Por primeira vez os de 4º de Primaria e os de Infantil, baixo a dirección das súas profes, Alba e Andrea atrevéronse a fedellar coa nosa radio escolar e os resultados foron simpáticos, pero ao mesmo tempo moi profesionais, nunha entrevista onde os máis pequenos entre outras cousas contannos como vén o noso centro. Ben feito rapaces e profes!!

Día a día, imos aprendendo de quen leva máis tempo ca nós coa radio escolar. Gustounos moito o estilo de noticiario duns compañeiros de Mijas (Málaga) e os nenos foron quen de adaptar a estructura. Fixeron un bo traballo, que aínda sería mellor sen uns "erros de gravación" que nos obrigou a gravar a última parte dende a casa por teléfono. O resultado malia iso foi estupendo.

    NOTICIARIO:

 Resumo da participación no concurso de Maios e embarcacións 2023,

o pasado día 1 de maio.

                  Maio Mariñeiro                                       Embarcación Xiana     

PREMIOS

• 1º premio en Coroa e 2º en construción para o Maio  Mariñeiro    
• Tres 3º premios para a embarcación Xiana en: letra, intrepretación e construcción.  
•  Premio especial en recoñecemento no seu labor ao noso profesor José Antonio.                                                  

Grazas tamén ao profesor Ramón

pola súa aportación na participación da embarcación Xiana.

Agradecemento moi especial á participación da ANPA

pola súa axuda na elaboración do maio.

MOITAS GRAZAS A TODOS 

POLA VOSA ILUSIÓN

Falando do PDI en Infantil,

"Protexo o meu planeta protéxome eu"

tamén falamos de Noé.

Un home bo que axudou a salvar do diluvio

á súa familia e aos animais.

O Arco da vella foi o sinal

que todos entenderon como o final do desastre.

Algunhas curiosidades dende ceo

do telediario que fixeron os compañeiros de 6º  na clase de Relixión.

Que curioso!!!!

Estas son algunhas das curiosidades que os compañeiros de 4º seleccionaron para este noticieiro dende o Ceo.

CHEGOU O MAIO

Entre as flores e o fiuncho

este venres o noso colexio ulía a primavera.

Dende primeira hora da mañá fomos saíndo ao patio por cursos

para coser as flores do noso maio pequeniño.

Segue os enlaces para ver o vídeo

Coa a experiencia dos nosos profes e dos alumnos maiores,

o noso maio quedou así de bonito.

Outro ano máis a tradición volve facer protagonista á primavera, 

coas melodías dos nosos nenos cantándolle ao Maio.

Podedes ler as coplas do Maio e da embarcación Xiana 

nos seguintes despregables.

Embarcación Xiana

A clase de 3º tamén ensaiou e cantou as súas coplas 

para lle dar a benvida ao maio florido

O MAIO DA ASCENSIÓN 2023

Xoves de Ascensión florido

COÑECENDO A TRADICIÓN DOS MAIOS

A semana pasada recibimos a visita dos representantes da Asociación cultural de Santa Cecilia, Lois e Celso- este último antigo profesor do noso centro.

Os grupos dende 3º a 6º asistiron na nosa biblioteca á charla,que sobre os Maios e a súa tradición,a asociación cultural quere dar a coñecer e promover dende os colexios,para celebrar a festa tamén nas plazas da nosa vila.

MOITAS GRAZAS 

PROTEXO O MEU PLANETA 

PROTÉXOME EU

A pasada semana despedíamos as nosas profesoras de prácticas,

Ana e Paula,

que estiveron no noso centro dende o mes de novembro.

 En apoio ao proxecto do centro a profe Paula, a través dunhas presentacións dixitais sobre a terra e o aire,

dou unhas charlas aos cursos de 1º, 2º, 3º e 4º.

Puideron falar dos axentes contaminantes do aire e da terra,

dos lugares do planeta máis contaminados...

...rematando cos compromisos que compre facer para coidar a nosa contorna.

Segue os enlaces para visualizar o vídeo

Debuxando ao aire libre compréndese mellor 

a necesidade de manter limpos e saudables as nosas paisaxes.

Moitas grazas Ana e Paula por escoller o noso colexio 

e pola vosa aportación durante todo este tempo.

CURIOSIDADES

SABERÍAS DECIR CAL É O LIBRO MÁIS VENDIDO DO MUNDO???

Día do Libro, 23 de abril

 Anticipándonos ao día do Libro, que este ano coincidiu en domingo, os nosos compañeiros dende os máis pequenos de infantil ata os veteranos de 6º, convidáronnos a través de vídeos e imaxes a pasar pola biblioteca e disfrutar das lecturas dos seus libros favoritos.

Para escoitar as súas recomendacións lectoras segue os enlaces:

April´s fool day, Erster April, Poisson davril....moitos nomes, en toda Europa é co que se coñece ao que en Marín, os nosos devanceiros, coñecían coma "O primeiro de Abril van os burros onde non deben de ir", o día por excelencia das bromas, un día na nosa tradición que como moitos outros foi froito dunha substitución. Para nos celebralo, e grazas aos Poliños Creativos de 6º, editamos este Telexornal Local, cheo de Fake News.

Chroma (que debería ser máis grande), focos, cámara de video Panasonic.... Sacando músculo e dándolle uso ao material dos Polos.

A partir dunha estruturación moi tradicional das coplas de maio, en versos de 6 sílabas, o alumnado de 5º e 6º creou está enchente de coplas, que amosan o que aprendeu sobre a celebración estes días.

Neste sexto programa de KopaDeportes, o programa deportivo do Sequelo, entrevistamos a Aylen e Iria, alumnas de sexto, que practican case "profesionalmente" o fútbol.

Neste programa do noso programa deportivo, temos de invitada a Gloria Núñez, que nós vén falar das súas experiencias dentro dun deporte menos coñecido que os de moitos outros invitados, a ximnasia rítmica.

O SEMINARIO GALÁN pon a disposición dos centros escolares o material das Letras Galegas 2023, con actividades didácticas para o alumnado de infantil e primaria.

Na páxina web do Seminario Galán atopamos actividades interactivas, en formato genial.ly, sobre o autor homenaxeado este ano, Francisco Fernández del Riego, así como actividades en PDF, carteis da exposición e cuestionario, díptico, marcapáxinas, biografía, escolma de textos, fotos e actividades para infantil en lingua de signos,  video da biografía, cronoloxía, marcapáxinas, libro de lapelas, comecocos...

Este ano como novidade achegamos  actividades de robótica con taboleiros, fichas, solucionario..., unha actividade dirixida ao alumnado de primaria e para realizar en equipo ou individualmente.

A REAL ACADEMIA GALEGA dedícalle  a Francisco Fernández del Riego a páxina web para o público infantil Primavera das Letras (primaveradasletras.gal), onde pode descargarse As cousas de don Paco, unha biografía en forma de obra teatral, para ler e representar dentro e fóra das aulas. A escritora Eva Mejuto recorre á fantasía e ao humor para presentar a figura do intelectual e do tempo que lle tocou vivir nunha fermosa e divertida proposta ilustrada por Lucía Cobo.

Primavera das Letras ofrece tamén outros recursos lúdicos e didácticos. A sección Xoga connosco conta con fichas para colorear e actividades interactivas e, un ano máis, convocarase o concurso escolar Contádenos o voso Día das Letras.

Na mesma páxina web está dispoñible a curtametraxe de ficción A orixe da nosa lingua guapa, un filme baseado nunha idea orixinal da académica Fina Casalderrey para lles explicar aos cativos e cativas como se foi formando o galego ao longo da historia.

DIA DA POESÍA

21 de marzo

Xogando coa poesía. 

No recreo do luns día 20 de marzo,

adiantándonos un pouco,

ideamos outra maneira de achegarnos ata a biblioteca:

Inventamos un contrasinal en forma de pareado.

Facendo pareados no recreo. 

Todo un exercicio de creatividade.

Coñeces que tipo de plano obtiveron todos estes alumnos de sexto? Deixanos a túa resposta nos comentarios.

Todas as tardes dos mércores xuntámonos para aprender a xogar ao fascinante xogo do xadrez na biblioteca do CEIP Sequelo. Esta actividade está organizada pola ANPA do colexio, e neste curso está sendo todo un éxito pola cantidade de alumnado que participa, desde 1º a 6º cursos de primaria.

Ánimo e a seguir xogando!!

Un ano máis o alumnado de 5º e 6º participou no obradoiro de "Ecopercusión" (percusión con materiais de reciclaxe) a cargo do profesor Didier Díaz. 

Como podedes comprobar pasárono xenial,  ao mesmo tempo que reforzaron a temática do PDI "Protexo o meu planeta! Protéxome eu!"; tamén podemos facer música Reciclando, Reutilizando e Reducindo. 

O desafío era a partir dunha base rítmica de Reggaeton e dunha certa coñecida sesión de Bizarrap, traballar as antíteses e traballáronas arreo, e polo camiño caeu algunha aliteración. Utilizando certos tópicos do estilo como o uso dun inglés macarrónico que rebautizaron como Galenglish, construíron esta canción. Polo camiño e sen querer tamén se decataron de que fixeran unha aliteración. Figuras literarias no reggaeton e grazas ao profe Marcos, atún con pan A letra foi un traballo de toda a clase e a interpretación de Amir e Gomis.