O pasado 24 de Novembro, o alumnado de Secundaria do noso centro acudiu á praza de Servizos Múltiples do Concello, co fin de participar do día da Eliminación da Violencia contra a Muller. Tamén foron moitas as actividades realizadas no propio centro co gallo da celebración da devandita efeméride: realización de pancartas, murais, caixiñas con sementes de sempreviva, decoración dunha cadeira ( "Nin unha máis baleira")... e todo isto contando coa estreita colaboración do alumnado de Xardinería e Viveirismo, quenes nos agasallaron cuns fermosos lazos violetas elaborados con flor natural.
