Hoxe visitounos o Club Garaboto para ensinarnos xogos tradicionais. Os alumnos de 5º fixemos actividades de billarda e chave.

A chave consiste en lanzar un disco metalico e un pouco pesado, contra unha chave que esta levantada no chan.

A billarda consiste en intentar elevar un pao con outro mais grande e lanzalo o mais lonxe posible.

A min gustoume moito a billarda; a chave non tanto, en xeral pareceume moi divertido.

Redacción: Uxía Santiago Gonzalez

Aquí vos deixo a relación do material para este curso 2018-19.

O día 15 de xuño os alumnos de 5º foron de excursión ao Enredo do Abelleiro, onde fixeron tres talleres: apicultores, elaboración de mel e confección de velas. Os nenos quedaron a merendar, a comer e compraron moitas cousas derivadas do mel (xabón, cremas, etc...). Pola tarde foron visitar unha fervenza e un muíño.

O pasado venres, 15 de maio, os alumnos/as de 5º de primaria fixemos unha viaxe a Arzúa. Saímos as 9:15 e voltamos as 17:40.

Visitamos o museo do mel e a fervenza de Hortas. No museo fixemos múltiples actividades e aprendemos moitas cousas sobre as abellas e o mel. A fervenza e o seu entorno era espectacular! Tamén vimos o pantano coa súa central eléctrica e o fermoso río Ulla.

Comemos e xogamos ao aire libre. Foi unha xornada xenial. Divertímonos un montón!!!

O dia 1 de xuño, os alumnos de 5ºA e 5ºB, fumos ao río a investigalo. Estivemos vendo o río paso a paso. Cada parella tiña que investigar un tema do río que a profe mandou. Investigamos: a bioversidade, os usos do solo, contaminación acústica, contaminación lumínica, impactos de detectados, etc... nunha libreta puxemos: que investigamos, como investigamos, conclusións que sacamos. Foi unha experencia moi divertida coa que aprendemos moito.

O alumnado de 5ºA traballando matemáticas e música con mbot, ao mesmo tempo que aprenden a programar coa app Makeblock.

O día 16 de maio os alumnos de 5º de primaria fixemos unha obra de teatro. Esta obra esta adicada a María Victoria Moreno.

María Victoria Moreno naceu en Cáceres, adicouse a escribir contos infantís e tamén era profesora. Na obra está representada a vida de María Victoría Moreno.

 Espero que vos gustara.

Os nenos do CEP Sequelo fixeron un traballo. "A conciencia de Río" fixérono os nenos de 1º e 2º de  primaria. Consiste en elaborar "lemas" que fagan concienciar á xente de que é necesario coidar o río. "As voces primeiras do Río" fixérono os nenos de 3º, 4º, 5º e 6º de primaria. Consiste en crear poemas que teñan como temática o Río e a natureza.

Espero que vos gustara                Comisión Periodistica 5ºB

Continuando co noso traballo sobre animais do río presentámosvos a continuación tres presentacións realizadas por Óscar, Hugo e Noa sobre tres peixes: troita, lamprea e salmón.

O dia 19 de Abril veu un señor chamado Didier, que nos expuxo instrumentos de ecopercusión. Ecopercusión significa: tocar instrumentos de percusión reciclados. Aos nenos de 5º e 6º curso de primaria ensinounos uns ritmos con cubos e dúas baquetas cada un, menos dous que tocaron bidóns. Estivemos moito tempo practicando para que ao final nos saira ben a canción.

COMISIÓN PERIODISTICA 5ºB

O venres 6 de abril viñeron uns voluntarios da protección civil que se chamaban Raquel e Alberto a explicarnos os primeiros auxilios básicos. Son as maniobras básicas que deberíamos saber toda a xente. As máis básicas se alguén se desmaia: pegar no peito, se non responde lle peliscas a clavícula, lle miras a respiración e se non responde se fai a RCP; pero antes chamar ao 112 que é o número de emerxencias. Tamén nos ensinaron que facer se algunha persoa se atraganta. As máis básicas son: cinco golpes entre os omoplatos, se non se lle quita o obxecto se fai a maniobra de Grenwich.

COMISIÓN PERIODISTICA 5ºB

O venres 16 de marzo veu ao colexio un señor chamado Juan Carlos Epifanio que nos veu falar das aves dos ríos galegos. Falou dalgunhas aves, por exemplo: o Corvo mariño que se mergulla para capturar peixes; o Merlo que se alimenta de vermes e froitas; o Cuco que se alimenta de eirugas e coñecese polo seu canto; a Garza que se ve todo o ano en Galicia e aliméntase de peixes; o Peto Formigueiro aliméntase de formigas e insectos. E tamén nos falou de ríos de Galicia, como os máis grandes, o Miño o Sil... e outros menores, como o caso do Verdugo e centos de pequenos regatos. COMISIÓN PERIODISTICA 5ºB

O 9 de marzo celebramos a igualdade no deporte facendo uns partidos de Colpbol entre os nenos de 3º,4º,5º e 6º. O Colpbol é un deporte creado en 1997 por un mestre de educación física chamado Juanjo Bendicho. Este deporte está formado por dous equipos mixtos feitos por 7 xogadores. Consiste en meter un gol coas mans na portería contraria. As reglas básicas son:

-Non se pode agarrar a pelota coas mans.

-Non se pode dar dous toques seguidos.

-Non se pode dar co pé.

-Golpear o balón co puño cerrado.

-Respectar a distancia no saque.

Cando acabaron os partidos os profesores repartiron unhas medallas para todos os nenos/as que foron cortesía do Concello de Marín.

Comisión periodística 5ºB

         O día 8 de marzo, foi o Día da Muller Traballadora. Conmemórase a loita da muller pola igualdade de xénero. A primeira celebración deste día tan especial, tivo lugar o 19 de marzo de 1911 en Alemaña, Australia, Dinamarca e Suíza. Posteriormente, a súa conmemoración foise extendendo.

         Este día é contra o machismo, que é a actitude ou maneira de pensar de que o home é superior á muller.

         Algunhas mulleres para conmemorar o día da Muller Traballadora, colocan un delantal no seu balcón para que se saiba que ese día a muller non traballa.                                                     

Comisión periodística 5ºB

Como este ano estamos a desenvolver no colexio un proxecto sobre o río Lameiriña, os nenos e nenas de 5ºA decidimos facer un traballo de investigación sobre os distintos animais do río: peixes, mamíferos, anfibios, reptis, aves e insectos. Cada neno escolleu un animal, investigou sobre el e realizou unha presentación.

Queremos compartir este traballo con todos vós e cada quince días presentarémosvos tres animais diferentes. Comezaremos con tres aves: garza reiseñor e pita de auga, traballos realizados por Yara, Almudena e Yelme.

Esperemos que vos gusten!

O mércores 7 de febreiro, na clase de 5ºA plantamos sementes da especie ``corno vermello´´ (corno rosso). Estas sementes plántanse desde xaneiro ata xuño, e recóllense desde maio ata novembro; claro está, a recollida vai en función da etapa en que sementamos.

O proceso foi o seguinte:

1º Por parellas fomos enchendo as macetas de terra.

2º Collemos 3 sementes cada un.

3ºColocamos as sementes enriba da terra e cubrímolas, aplastando a terra un pouquiño.

4º Regámolas con coidado.

Agora esperaremos a que esas sementes xerminen e medren as plantiñas. Logo transplantarémolas ao noso horto escolar.

Irémosvos informando de como vai o proceso!

Almudena e Martín 5ºA

Preme no espazo para mover o can e a frecha dereita para mover o gato, neste xogo de carreiras que fixeron os de 5º B

Topa á rapaza clicando enriba dela e consegue puntos neste xogo que crearon os alumnos de 5º A

Un dos xogos replicados polos alumnos de 5º B