· Actividades da última semana
Unha vez rematados os exames dedicaremos esta última semana do trimestre a algunhas actividades complementarias:
Os alumnos de 1º ESO farán unha visita o xoves 20 ao mosteiro de Sobrado dos monxes e ao belén de Betanzos.
Os alumnos de 4º ESO recibirán como todos os anos un curso de primeiros auxilios nas mañás do xoves 20 e venres 21.
O xoves pola tarde os alumnos de infantil e primaria interpretarán unhas panxoliñas e se repartirán os premios aos gañadores dos concursos organizados durante o trimestre.
Ao final do festival os alumnos de 2º ciclo da ESO sortearán unha cesta co fin de recadar fondos para a súa excursión de fin de curso.
Os alumnos de 2º ciclo da ESO asistirán ao festival de cine o xoves 20 pola tarde.
Os alumnos de 2º ESO, dentro dunha actividade sobre alimentación saudable do departamento de educación física, verán o documental Supersize me.
No comedor de centro celebraremos o nadal por adiantado cun menú especial: langostinos, xamón asado e doces de nadal.
O venres 21 será o dia do festival de cine en infantil, primaria e 1º ciclo da ESO.
Os alumnos de 3º ESO recibirán unha charla da asociación Quérote sobre violencia de xénero.
As actividades rematarán ás 13:00 despois de que os alumnos degusten un chocolate con biscoito ofrecido polo comedor e os seus titores lles entreguen os boletíns de notas.
_____________________________________________________________________________
· Invitación aos pais e horario de saída adiantado o venres 21:
Os pais quedades invitados ao recital de panxoliñas ofrecido polos alumnos de infantil e primaria o xoves pola tarde ás 15:30 no ximnasio de secundaria.
Atención ao horario de saída!
O venres 21 os buses sairán ás 13:00.
Os alumnos que non van en bus deberán ser recollidos ás 12:45
· Vacacións de Nadal
Voltamos de vacacións o martes 8 de xaneiro, felices festas e próspero ano novo.
· Ollo ao piollo
Atopáronse de novo casos de piollos en alumnos de primaria, pregamos tomen as medidas necesarias de prevención.
San Sadurniño, 18 de decembro de 2012
A Dirección