Benvida á web do IES Escolas Proval

Enviado por iesproval o Mér, 2006-11-08 12:50

Avda. Portugal, 171 / CP 36370, Nigrán (Pontevedra)

 Correo electrónico:ies.escolas.proval@edu.xunta.es

Tlfs.: 886 11 03 69 Fax: 886 11 03 74


Fondo solidario de libros de texto, adquisición de libros e material escolar

Enviado por iesproval o Xov, 2016-05-19 06:03

Publicouse no DOG do 16 de maio a Orde do 27 de abril de 2016 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2016/2017.

O prazo remata o 23 de xuño.

Mais información e impresos nos arquivos adxuntos.

 

( categories: )

Exames da convocatoria extraordinaria de maio - ESA

Enviado por iesproval o Mér, 2016-05-18 14:56

No ficheiro adxunto indícanse os exames da convocatoria extraordinaria de 1º e 3º de ESA

Rógase ao alumnado que sexa puntual.

Xefatura de estudos de adultos

Semana das Letras Galegas

Enviado por iesproval o Mar, 2016-05-17 21:36

 Manuel María Fernández Teixeiro é o homenaxeado este ano no Día das Letras Galegas.

 Dende o IES Escolas Proval unímonos a esta celebración coas seguintes actividades:

  • Mércores 18 de maio (5ª, 6ª sesións): concerto de Arremecághona Monobanda.
  • Xoves 19 de maio (5ª sesión): conferencia de Manuel Núñez Singala: "En galego, por que non?"
  • Venres 20 de maio (6ª sesión): concerto do alumnado do noso IES dirixidos pola profesora Paula Carreras Silva.

 Póde consultarse máis información destas actividades no ficheiro adxunto.

 

Moda ética.

Enviado por iesproval o Mar, 2016-05-03 12:25

Os irmáns Patricia e Francisco Soto, La Canalla, son responsables dun taller que confecciona empregando tecidos de excedentes de producción ou de producción orgánica. Visitaron recentemente o noso centro para visibilizar a súa labor a prol do que agora se da en chamar "moda ética". 

  Os alumnos e alumnas tiveron a oportunidade de coñecer unha iniciativa que pretende concienciar sobre a roupa fabricada baixo criterios de sostibilidade nas materias primas, salarios xustos para os traballadores e cero de contaminación no proceso de fabricación. Mediante dinámicas de grupo traballouse con prendas indagando acerca da súa procedencia e custo. Logo púxose en común a información e abriuse un debate e rolda de preguntas.

  Nas semanas previas traballáronse na aula os hábitos de compra de roupa do alumnado de nocturno con diversas actividades:

- O alumnado de 4º ESA A fíxolles enquisas a todo o alumnado do nocturno sobre este asunto e despois expuxeron os resultados mediante gráficos.

- Todo o alumnado tivo a oportunidade de consultar páxinas web que ilustran sobre esta temática.

- Pasáronselles uns vídeos en todas as aulas sobre esta temática.

   Unha iniciativa sen dúbida  valente e que ogallá se estenda rápidamente a outras empresas e sectores.

   Consulta o álbum de fotos desta actividade.

( categories: )

Natale di Roma

Enviado por iesproval o Mar, 2016-05-03 00:23

 

  O pasado 21 de abril cumplíronse os 2769 anos da fundación de Roma.

 

   E para celebralo, dende o departamento de linguas clásicas organizaouse unha degustación de productos clásicos da gastronomía de Roma. Aqui pode verse unha escolma dos mellores productos que elaboraron alumnos de bacharelato e que poido degustar toda a comunidade educativa.

 

 

 

Edipo Rei

Enviado por iesproval o Ven, 2016-04-29 11:32

Edipo Rei de Sofocles. A terrible e triste historia dun home, pai e irmán dos seus propios fillos, fillo e esposo da mesma muller, que descobre que matou ao seu pai.

 

Unha auténtica traxedia grega á que, no marco das Xornadas de Teatro Grecolatino organizadas pola Sociedade Española de Estudios Clásicos, asistiron 49 alumnos de 4º ESO e 1º, 2º de Bacharelato de Humanidades. Foi o 11 de abil no Auditorio de Ourense.

 Neste enlace pode consultarse a galería fotográfica deste envento.

Gañadores do torneo de Hóckey

Enviado por iesproval o Ven, 2016-04-29 09:02

  Rematado o torneo de hockey. que se desenvolveu durante os segundos recreos, resultou gañador o equipo Seco Nuggets. Pode consultarse a clasificación no documento adxunto.

  Trátase dunha actividade que, organizada e coordinada polo Departamento de Educación Física, busca dinamizar o recreo para aumentar a actividade física deportiva, potenciar o desenvolvemento das relacións interpersoais e da educación en valores así como motivar ao alumnado na realización de actividade física.Todo eso encadrado nun proxecto global de promoción de estilos de vida saúdables que se realiza no centro e que inclúe, entre outras accións, outras competicións deportivas ou as Semanas  da Froita.

Calendario de exames 2º Bacharelato

Enviado por iesproval o Xov, 2016-04-28 08:58

Podedes consultar os días e horas dos exames, e datas da PAU, no arquivo adxunto.

( categories: )

2º premio no Concurso Galego de Robótica 2016

Enviado por iesproval o Mar, 2016-04-26 17:23

Parabéns aos alumnos Sergio Prado, Iago Pena e Juan Martínez de 1º de Bacharelato e ao seu profesor Ricardo Santos, polo 2º premio acadado nesta edición do Obradoiro-Concurso de Robótica organizado pola Fundación Barrié e Igaciencia.

 

  Pode consultarse o álbum deste evento así como as reseñas de Igaciencia (con abundante información) e da prensa.

Distribuir contido