A Consellería do medio Rural, promotora da iniciativa Come Local na que participou o noso comedor escolar no curso 2023-2024, convídanos ao Evento Final que terá lugar o DOMINGO 16 DE XUÑO en Ponteareas, na área recreativa A Freixa, onde haberá un programa de actividades moi completo que contará, entre outras cousas coas seguintes accións:
- Talleres para nenos e nenas.
- Mesa redonda sobre a campaña cun cociñeiro/a, un director/a, un representante da Xunta, un produtor e unha das coordinadoras desta iniciativa.
- Entrega de tabletas e galardóns aos responsables de cociña/comedor desta edición que consistirá nun diploma, un gorro e un mandil de *Come LocaL*. Todo isto da man da Conselleira do Medio Rural da Xunta de Galicia.
- Comida a cargo dos cociñeiros e cociñeira do CEIP A Paz-Tintureira (Coruxo), CEIP Xacinto Amigo Lera (Portomouro), CEIP A Lomba (Vilagarcía) e CEIP Vicente Otero Valcárcel (Carral).
- Taller de xeados artesáns e queixo.
A duración será de 10.00 am a 18.00 pm. Ao longo deste tempo tamén haberá postos de produtores alí ubicados, un espazo informativo con propostas de menú para primavera, outono/inverno, ideas para ceas, manual de seguridade alimentaria, base de datos propiedades nutricionais dos alimentos, etiquetado nutricional e narrativo dos produtos con certificado de calidade...
Animádesvos a participar?
Pregamos que as familias interesadas en acudir a este evento remitan un correo-e ao centro (cpi.san.vicente@edu.xunta.gal) co asunto EVENTO COME LOCAL e indicando cantas persoas da familia estçan interesadas en asistir.
Se formamos un grupo suficiente (unhas 50 persoas), animarémonos a contratar un autobús para que a viaxe resulte máis cómoda e económica para todas e todos.
