Orientación
Programación didáctica curso 2022-23
A programación didáctica do departamento de Orientación correspondente ao curso 2022-23 achégase no documento adxunto.
BECAS ALUMNADO CON NECESIDADES EDUCATIVAS ESPECIAIS
Na paxina seguinte está a convocatoria para as becas para o alumnado de necesidades educativas especiais do MEC, se necesitades axuda, a partir de setembro se vos solucionarán as dúbidas- Un saúdo
AESLEME VISITOU O NOSO COLEXIO
O pasado luns 27 de outubro, AESLEME visitou ao alumnado de 4º da ESO para explicarlles que función cumpre a médula espinal e as consecuencias asociadas á súa lesión, que pode ser completa ou incompleta. Tamén lle explicou as consecuencias derivadas dos danos a nivel cerebral.
Como medidas preventivas, fixose fincapé no perigo que supón asociar alcol e condución, así como na necesidade de optimizar as medidas de seguridade cando circulamos pola estrada: cinturón, airbag, reposacabezas, casco cando nos desprazamos en moto... Do mesmo xeito, convén adoptar certas precaucións cando nos bañamos no mar ou no río, tales como controlar a profundidade, asegurarse de que non atoparemos obstáculos e tirarse sempre de pé antes de facelo de cabeza.
Cando xa ten lugar a lesión, ésta pode impedir a deambulación ou ter outras consecuencias en ocasións moi graves e variables en función da área danada. Nestes casos vanse requerir certas adaptacións na vivenda, no traballo ou no tempo de ocio, onde o exercicio físico xogará un papel fundamental.
Dani explicounos a súa experiencia persoal e o cambio que o accidente supuxo na súa vida, tentando concienciar ao noso alumnado da importancia de asumir unha conduta responsable nos desprazamentos pola estrada.