A clase de 5º creoou un aula en Scratch para que sen necesidade de rexistro poidan subir os seus algoritmos de Scratch a un Estudo do que a propia aula está dotada.

Onte tivemos outras das actividades programadas para o celebrar as Letras galegas. Como xa vos dixemos, este ano a conmemoración é a Luisa Villalta, por iso Raquel Queizás veu a contarnos “As chaves de Lu”. Desfrutamos dunha xornada moi divertida todo o cole xunto e ata algún dos nosos compañeiros e compañeiras sacou o seu lado máis actor e actriz! 

Como colexio procuramos participar, con máis ou menos sorte, en tódolos certames que as asociacións culturais locais convocan.  Entre os premiados deste ano estiveron dous alumnos nosos Darío Pereira Omil e Diego Soage Piñeiro

Mañá é 17 de maio e celebramos o día das Letras Galega nas que se homenaxea á poeta Luisa Villalta. Dende o colexio levamos a cabo diferentes actividades sobre este día e outras que aínda están por chegar na seguinte semana. Aquí vos deixamos un vídeo-resumo sobre elas.

Ademais, dicirvos que este vídeo exporase no Museo Municipal de Manuel Torres de Marín, no acto que o concello realiza sobre as Letras Galegas. A celebración é ás 12.30 e o noso cole estará representado por unha persoa do claustro.

Por último, dende o Equipo de Dinamización da Lingua Galega xunto co Equipo de Biblioteca elaboramos un tríptico con recomendacións que podedes atopar na nosa biblioteca. Animádemos a visitala!

FELIZ DÍA DAS LETRAS GALEGAS!

Hai tres anos recuperamos unha tradición dos maios de Marín que se perdera e malia a todo, cada ano cumprimos con ela. Deste ano cadrou moi preto do 1º o que dificultou todo, porque o noso barco dese día, o Río Lameira, quedou danado o día 1 e tivemos que levar ao Xiana que no traxecto tivo algún que outro desperfecto.

Agora, xa pasado, o periodo de venta á vontade, podemos publicar as coplas deste ano. Sen dúbida algunha a máis interesante a do maio, fabricada polos alumnos de 5º no noso Obradoiro de coplas de Maio e que foi recompensada co primeiro premio no Concurso.

Aquí están os Mariñeiros de Marín, os que sosteñen unha cultura en vías de extinción.  Estas son as familias mariñeiras de Marín.  Un vídeo traballado para presentar no I Certame do Mar do Museo de Marín.

Aproveitando os raios de sol e que onte foi o día do libro, fixemos un apadriñamento lector! Tivemos unha xornada de convivencia onde os nenos e nenas máis pequenas escoitaron un conto da man dos e das maiores. Ao rematar, cada grupo/parella fixeron un debuxo sobre o conto que acababan de escoitar. Como nos gustou estar todos e todas xuntas!

Dádelle o play para coñecer os contos!

Poema colectivo, a partir dunha tormenta de ideas sobre o ciclo da vida e a igualdade, plasmado logo en poema por Issam de 5º.

Aproveitando o material dos circuitos de papel dos Polos Creativos, as tarxetas Makey Makey dos e os cables de boca de cocodrilo do Digicraft e  traballando co Scratux dentro do Plan Proxecta os alumnos de 5º elaboraron estes murais interactivos dentro da PDI do centro "Río Lameira, un río de Vida", que foron a presentar aos seus compañeiros de cursos inferiores.  Este vídeo é unha mostra deste traballo e débese á inmensa paciencia do mestre Miguel Seoane.

Moitos máis libros imprescindibles, segundo os booktubers máis famosos do noso colexio.

Issam:

Joel:

Leire:

María:

Martín:

Prestade atención ás recomendacións literarias que vos deixan os mellores Booktubers do noso centro:

Ainhara 5º

Alonso 5º

Álvaro:

Ángel:

Darío:

Desireé:

Que mellor xeito que celebrar o día mundial da Poesía que con Celso Emilio Ferreiro e o seu "A nosa amiga"

Este ano imos participar dende a Radio Tuxiña co Proxecto Ponte nas Ondas no Certame “As imaxes do patrimonio” destinado aos centros educativos da Eurorrexión Galicia-Norte de Portugal constitúe un exemplo de transmisión do patrimonio cultural inmaterial ás novas xeracións realizada a través da escola que serve de ponte entre as familias, comunidades portadoras, e o ensino formal.

Importante que as fotos que nos traiades SEXAN ORIXINAIS e de antes dos anos 70. 

Como temos alumnado de distintas orixes, invitámolos tamén a que nos traian fotos do patrimonio cultural do seu país de orixe.

Como exemplo do que se pretende que sexa esta recolleita, deixámosvos o que fixo Darío Pereira Omil de 5º, cunha foto que lle cedeu o seu avó.

A finais de Febreiro a Asociación marinense "Non estamos sós" co gallo de visibilizar a situación dos nenos e nenas con enfermidades raras, no cartaz que editaron aparecía un boneco que nos gustou moito. Houbo, os menos, que se decantaron por dicir que era un axolote; a maioría falou dun Pokemon emparentado con Charmander.

O boneco como dixen pareceunos atractivo, e como en quinto estabamos traballando co Cómic clásico español, pois a iso se puxeron os alumnos coa personaxe.  De seguida nos decatamos que necesitaba un nome e como a súa cara semellan dúas mans, o nome veu só.

Que día mellor co día Mundial do Cómic, entón para publicar as historias de Man.

Esta vez o Sequelo cociña tocoulles aos nenas e nenos de 5º EP que estiveron mans á obra durante todo o entroido! Mirade canto traballaron e que receitas máis ricas nos presentan.     

Aquí tendes un vídeo con diferentes receitas de como facer filloas

Neste podedes coñecer unha gran variedade de receitas

Por último, facer mención á receita de Issam que nos presenta unha sobremesa un tanto diferente: unha receita marroquí!

Moitas gracias a todos e a todas pola vosa colaboración!

Sophie, María, Alba, Ainhara, Diego Soaxe, María e Leire entrevistan á profe Laura e descubren o motivo que a levou a querer ser mestra.

Na mesa de ferramentas que o proxecto de Polos Creativos nos aportou, viña este aparatiño, e grazas a que o noso conserxe sabe un chisco de eléctronica guiounos para comprender dúas ou tres cousiñas da súa útilidade e os nenos de 5º de seguida o aplicaron ao traballo con circuitos.

Incríble cando menos o traballo que inaugura o noso canal de Booktube.  Moi ben interiorizada toda a estrutura que ten que ter un bo youtubers:  mirando sempre á cámara, unha presentación da persoa, do autor, do ilustrador, recomendando porque deberían lelo, resumindo brevemente o texto e as súas personaxes e cunha utilización do fondo moi coidada. E por suposto unha despedida en condicións. Espectacular o comezo

Un pouco de efecto aparecer, outro pouco de esvaecer, cortar, mover separar e un moito de autoduck foron os trucos necesarios para crear este podcast por medio do Audacity.  Moitos dos nosos alumnos non o conseguiron, outros quedaron a medio camiño con uns pouquiños erros pero xa hai algúns coma este, que conseguiron editar o programa de radio dun xeito moi digno. En pouco todos van facelo asi, dos erros e con sacos de paciencia e como se aprende.