Maio 2024
Educación afectivo-sexual en 5º de primaria
Enviado por xose o Mar, 28/05/2024 - 13:10Os días pasados tivemos dúas sesións en 5º de primaria cunha introdución á educación afectivo-sexual, seguindo o programa do Colexio do Benquerer da Fundación Meniños. Para este propósito utilizamos a actividade de título "O nome correcto", que ten por obxectivo nomear correctamente as partes do corpo humano, tanto masculino como feminino. O alumnado participou con moito interese, e aquí queda unha mostra do seu coñecemento previo.
Recollida do Patrimonio Inmaterial Ponte nas Ondas (IV)
Enviado por josean o Mar, 28/05/2024 - 01:14Seguen chegando fotos das casas para Ponte nas Ondas. Desta vez tratase dunha foto do avó de Roberto Santos Pol e nela está o xénese dunha coñecida comparsa marinense, o Xarángallo Mángallo en 1961, nunha divertida marcha ciclista.
Traballamos a Banda Deseñada con Palop
Enviado por josean o Lun, 27/05/2024 - 23:32Na época dourada do cómic infantil para nenos os dous centros por antonomasia do cómic español foron Barcelona coa Editorial Bruguera e Valencia ao redor da Editorial Valenciana. Desta última escola de historietistas proviña José María Palop Gómez, máis coñecido como "Palop"
Concurso escolar de debuxo "Los Cereales"
Enviado por josean o Lun, 27/05/2024 - 07:30O Consello Superior de Investigacións Científicas (CSIC), promoveu, coa colaboración de diversas entidades, o concurso escolar de debuxo “Os cereales”, no marco do “Ano Internacional do Millo Miúdo”, declarado pola Organización Nacional das Nacións Unidas. Neste concurso participaron os nosos alumnos cara ao primeiro trimestre, pero foi agora cando chegaron os diplomas aos premiados. Un traballo realizado dende a aula de plástica.
Concurso: E ti que pensas da igualdade?
Enviado por josean o Lun, 27/05/2024 - 07:21Estes son tódolos traballos presentados a concurso da Deputación onde tivemos a sorte de ser premiados cunha tira de Noelia García del Río.
Manoli farmacéutica
Enviado por josean o Lun, 27/05/2024 - 07:12"Manoli farmacéutica" non é outra cousa que a actualización da personaxe histórica de Manuela Barreiro en forma de tira de banda deseñada. Manuela Barreiro foi elexida como a persoa a quen homenaxear este ano polo 8-M. A técnica de cor utilizada é tipica nas produccións de Bruguera ata os anos 70, o bicolor, neste caso cun color inusual naquelas produccións como é o MORADO.
Aula Scratch de 5º
Enviado por josean o Xov, 23/05/2024 - 21:28A clase de 5º creoou un aula en Scratch para que sen necesidade de rexistro poidan subir os seus algoritmos de Scratch a un Estudo do que a propia aula está dotada.
Novas camisetas para os Maios
Enviado por josean o Xov, 23/05/2024 - 01:19Grazas ao esforzo conxunto de toda a Comunidade Educativa (alumnos, pais, mestres...) este ano conseguimos ampliar a participación na celebración dos Maios da vila a tódolos alumnos de Primaria. Grazas a este traballo colaborativo é que dotaremos de camisetas co logo do noso centro aos cursos que se incorporaron este ano. Camisetas como as que nos amosan estes modelos de 2º con gracia e pose.
Contacontos "As Chaves de Lu"
Enviado por laurarialf o Mér, 22/05/2024 - 15:56Onte tivemos outras das actividades programadas para o celebrar as Letras galegas. Como xa vos dixemos, este ano a conmemoración é a Luisa Villalta, por iso Raquel Queizás veu a contarnos “As chaves de Lu”. Desfrutamos dunha xornada moi divertida todo o cole xunto e ata algún dos nosos compañeiros e compañeiras sacou o seu lado máis actor e actriz!
Brincaxogos
Enviado por laurarialf o Mér, 22/05/2024 - 15:48O pasado día 15 foi o día da familia e un ano máis, os e as peques de infantil convidaron as súas familias para pasar un rato divertido todos e todas xuntiñas e celebrar os Brincaxogos. Fixeron mogollón de cousas: ler contos, xogos de mesa, construcións, un pouquiño de arte... Pero sen dúbida, o que máis fixeron foi desfrutar!
Grazas por vir, familias!
- 1
- 2
- 3
- seguinte ›
- última »