Circulares informativas

Moraña, 7 de marzo de 2019

Estimadas familias:

A Confederación Intersindical (CI), o Sindicato Comisións de Base (CO.BAS), Alternativa Sindical de Trabajadores (AST), Intersindical de Aragón (IA), Sindicato Asambleario de Sanidade la Comunidad de Madrid (SAS), Sindicato Único de Trabajadores Solidaridad Obrera (SUTSO), a Central Sindical Independiente y de Funcionarios (CSIF), a Confederación General del Trabrajo (CGT), a Confederación Nacional del Trabajo (CNT) e o Sindicato de Oficios Varios daquela confederación en Vigo, a Unión General de Trabajadores (UGT), o Sindicato Nacional de Comisiones Obreras, a súas federacións de Enseñanza e Servicios y Sindicato Nacional de Comisiones Obreras de Galicia (CC.OO.), a Unión Sindical Obrera (USO), a Central Unitaria de Traballadores (CUT), o Sindicato Labrego Galego, o Sindicato Ferroviario-Intersindical, a Confederación Intersindical Galega (CIG), Erguer Estudantes da Galiza, e o Sindicato de Traballadoras e Traballadores do Ensino de Galiza (STEG), comunicaron diversas convocatorias de folga xeral para o día 8 de marzo de 2019, e que afectará a todas as actividades e centros de traballo, tanto de empresas privadas como do sector público, con vínculo funcionarial, estatuario ou laboral, no ámbito territorial da Comunidade Autónoma de Galicia ou na Administración Exterior.

Estando chamado á folga o persoal que traballa no noso centro, dende o equipo directivo lles informamos de que quedarán garantidos os servizos mínimos para a atención ao alumnado.

En canto ao alumnado, legal e tecnicamente non teñen dereito á folga, reservado aos traballadores/as, senón que unicamente teñen dereito de reunión os estudantes de 3º e 4º da ESO, que poderá adoptar decisións colectivas de inasistencia a clase. Para iso, deben avisar previamente á dirección do centro e non precisan de autorización dos seus pais ou titores legais. Segundo a Lei Orgánica 2/2006, do 3 de maio, de educación, na súa Disposición derradeira primeira, Modificación da Lei orgánica Lei 8/1985, do 3 de xullo, reguladora do dereito á educación (LODE): “Co fin de estimular o exercicio efectivo da participación dos alumnos nos centros educativos e facilitar o seu dereito de reunión, os centros educativos establecerán, ao elaborar as súas normas de organización e funcionamento, as condicións en que os seus alumnos poden exercer este dereito. Nos termos que establezan as administracións educativas, as decisións colectivas que adopten os alumnos, a partir do terceiro curso da educación secundaria obrigatoria, con respecto á asistencia á clase non terá a consideración de faltas de conduta nin será obxecto de sanción, cando estas fosen resultado do exercicio do dereito de reunión e sexan comunicadas previamente á dirección do centro.”

Unha vez teñamos constancia nesta dirección de que haxa alumnado do centro que decida non asistir a clase, comunicarémosllo aos seus titores legais. Este alumnado poderá quedar baixo a garda e custodia dos seus pais ou titores legais ou acudir ao centro educativo, pero tendo en conta que, de presentarse no centro, non poderá abandonar o recinto escolar. Habilitarase un espazo do centro para que este alumnado poidan exercer o seu dereito de reunión.

A dirección.

Estimadas familias:

Comunicámosvos que o vindeiro venres día 1 de marzo celebraremos o Entroido no noso centro. A temática deste ano é “As viaxes”.

Se as condicións climatolóxicas o permiten, a partir das 12.30h está previsto que saia do colexio o tradicional desfile de Entroido pola vila de Moraña, que percorrerá as Rúas 7 e 6 e chegará á Rúa 1, onde faremos unha breve parada.

Animámosvos a participar.

Tamén vos informamos de que a vindeira semana non haberá clase os días 4, 5 e 6 de marzo, vacacións de Entroido, segundo marca no calendario escolar a Consellería de Educación, Universidade e Formación Profesional.

Un saúdo,

O equipo de Actividades complementarias e extraescolares

A partir do 11 de febreiro de 2019 o alumnado do CPI Plurilingüe Santa Lucía autorizado polo seu pai/nai ou titor/a legal a saír só do recinto escolar ao remate da xornada lectiva deberá empregar o carné que lle foi facilitado na secretaría do centro. Máis información neste enlace.

Debido ás predicións meteorolóxicas adversas, temos que pospoñer a Carreira Solidaria do mércores 30 de xaneiro e as actividades vencelladas á mesma.

Estaremos pendentes das previsións da vindeira semana para poñer unha nova data.

Un saúdo,

O Equipo de Actividades Complementarias e Extraescolares.

Pódese consultar aquí.

Resolución do 9 de xuño da Dirección Xeral de Educación, Formación Profesional e Innovación Educativa pola que se ditan instruccións para a adopción das medidas necesarias para a aplicación do disposto no Real Decreto 562/2017, de 2 xuño, polo que se regulan as condición para a obtención do título de Graduado en Educación Secundaria Obrigatoria.