Dende o aula de inglés de Primaria e os alumnos de Seccións Bilingües de primaria, queremos compartir con todos vos este video, que esperamos vos agrade.
A profe Noelia está a facer un Proxecto sobre os animais cas nenas e nenos de tres anos. Estes son algúns dos traballiños e investigacións que están levando a cabo!
Clasificamos os animais polo que comen e onde viven, fixemos pegadas no barro, coñecemos ó poliño Cocorico e incluso...tivemos visita dos "Bichos bola" na aula...están a pasalo pipa mentres aprenden un montón!!!
Vanse covertir en expertas e expertos dos seres vivos!!!
Boa fin de semana...e animámosvos a seguir investigando "animaladas en familia" :)
Aquí estamos as nenas e nenos de Educación Infantil tod@s content@s e quentiñ@s celebrando o Entroido! Hoxe o Meco mandounos pixama...e mañá...aínda imos vir máis cómodos...Sorpresa!!!!!
A pesar de ser diferente...non deixa de ser especial!
Dentro do plan de innovación educativa Contratos-Programa da Consellería de Educación,o alumnado do CPI de San Vicente está a estrear a súa canle de podcast de radio O son da Baña.
Nesta canle iremos publicando diversos programas especializados con entrevistas, reportaxes, traballos de investigación e tamén audiocontos para os máis pequenos.
O alumnado de 2º de EP tiña prevista unha divertida mañá de patinaxe sobre xeo en Santa Comba o pasado xoves, unha actividade lúdica que ía acompañada dun acto de solidariedade, xa que todos e todas eles recolleron alimentos para entregar no Banco de Alimentos de Santa Comba nesa mesma xornada.
As restriccións sanitarias impediron a súa saída, pero as nosas pequenas e pequenos non quixeron deixar de entregar os alimentos que recolleran, para que os doces de Nadal chegen a cantos mñais fogares mellor.
Parabéns por este xesto de solidariedade ao grupo de 2º de EP e ao seu profe Ricardo.
Durante estas semanas celeboruse no noso centro educativo o I Festival de Cine, onde os diferentes niveis de Educación Infantil e Primaria visionaron distintas curtametraxes de diferentes estilos: animación, documentais, cine mudo...
Para darlle á actividade un ambiente máis cinematográfico, preparamos unha pantalla moi especial para a ocasión, repartimos flocos de millo para os nenos e nenas, entregamos "tickets" como entradas para a sesión, decoramos a sala cun rollo de película moi colorido e, no salón de actos, expuxemos parte da carteleira con murais feitos polos rapaces e rapazas da nosa escola.
Moitos parabéns a todos e a todas porque a actividade saiu moi ben gracias á cooperación e colaboración de profesorado e alumnado!
Agora toca realizar as votacións en cada curso e desexar sorte a todos os participantes deste festival!
Neste vídeo tedes unha mostra do traballo do alumnado e a decoración da nosa particular sala de cine.
Este ano escolar 2020-2021 o equipo de Seccións Bilingües contará co apoio dun auxiliar de conversa para mellorar e completar o proceso de aprendizaxe da lingua estranxeira nos cursos de 5º e 6º de Educación Primaria.
Este auxiliar de conversa será un rapaz chamado Matt, que deberá partillar dous centros educativos. Por mor da pandemia, non poderá facelo ao mesmo tempo, polo que o noso centro contará cos seus servicios na segunda metade do curso.
Xa tivemos varios contactos con el e sabemos que ten experiencia noutras escolas galegas, así como que é estadounidense. Este dato deu a idea ao equipo de SecciónsBilingües para organizar un proxecto anual ao redor dos EEUU. Así, ao longo do curso traballaremos as culturas, festividades e celebracións varias deste país dende unha perspectiva artística.
Deste xeito, a primeira actividade do curso foi emular as eleccións presidenciais celebradas este mes de novembro. Para evitar competencias persoais e incentivar o traballo cooperativo, creamos uns carteis propagandísticos por equipos cunha temática en común, a nosa escola.
Tras realizar os carteis, expuxemos un gran mural na entrada do colexio para que todos e todas o puideran ver. Despois, cada neno e nena dos distintos niveis de Primaria votaron polo seu favorito.
Parabéns aos alumnos e alumnas de 5º e 6º polo voso traballo!