IES Antonio Fraguas

Todos os membros do Equipo de Igualdade e Apoio LGTBIQ+ traballamos arreo para conmemorar esta data tan importante como se merece. Seguindo a idea da nosa compañeira, Carla Rozas, elaboramos a nosa propia versión da obra da artista conceptual Jenny Holzer, con frases e nomes reivindicativos escritos en papeis moi coloristas. A rapazada foi a encargada de facer unha playlist en Spotify cheíña de cancións ben fermosas sobre mulleres loitadoras. Dende a Biblioteca do centro quixeron achegar a súa propia escolma de libros que rachan cos estereotipos de xénero. Incorporamos tamén a proposta de Tere Casal con frases célebres feministas ditas por homes con moita relevancia na esfera internacional. Ademais, sumámonos á iniciativa de visibilizar mulleres trans que desenvolveu a  Fundación ARELAS, a asociación de familias de menores trans. Tamén contamos cunha pequena presentación de mulleres importantes no eido científico e rematamos cunha representación de mulleres bravas da cultura galega ao longo da historia. Podes ver todo isto recollido neste vídeo. SEGUIMOS EN LOITA, COMPAÑEIRAS. FELIZ DÍA!!!

  Co gallo do 8 de marzo, o alumnado de ITI (Investigación e Tratamento da Información) de 2º ESO elaboramos a liña do tempo colaborativa "Mulleres científicas ao longo da Historia". Cada integrante do grupo escolleu unha científica e prestoulle a súa voz para facer unha breve presentación dos aspectos máis relevantes da súa vida e da súa contribución á Ciencia.

Invitámoste a entrar nesta liña do tempo premendo sobre a seguinte imaxe e escoitar as científicas (coas nosas voces) da selección que fixemos.

   Despois de escoitalas, animámoste a xogar no seguinte enlace:

As persoas autoras deste traballo somos:

Coa axuda das profesoras Lupe García e Sonia Iglesias

Programa "Especial Entroido" da canle Fraguas TV, no que podemos ver os vídeos enviados polo alumnado para participar no Concurso de Vídeos de Entroido 2021:

Video conmemorativo do Día Inernacional da Muller e a Nena na Ciencia (11 de febreiro) que puxemos esta semana na TV da entrada do centro. Organizado polo equipo de Igualdade e apoio LGTBIQ+.  

Convócase o "Concurso de Vídeos de Entroido 2021", descarga as bases e a autorización de imaxes. Lembra que para participar deberás enviar o vídeo e a autorización ao email fraguastv@gmail.com 

Sanidade determina realizar un cribado masivo entre TODO O ALUMNADO (ESO e BACHARELATO) e ao profesorado. No video se indica só á ESO pero finalmente será tamén ao bacharelato:

Preme para ver o programa "Especial Nadal", emitido o pasado 22 de decembro, en directo, dende Fraguas TV:

Hoxe venres 4 de decembro, o Equipo de Igualdade propuxo vir ao centro con saia, para rachar cos estereotipos de xénero.

A mellor prevención contra a violencia machista é sempre unha educación que desbote prexuízos e estereotipos de xénero. Desde o IES Antonio Fraguas queremos achegar o noso gran de area para que poidamos deixar de lembrar o 25N, Día contra as violencias machistas. É por iso que nos unimos baixo este lema proposto polo alumnado de 1° de bacharelato B, xa que, como comunidade educativa, compartimos e comprendemos que a base dunha sociedade igualitaria é a coeducación.

Hoxe 25 de novembro, no primeiro recreo, alumnado e profesorado realizaremos unha concentración simbólica no patio para rexeitar todos os tipos de violencia contra as mulleres e en defensa dun mundo xusto e igualitario.

Os lemas que aparecen nos laterais da nosa web foron propostos polo alumnado do centro no concurso organizado pola equipa de igualdade, no que o lema central foi o gañador. (A votación final realizouse na conta de Instagram)