Skip to Content

Intercambio a Francia. Por que decidiches participar nesta experiencia?

Mar, 13/06/2023 - 08:08

Ademais da creación dun vídeo, o alumnado participante no intercambio a Francia ofreceu unha charla nos distintos grupos de 2º e 3º ESO para dar a coñecer a súa experiencia, resaltando as vantaxes de participar nun proxecto destas características. 

 

Recibimos a visita de profesorado do IES Francisco Aguiar (Observa_acción Fase II)

Mar, 30/05/2023 - 17:16

Observa fase II

Este martes 30 de xaneiro recibimos a visita de compañeiras e compañeiros do IES Francisco Aguiar e do noso asesor no CFR de A Coruña, no marco da fase II do programa da CCEFPU Observa_acción no que participamos con moita ilusión.

A xornada comezou ás 9:30 cunha visita guiada ao centro e incluiu observacións de aulas de primaria e secundaria e reunións de intercambio entre membros dos equipos directivos e de equipos de dinamización, nomeadamente de biblioteca.

Festival da Francofonía (Vilanova de Arousa)

Mar, 16/05/2023 - 14:29

O pasado 9 de maio, o alumnado de 1º e 3º de ESO participou xunto a unha quincena de institutos de toda Galicia no Festival da Francofonía celebrado en Vilanova de Arousa. Unha multitude de alumnas e alumnos congregouse no pavillón da vila coa finalidade de promover a lingua francesa e dar a coñecer a creación cultural e artística do mundo francófono.

 

Lanzamento da cápsula estratosférica MarumaSat V desde a Cidade da Cultura de Galicia

Sáb, 13/05/2023 - 06:52

 

O pasado mércores 10 de maio compartimos co IES Marco do Camballón (Vila de Cruces), o IES Miraflores (Oleiros) e o IES Arcebispo Xelmírez II (Santiago de Compostela) unha xornada emocionante de aprendizaxe, ciencia e cultura co gallo do lanzamento da cápsula estratosférica MarumaSat V desde a Cidade da Cultura de Galicia.

A Misión 360 foi un éxito, a cápsula foi recuperada en Quiroga (Lugo) poucas horas despois do lanzamento con todos os seus compoñentes. Queda por diante agora moito traballo de edición de imaxe e video e tratamento de datos para extraer resultados das investigacións asociadas. 

Agradecemos a Enaire o seu tempo para a xestión do permiso para o lanzamento á CCEFPU o seu apoio e tamén ao CAFI e á propia Cidade da Cultura pola colaboración nas tarefas de organización.

Moitos medios de comunicación difundiron a nova do lanzamento sobre o que podedes ver, oir e ler en CRTVG, RTVE, Praza, SER, COPE, A3 ou La Voz de Galicia entre outros. Moitas grazas a todos!

Máis información | NOSA

Alumnado de 2º ESO participa na Spring Week 2023

Sáb, 13/05/2023 - 05:46

Ao longo desta semana, entre o 7 e o 13 de maio, 25 alumnas e alumnos de 2º ESO participaron no programa Spring Week da CCEFPU no centro de inmersión lingüística de Os Peares, acompañados pola súa profesora de inglés Asun del Valle. Alí realizaron múltiples actividades nunha semana intensa de aprendizaxe e convivencia, que agardamos quede no seu recordo como unha experiencia inesquecible.

Máis información | Spring Week

Celebración do Día da Ciencia na Rúa 2023 co Club de Ciencia e os Polos Creativos

Ven, 12/05/2023 - 18:08

 

O pasado sábado 6 de maio, participamos na 27ª edición do Día da Ciencia na Rúa 2023, organizado polos museos científicos coruñeses en colaboración coa asociación de amigos da Casa das Ciencias, no parque de Santa Margarida.

Foi unha xornada apaixonante na que compartimos con outros centros a experiencia de participar nunha romaría científica con tantos anos de tradición amosando algúns dos proxectos de investigación científica desenvolvidos no centro ao longo do curso no marco dos programas de Plan Proxecta, Club de Ciencia e Polos Creativos.

Máis información | Día da Ciencia na Rúa 2023

DEFENDENDO O GALEGO

Sáb, 06/05/2023 - 08:03

O Correlingua está de volta e, como sempre, o noso alumnado implicouse ao cento por cento coa defensa do galego e así o demostrou polas rúas da Coruña. O resultado: un ano máis que gañamos o concurso.

Noraboa!!!

Distribuir contido


by Dr. Radut