CIRCULAR Nº 13
-
Día das Letras Galegas
Recordamos que o xoves 16 de maio é o segundo dos días escollidos polo centro como día non lectivo. O venres 17 tampouco haberá clase por celebrarse o Día das Letras Galegas.
-
Proxecto de decreto de comedores
Toda a información relativa ao proxecto de decreto de comedores pode ser consultada na páxina web do centro, ou directamente na páxina da consellería:
http://www.edu.xunta.es/web/node/9186
-
Convocatoria de folga o xoves 9
A Plataforma en Defensa do Ensino Público convoca a toda a comunidade educativa a unha xornada de folga no ensino o vindeiro 9 de Maio.
Non é posible determinar o número de profesores que secundarán a folga. O centro permanecerá aberto no seu horario habitual. Os servizos mínimos decretados pola administración estarán formados por unha persoa de dirección, o conserxe, unha persoa de cociña e a coidadora.
No caso do alumnado de infantil e primaria os titores informarán con máis exactitude.
San Sadurniño, 7 de maio de 2013
A Dirección
Nas reunións celebradas o venres 26 de abril de 2013 o claustro e o consello escolar do centro acordaron apoiar as diferentes medidas de protesta organizadas pola ANPA así como, o seguinte escrito de protesta en contra do proxecto de decreto de comedores:
O claustro e o consello escolar do CPI San Sadurniño manifestan o seu rexeitamento ao proxecto de comedor onde se desvincula a gratuidade do servizo ao feito de ser usuario do transporte escolar polos seguintes motivos:
-Un alumno non pode ser obrigado a pagar un servizo complementario necesario para a súa escolarización. Nas zonas rurais os alumnos transportados a longas distancias non teñen garantida a súa escolarización sen o acceso aos servizos complementarios.
-A cambiante situación económica actual dificulta o establecemento do baremo ao longo polo menos dun curso escolar.
-Non establece que medidas tomarán as direccións dos centros cos alumnos transportados que manifesten o seu desexo de non utilizar o servizo de comedor.