Estimadas familias:
Sentimos comunicarvos que continuamos sen ter persoal colaborador suficiente para que o servizo de comedor escolar poida ser restablecido. Por ese motivo, mañá xoves 15 de outubro tampouco poderá funcionar o servizo de comedor.
Como xa vos trasladei no día de onte, actualmente continúa aberto o prazo para que dende as familias vos presentedes voluntarios/as para colaborar. A este respecto infórmovos dunha novidade: excepcionalmente, está previsto que poidan actuar como colaboradores/as, ademais de pais e nais, outros familiares que convivan con alumnado usuario do servizo de comedor escolar. Animámosvos novamente a que vos presentedes, co fin de que o servizo poida ser restablecido á maior brevidade, en beneficio de toda a comunidade educativa.
O horario de saída do alumnado transportado e non transportado será o mesmo destes días.
Volveremos a informarvos mañá xoves 15 sobre os servizos de comedor e transporte.
Moitas grazas pola vosa comprensión e colaboración.
Un saúdo,
Silvia Padrón
Directora.
