Material: un cravo grande de ferro (que podemos substituír por calquera obxecto que teña punta por un lado).
Onde debemos xogar: nunha zona de terra, para que o pincho se crave, debemos debuxar na terra circunferencias ou cadrados numerados. Os debuxos do chan deben ter uns 40 centímetros de diámetro e deben estar numerados.
Debemos establecer a orde de lanzamento, na primeira quenda debemos lanzar o cravo a casa número 1, se se consegue, lanzarase a casa número 2 e así sucesivamente, en caso de fallar ou que o cravo non se chante, cederáselle a vez ao seguinte, cando nos volva a tocar, debemos volver a lanzar o cravo o número no que quedamos con anterioridade, non é preciso volver a comezar na casa 1.
E como sempre para rematar, un pouco de actividade física.
Ovo-pico-araña (Ed. Física)
Enviado por Anónimo o Mar, 12/05/2020 - 23:17O xogo de hoxe explícanolo Carlota, é un xogo de dous equipos, o que dificulta que o poidamos practicar neste momento, pero seguro que alguén da casa vos pode contar algunha anécdota desta actividade e practicarémolo pronto!
Para rematar a entrada, vamos realizar unha actividade na que poidamos participar varios xogadores/as, podedes retar a alguén da casa para que vos acompañe, e colabore con vos na elaboración das actividades a realizar. Ánimo!!!!!!
#euficonacasa
#euquedonacasa
Pita Cega (Ed. Física)
Enviado por Anónimo o Lun, 11/05/2020 - 23:31A entrada de hoxe trátase dun xogo clásico que todos/as xogamos algunha vez, vai presentalo Mario, imaxínome que todos e todas o coñecedes, desfrutade da práctica.
A pita cega
Xógase nun terreo chairo e sen obstáculos, para evitar caídas.
Un/unha queda e vendaráselle os ollos cun pano. O resto de xogadores/as colócanse arredor do/da que a queda, formando unha roda.
Materiais: unha venda para os ollos, que poderá ser un pano.
Xogo: Sortéase entre os/as xogadores quen "a queda” para facer de pita cega.
Ao que "queda" véndanselle os ollos e despois pregúntanlle :"Pita cega, que se che perdeu? " ao que "o/a que a queda" responde: "Unha agulla e un dedal". Entón o resto de xogadores/as respóndelle: "dá tres voltiñas e os encontrarás".
O/A que fai de pita cega dará tres voltas sobre si mesmo/a mentres o resto de xogadores/as cantan: "Unha, dúas e tres,".
Despois a pita cega avanza cos brazos estendidos intentando tocar a algún dos/das outros/as xogadores/as, e cando o fixo, debe adiviñar quen é tocándolle o pelo, a cabeza, a cara e as mans. Logo dirá o nome do/a xogador/a que cre que é, se acerta, cámbianse os postos e se non acerta, o resto de xogadores/as diranlle que fallou, seguindo o xogo ata que acerta.
Peletre - Mariola - Raiola - Caracol - Avión (Ed. Física)
Enviado por Anónimo o Dom, 10/05/2020 - 23:57A entrada de hoxe compártena Roberto e Sergio, con un xogo que ten moito en común pero que o mesmo tempo ten diferencias, existen moitas máis variantes, espero que descubrades algunha.
A Mariola
Mariola
Na Galipedia, a Wikipedia en galego.
Mariola ou peletre é un xogo tradicional infantil, con moi diversas variantes, no que se debuxan unha serie de casas numeradas no chan por onde ten que saltar o xogador, ou os xogadores por orde, despois de guindar un anaco de pedra chamado peletre ou patefa que se arrastra mentres se salta á pata coxa.
Materiais necesarios
Para comezar a xogar só se necesita debuxar o campo de xogo e coller unha pedra para poder lanzala e xogar. Dependendo das zonas, o campo debúxase de diferentes formas. Na zona de Carnota, onde se coñece tamén como pelete, debúxase un terreo de xogo onde se enumeran as casiñas do un ao nove.
Normas
Para comezar a xogar sortéase cal dos xogadores comeza a partida.
Ao principio tírase a china (pedra), na casiña un. Realízase o percorrido como de costume, pero se se tocan as liñas limitantes perderase a quenda e pasará ao xogador contrario.
Se a china ou pedra non cae na casiña correspondente, tamén se perderá a vez.
Cada xogador poderá tirar cantas veces poida, mentres a pedra non pise a liña ou saia desta.
Cando se perde a quenda e posteriormente se volve a xogar, pois xa pasou toda unha ronda de xogadores, empezarase a xogar onde se quedara anteriormente.
Proceso
Para comezar, tírase a pedra na casiña un e sáltase á pata coxa, sen pisar na casiña que ten a pedra. Ao chegar ás casiñas divididas con dous números (as casiñas 4 e 5, e as casiñas 7 e 8 ), porase un pé en cada unha simultaneamente. Ao chegar á derradeira casiña, tamén dependendo das zonas, nunhas remátase o xogo e noutras séguese.
#euficonacasa
#euquedonacasa
O Trompo (Ed. Física)
Enviado por Anónimo o Sáb, 09/05/2020 - 11:34
As entrevistas de hoxe son de Daniel e Pablo, que nos presentan o xogo do Trompo, un xoguete que ten moitas variantes no seu nome, buxaina, peonza, peón... e tamén nos trucos que podemos facer.
Unha buxaina, peón,... é un corpo que se fai xirar cun cordel sobre unha punta de metal sobre a que sitúa o seu centro gravitatorio de forma perpendicular ao eixo de xiro, equilibrándose sobre un punto grazas á velocidade angular, que permite o desenvolvemento do efecto xiroscópico. Normalmente utilízase coma xoguete aínda que tamén foron usadas para xogos de azar e para realizar profecías e outros rituais.
O poder xiroscópico gradualmente diminuirá debido ao rozamento do aire, conducindo a que o corpo se balancee trazando unha traxectoria circular do seu punto de apoio ata que esta é maior que o centro de gravidade provocando finalmente a caída.
Na actualidade hai moitos tipos de Trompos, nestes dous vídeos explican como realizar o primeiro lanzamento.
Outros trucos que poderíamos aprender…
Existen en youtube moitos vídeos nos que nos ensinan trucos incribles con trompos, espero que vos animedes a facer algún!
As canicas - As bolas (Ed. Física)
Enviado por Anónimo o Ven, 08/05/2020 - 13:46Hoxe compraten entrada Mateo e Aitor, explicándonos nas súas entrevistas como é o xogo das canicas.
Existe moitas variantes para xogar as bolas.
Algo que me preguntei sempre foi como podemos xogar con unha cousa tan redondiña e de cristal, aquí vos deixo un vídeo de como se crean as bolas.
Repasamos a entrada do xoves!!! 
E para rematar como sempre unha proposta de actividade física...
Podedes modificar as accións, completar con máis números,... esta actividade permite que a ampliedes todo o que se vos ocorra.
Espero as vosas entrevistas de xogos e xoguetes tradicionais, populares,... (profetamaraef@gmail.com), a plantilla vai adxunta na entrada de hoxe.
#euficonacasa
#euquedonacasa
A billarda (Ed. Física)
Enviado por Anónimo o Xov, 07/05/2020 - 16:02
O entrevista de hoxe é de Iria, onde nos presenta a Billarda.
Investigando un pouco descubrín que na páxina do cole temos unha entrada dedicada a este xogo, onde podemos encontrar moita información. Pinchade na imaxe para acceder directamente.
Outros vídeos que vos poden resultar interesantes.
Antes de rematar, un test para repasar todo o aprendido onte sobre o aro.
Desfrutade moito!!!!!
#euficonacasa
#euquedonacasa
O aro (Ed. Física)
Enviado por Anónimo o Mér, 06/05/2020 - 12:36
Comezan a chegar os primeiros xogos e xoguetes tradicionais, esta é a entrevista de Aitor, que nos presenta o Aro.
O Aro
O xogo consistía, tradicionalmente, en facer rodar, en equilibrio, un aro (que antiguamente se fabricaba a partir dun caldeiro vello, unha roda dunha bicicleta, ... aínda que hoxe en día, usamos máis os de diferentes plásticos e similares ). Para suxeitar o aro, podemos usar unha guía, que é un pao con forma de gancho na punta (inicialmente era un arame, pero foi substituido polos mesmos materiais que usamos hoxe en día para os aros).
Material: o aro
Cando acadamos a habilidade necesaria, podemos facer xogos e competicións varias de velocidade, habilidade, realizar circuitos, …
Como non todos/as podemos practicar este xogo na casa, preséntovos un con menos material, precisaredes folios para escribir os números (lembrade que poden ser reempregados) e unha cruz no chan (que podedes marcar con cinta adhesiva), o vídeo de Stella vai deixar máis claras as normas.
Desfrutade moito do día!!!!
#euficonacasa
#euquedonacasa
7 e media (Ed. Física)
Enviado por Anónimo o Mar, 05/05/2020 - 18:08O xogo de hoxe chámase 7 e media, onte empregamos a batalla española para realizar un pouco de actividade física e agora toca un xogo de lanzamento e precisión. Seguro que algún de vos coñece este xogo con cartas.
Pero non vamos empregar a baralla, para comezar teremos que debuxar un cadrado no chan con cinta, e dividilo en catro partes (1,2,3 e 4), por Galicia hai outra variante máis popular que a desta entrada, espero que alguén de vos a descubr e ma envíe na entrevista que vos propuxen onte para realizar estas semanas das letras galegas.
A explicación do xogo vai no vídeo, desfrutade moito!!!!
#euficonacasa
#euquedonacasa
Xogos e xoguetes! (Ed. Física)
Enviado por Anónimo o Lun, 04/05/2020 - 13:55
Esta semana vamos comezar un traballo novo, xa iniciei esta actividade con terceiro e cuarto, pero agora vai para todo o cole, consiste en facer unha entrevista a un maior, pode ser en persoa, por teléfono, videochamada,… e podedes escoller a papá, mamá, avoa, avó, tia, tio, veciña, vecín,… ten que ser un xogo ou xoguete que eles/as xogaran cando eran pequenos/as, mellor se é descoñecido para vos, hai moitos, en unha entrada anterior colguei tres que me enviaron xa algúns nenos/as do cole, a billarda e as canicas ou bolichas, e o sábado como era o Día de Europa, fixen a entrada no blog co xogo da petanca que é de orixe francés, onde tedes un vídeo e un cuestionario sobre a ela.
Envíovos o documento das entrevistas, en word, en pdf e en odt, podedes enviarme a vosa entrevista en foto ou cubrila en ordenador e o debuxo a parte, para poder unilos a hora de subir a páxina web.
Espero que o pasedes moi ben con esta actividade de investigación e de recollida de xogos populares, tradicionais e autóctonos. Non teñen que ser xogos e xoguetes de Marín, no meu caso enviareivos un de A Fonsagrada, nin teñen que ser galegos, o único requisito é que sexa antigo, sería máis enriquecedor que non estivera repetido, para lograr ter un gran arquivo con riqueza de culturas e diversidade, para iso irei colgando os que me enviedes diariamente.
Tamén vos propoño unha actividade para facer un pouco de exercicio, é un xogo de cartas que coñezo dende pequena, chámase SOLITARIO, precisamos unha baralla española, eu sempre xoguei nunha mesa, pero vamos adaptalo para poder movernos un pouco.
#euficonacasa
#euquedonacasa
Axilidade e coordinación (Ed. Física)
Enviado por Anónimo o Xov, 30/04/2020 - 12:06Hoxe vamos traballar con cuadrículas axilidade e coordinación, para iso non é preciso que os debuxedes como aparecen no vídeo poderemos facelo no corredor, ou en calquera outro lado no que teñamos baldosas (como facemos no cole).
Podedes practicar todos os desprazamentos que aparecen no vídeo e se inventades algún novo, enviádeme un correo explicándome o voso “reto” e compartirémolo con todos/as os do cole, inventa a túa maneira de desprazarse e compártea con nós (profetamaraef@gmail.com), lembra que non podemos pisar as liñas que unen as baldosas ou teremos que volver a comezar, tamén podes invitar a alguén da túa casa a que te acompañe no exercicio de hoxe.
Pero antes de comezar, lembra facer os exercicios de mobilidade articular (nocellos, xeonllos, cadeira, columna vertebral, ombreiros, cóbados, pulsos e pescozo), debemos preparar o noso corpo para a actividade que vamos a realizar.
Repite o exercicio tódalas veces que ti queiras!!
E para rematar a clase de hoxe, unha volta a calma na que aprenderemos a postura la lúa crecente.
Namasté
#euquedonacasa
#DíaInternacionaldaDanza (Ed. Física)
Enviado por Anónimo o Mér, 29/04/2020 - 14:01Que é a danza?
A través de movementos corporais, os seres humanos expresáronse e comunicáronse dende tempos ancestrais. A danza é, seguindo a definición da RAG. “un conxunto de movementos que se executan seguindo o ritmo da música e que forman unha peza completa de baile”.
Co paso do tempo foi cambiando e evolucionando, polo que, na actualidade, poden verse diversos estilos e xéneros que van dende o tradicional o académico e ao cotiá.
Un día para a danza
En 1982, o Comité Internacional de Danza, pertencente ao Instituto Internacional de Teatro, tomou a suxestión do mestre ruso PieporGusev de crear un día para esta manifestación artística, polo que la Unesco, atendendo dita solicitude, elixiu o 29 de abril como data desta celebración, isto, por ser o día que corresponde o nacemento de Jean-Georges Noverre.
Con dita celebración búscase fomentar a participación e a atención do público sobre a importancia da arte e da cultura da danza.
Jean-Georges Noverre
Foi un bailarín francés que naceu o 29 de abril de 1727. Noverre, foi un gran bailarín e escritor, deixou numerosas coreografías e publicacións relacionadas coa práctica e a teoría do ballet, o que provoca que sexa considerado o creador do ballet moderno. Morreu en 1810 en Saint-Germain-en-Laye, Francia.
Como vos podedes imaxinar pola introdución, hoxe o día vai a estar dedicado a bailar e bailar!!, espero que o pasedes moi ben con estas coreografías que vos deixo.
#todovaisairben
#euquedonacasa
#DEFC2020 #DEFR2020 (Día da Educación Física na "Casa")
Enviado por Anónimo o Mar, 28/04/2020 - 02:20
Chegou o 28 de abril DÍA DA EDUCACIÓN FÍSICA NA CASA.
O reto de hoxe é asolagar as redes sociais con fotos e vídeos facendo actividade física baixo o hashtag #DEFR2020 #DEFC2020, invitade a vosa familia e amigos/as que fagan o mesmo. Entre todos e todas seguiremos facendo grande o Día da Educación Física na Casa. Durante o confinamento está a demostrarse que a EF é moi importante para o mantemento do benestar físico, psíquico e social das persoas e, por iso, seguimos reivindicando o lugar que lle corresponde.
Hoxe é o día da actividade física e o deporte, polo que seguirei ao longo do día actualizando este post, espero que o pasedes moi ben!.
Recordade enviarme os vosos vídeos e fotos facendo actividade física a profetamaraef@gmail.com
Tamén compartir con vós a SequelOCA, espero que vos guste, e que o pasedes moi ben con ela, todavía quedan algunhas pictofotos por completar, pero espero ir mellorandoa pouco a pouco.
- « primeira
- ‹ anterior
- 1
- 2
- 3
- 4
- 5
- 6
- 7
- seguinte ›
- última »
