ESO

Consulta o calendario latino na entrada do instituto

O luns 1 de febreiro coa sesión “Transformando imaxes: anamorfose”, a cargo de Covadonga Rodríguez-Moldes, dan comezo as actividades formativas do Programa de Excelencia que recentemente foille concedido ao IES Mugardos.

Este programa ten tres liñas de actuación: a organización e celebración do V Premio Estudo e Deporte, a posta en escea dunha obra teatral con alumnado de 1º de bacharelato dirixida pola profesora de Música Olga Cabalar, e o programa formativo ESCALA NA ESCOLA co que se pretende darlle resposta ao alumnado con maior capacidade e motivación para aprender e que consta de 14 sesións coas que se perseguen, para o alumnado de 2º e 3º de ESO participante, os seguintes logros:

·       Acrecentar e consolidar o seu afán de curiosidade

·       Darlle a coñecer e por en práctica distintos métodos, técnicas e procedementos de traballo intelectuais.

·       Estimulalo e apoiar o gusto por aprender.

·       Contribuír a desenvolver as súas capacidades.

·       Ampliar a súa formación con temas interesantes e motivadores que non formen parte do currículo escolar.

·       Aumentar a súa implicación nas actividades do centro.

Como novidade este ano, as sesións están abertas a calquera persoa interesada en asistir  que conte coa  autorización do profesorado responsable.

 Texto da Declaración Universal dos Dereitos Humanos

A dirección do IES de Mugardos convídao á presentación dos programas previstos para este curso.

• Programa de mellora de coñecementos para acadar a excelencia, dirixido a alumnado de 2º. e 3.º ESO.
  Luns, 7 de decembro, ás 16:30 horas
  
  

  ---

•  Programa de Reforzo, Orientación e Apoio (PROA) dirixido ao alumnado de 1.º e 2º ESO.
  Luns, 7 de decembro, ás 17:00 horas
  
  

Actualización:

Diplomas aos equipos da xincana deportiva.

Como en anos anteriores, a celebración do magosto incluíu o reparto de castañas ofrecidas pola ANPA e a organización da xincana lúdica. Ademais, o alumnado de 4.º ESO repetiu a venda de produtos para recadar fondos para a excursión de fin de curso.

Coa reunión desta tarde dos "adultos" xa están en funcionamento todos os clubs de lectura que neste curso acada por primeira vez catro grupos. A principal novidade é o ENGLISH CHAT, coordinado pola profesora Gabriela Sánchez e que xa vai pola súa segunda reunión con gran éxito de participantes.

Esta semana tamén fixeron o propio un nutirido grupo de 1.º ESO que xunto co grupo de 2.º ESO toman o relevo do denominado club A Boca do Lobo, coordinados pola profesora e bibliotecaria Begoña Allegue.

Felices lecturas!!!

A BOCA DO LOBO

ENGLISH CHAT wher you can have fun and improve your English as you chat.

O mal tempo non foi impedimento para que os alumnos/as de 3.º ESO realizaran este luns, 19 de outubro, o percorrido de senterismo polas Fragas do Eume organizada polo Departamento de Educación Física.

Lecturas obrigatorias e recomendadas
por curso e departamento

Este mércores os alumnos/as  de 1.º e 4º de ESO realizaron a ruta da "Fervenza do río Belelle". O percorrido de algo máis de dez quilómetros serviu para reforzar o programa de apadriñamento e amadriñamento entre as diferentes promocións do instituto.

Adaptación rap del poema de GABRIEL CELAYA.
Voces: Lupa Pérez y Marica López
Alumnado de 4.º ESO

Antes de rematar o curso, o alumnado de 2.º ESO coa súa titora Gabriela Sáchez organizaron o primeiro Masterchef do instituto. Por equipos foron elaborando as súas receitas, previamente redactadas e traballadas nas clases de inglés, e realizando unha pequena exposición e degustación do produto final.

O ingrediente principal foron as froitas e o bo humor. O próximo curso, máis vitaminas!!!

 Imaxes na galería

Unha boa representación do equipo de gravación da curtametraxe "Sen batería" asistiu á gala de entrega dos premios Olloboi de audiovisual escolar celebrada este sábado en Boiro. Aínda que non resultamos gañadores nas categorías nas que o noso vídeo seleccionado, foi unha grande experiencia. Parabéns, equipo!!!

Este venres o alumnado de 3.º ESO e máis os Clubs de Lectura realizaron unha excursión a Santiago de Compostela. Durante a mañá, repartidos en varios grupos, desenvolveron unha actividade de capturas fotográficas pola cidade vella. Mentres tanto, os do club de lectura visitaron a Biblioteca Ánxel Casal e acheegáronse ata a libraría Couceiro onde recibiron explicacións sobre a confección e encadernación clásica de libros.

Pola tarde, realizaron unha visita guiada ao Museo de Historia Natural da USC. O guía de honor foi tamén un mugardés e ex-alumno do centro Daniel Castro.

Fotos na Galería

AS.PA.NE.MI é a Asociación de Pais de Nenos con Minusvalías que apoia a campaña de recollida de tapóns solidarios para Alba. Trátase dunha rapaza de 17 anos con orixe familiar na nosa comarca que padece unha enfermidade chamada ataxia-telangectasia (Ver información en AEFAT).

Esta mañá, a presidenta de AS.PA.NE.MI, Monse Fraga e Mari viñeron buscar os tapóns recollidos ao longo do curso na entrada do instituto e contáronnos como vai a campaña "Alba la promesa". Ademais de agradecer a todas as familias a súa solidariedade e animar a todos a participar co pequeno xesto dun tapón, explicáronos cuestións sobre a reciclaxe do plástico.

No último tráiler enviado á planta de reciclaxe sumaron máis de dez toneladas de plástico. Todo un récord de peso debido ao traballo de selección e limpeza que realiza a propia avoa de Alba e moitos colaboradores. O prezo foi de 250 euros e o total recadado destínase a sufragar a consulta e o tratamento experimental cun especialista.

Por último, enterámonos que recentemente Alba foi operada nun nocello e de momento non pode asistir ás clases no seu instituto. Desde aquí enviámoslle un afectuoso saúdo e algúns quilos de tapóns co cesexo de que se recupere axiña.

1.º ESO

Alumnos de 3.º ESO coa profesora Covadonga Rodríguez-Moldes atenderon o stand do noso instituto na Feira da Matemáticas, celebrada este sábado na Coruña. Coa particiàción do público conseguiron realizar a 5.º interacción da alfombra de Sierpinski.

Fotos na galería Díptico explicativo

Esta mañá o alumnado de 1º e 2º ESO participou, conxuntamente con outros centros educativos de Mugardos e Ares, na actividade deportiva de duatlón escolar polas rúas de Ares. Parabéns aos participantes e aos organizadores.