Suxestións para tempo de lecer

 PREME NA IMAXE SE QUERES CONSULTAR O PROGRAMA DO SALÓN DO LIBRO EN PONTEVEDRA

O próximo venres 24 de marzo ás 18 horas, na Biblioteca Municipal de Gondomar, poderemos disfrutar dunha nova sesión de Contos en Cueiros para acompañar aos nenos e nenas de 0 a 3 anos no seu inicio coa lectura. A punto do cambio de estación, "Chegou a primavera!" será a sesión nesta ocasión. 

A actividade precisa inscrición previa para poder respectar a capacidade da sala e o benestar dos asistentes á actividade. A entrada será, coma sempre, de balde.

Criterios de inscrición:

Contamos cun aforo limitado a 20 bebés acompañados de 1 persoa adulta. Os criterios de inscrición son os seguintes:

– Terán prioridade os fillos/as de socios e socias de Espazo Lectura, por orde de inscrición.

– Para inscribirse cómpre enviar un correo antes das 12:00 horas do mércores 22 de marzo a contosencueiros@gmail.com e facilitar:

• o nome do bebé
• o ano de nacemento: nenos/as de 0 a 3 anos nacidos en 2020 ou despois
• o nome da persoa adulta que o vai acompañar
• un teléfono de contacto (para avisar en caso de quedar en lista de espera)
• en caso de ser socios/as de Espazo Lectura, o nome do socio/a

– Lembrade que é importante facilitar todos os datos que se solicitan na inscrición. 

– Todas as persoas que se inscriban deben esperar un correo de confirmación para saber se finalmente teñen praza (este correo de confirmación non se enviará antes do remate do prazo de inscrición).

Animádevos a participar!