Para o correcto desenvolvemento do servizo de comedor escolar recisamos con urxencia:

• dúas nais/pais colaboradores para o comedor escolar de Infantil e Primaria
• Dúas nais/pais colaboradoras para o comedor de ESO (só mércores).

As persoas interesadas, cubride o documento anexo e entregádeo no colexio ou enviádeo por correo electrónico (cpi.san.vicente@edu.xunta.gal) antes do 9 de setembro. 

Moitas grazas!

Aproxímase a data de inicio de curso e, dadas as circunstancias especiais deste curso que iniciamos,  a dirección do centro convoca a todas as familias a unha reunión informativa, antes do inicio das clases, na cal se vos presentará o Plan de adaptación ao contexto COVID, as normas de funcionamento, a organización das aulas, recreos e comedor e se vos aclararán todas as dúbidas ou precupacións que poidades ter ao respecto da prevención e as posibles incidencias sanitarias. 

Así mesmo, dende a dirección do centro queremos aproveitar para transmitirvos unha mensaxe de tranquilidade e garantizarvos que o colexio está preparado para unha volta segura á vida escolar.

Se nos coidamos todos e respectamos as normas, todo irá ben. 

As datas e horas de celebración das reunións de presentación son as seguintes:

As reunións, en función do número de asistentes, desenvolveranse no Salón de Actos (no edificio de Infantil) ou no espazo multiusos, ao que se accederá dende o patio exterior, e gardando as normas de desinfección de mans, distancia social e uso de máscaras establecidas.

Se non podedes asistir podedes participar na reunión de xeito telemático a través de videoconferencia. Para solicitar esta modalidade de participación só precisamos que nos remitades un correo electrónico a cpi.san.vicente@edu.xunta.gal solicitando participar na reunión informativa de xeito telemático. Unha vez recibida a vosa solicitude enviarémosvos ao voso correo electrónico unha invitación á reunión a víspera da mesma.

Dada a confusión reinante sobre o desenvolvemento do 3.º trimestre e o final do curso 2019-20, a dirección do CPI de San Vicente considera necesario aclarar varios puntos:

• Todo o alumnado debe continuar coa actividade lectiva de modo non presencial (ou presencial, no caso de rematar o confinamento antes que o curso escolar), co fin de minimizar os prexuízos que esta situación poida provocar na súa formación. Esta actividade poderá repercutir positivamente na súa cualificación final.
• Non vai haber aprobado xeral: só se flexibilizarán os criterios de promoción e titulación, de forma que as repeticións de curso sexan excepcionais (pero posibles).
• Na ESO haberá convocatoria de avaliación extraordinaria en setembro, coma sempre.
• O alumnado de ESO que suspendera algunha materia no 1.º e/ou o 2.º trimestre deberá seguir co plan de recuperación establecido na correspondente programación didáctica; é dicir, deberá realizar as actividades que o profesorado lle indique e/ou preparar un exame de recuperación para o mes de xuño, segundo a materia. No caso dos exames, se finalmente estes non se puidesen realizar no centro, serán adaptados ou substituídos por outros procedementos de avaliación dos cales se informará coa debida antelación.
• O alumnado de ESO que ten materias pendentes de cursos anteriores: deberá seguir co plan de recuperación establecido. Neste caso, os exames realizaríanse a comezos do mes de xuño, e non en maio como estaba previsto.
• A información básica sobre a adaptación das programacións didácticas para o remate do curso 2019-20 (tanto de aprendizaxes e competencias como de criterios de avaliación e cualificación) será publicada nesta web a mediados do mes de maio.

As instrucións definitivas da Consellaría de Educación sobre o desenvolvemento do 3.º trimestre deste curso pódense consultar aquí: https://www.edu.xunta.gal/portal/node/30936

O Consello da Xunta acordou na súa última xuntanza poñer a disposición dun milleiro de familias con dificultades de conexión, un ordenador portátil e unha conexión á rede, para facilitarlle a este alumnado o seguimento da actividade educativa.

Esta medida está dirixida a alumnado de Secundaria, Bacharelato e Formación Profesional.

O CPI de San Vicente ven de recibir tres equipos, que se facilitarán no día de mañá como préstamo persoal ata que remate o presente curso escolar.

A dirección deste centro, seguindo os criterios que nos indicou a Consellaría de Educación, seleccionou as 3 familias de ESO beneficiarias desta axuda, sendo conscientes de que esta medida é insuficiente para atender a todas as familias que o precisarían e tan apurada que nos forzou a tomar unha decisión rápida, dado que temos que entregar os equipos antes das vacacións, tal e como tamén se nos indica nas instrucións da Consellaría.

Esperamos que se amplíen estas medidas á volta das vacacións e que o noso alumnado poda resultar beneficiado de novo.

De todas as novidades que se produzan teredes información actualizada nesta páxina web.

A dirección deste centro quere tamén dar as grazas a todas as familias pola súa comprensión e colaboración nestes momentos tan difíciles e transmitirlles todo o apoio e o ánimo posible, desexando que a normalidade non tarde en voltar ás nosas vidas.

AVISO IMPORTANTE

Estimadas familias, 

As direccións dos centros educativos de Galicia vimos d recibir unhas INSTRUCIÓNS SOBRE A CONCRECIÓN DE MEDIDAS A ADOPTAR EN RELACIÓN COA AVALIACIÓN DO SEGUNDO TRIMESTRE.

Nestas instrucións se nos indica que procedamos a formalizar o peche da avaliación do segundo trimestre antes do venres 3 de abril. 

Tamén se nos informa de que "non serán avaliables as actividades relacionadas cos contidos curriculares realizadas polo alumnado con posterioridade á data de declaración do estado de alarma", é dicir, que as cualificacións dos vosos fillos e fillas obteranse a partir das tarefas, acitividades e probas realizadas con anterioridade ao venres 13 de marzo. 

Debido ás medidas de confinamento establecidas polo Goberno de España, non se poderán recoller no centro os boletíns de notas. Isto significa que só poderedes coñecer as cualificacións dos vosos fillos e fillas a traves do Espazo Abalar. 

A descarga da aplicación Abalar Móbil faise de xeito sinxelo desde Apple store (se o sistema operativo é IOS) ou desde Play Store (se o sistema operativo é Android). A instalación é moi sinxela dado que só vos pedirá o voso DNI e logo vos proporcionará un contrasinal que vos permitirá acceder sen dificultade a toda a información académica dos vosos fillos e fillas. 

Se non queredes instalar a aplicación, tamén podedes acceder á información académica dos voso fillos na páxina de Espazo Abalar. Neste caso, teredes que identificarvos con DNI electrónico ou Certificado da CNMT. 

Grazas pola vosa comprensión e, ante calquera dúbida:

• escribide á nosa dirección de correo-e: cpi.san.vicente@edu.xunta.gal
• chamade ao 881867001/881867004 de luns a venres de 10:00 a 13:00.