Este ano o Día das Artes Galegas (1 de abril) estivo dedicado ao escultor cambadés Asorey. Con este motivo, o alumnado de 1° e 2° achegouse ata Santiago co fin de realizar un roteiro para coñecer algunhas das súas esculturas máis emblemáticas coa guía de Mercedes Espiño. Tamén houbo tempo para comer nas Cancelas, visitar o Panteón de Galegos Ilustres, o Mupega e o Auditorio de Galicia. Neste último edificio puideron ver a mostra "#Punctum, beliscos de BD na arte contemporánea galega", unha exposición que percorre a obra das artistas da novela gráfica en Galicia.

 [Podedes ver as fotos da saída neste álbum]

 

 

 

Ver esta publicación en Instagram

Una publicación compartida de IES Faro das Lúas (@ies.faro.das.luas)

Os nosos compañeiros Manuel Noya e Fran Arenas foron seleccionados para formar parte dun proxecto Erasmus en Rumanía! Despois da súa participacións nos Encontros mozos auspiciados pola asociación Arousa Moza, foronelixidos, xunto con outr@s moz@s de Arousa, para representar á mocidade de Vilanova formando parte deste proxecto Erasmus chamado FYOUFUTURE GROWTH. Así que alá se nos van, a Brasov, Rumanía, xunto con outros mozos e mozas de Italia e Rumanía. Será unha oportunidade fantástica de aprender, coñecer un novo país, facer novos amigos e practicar moooito inglés!
Parabéns, rapaces, e pasádeo en grande! Moitas grazas a @arousamoza pola iniciativa e por contar co alumnado do IES Faro das Lúas.

Xa podes solicitar a bolsa de estudos se vas cursar Bacharelato ou un Grao de FP o próximo curso.

• Cando podes solicitala? Do 19 de marzo ata o 10 de maio (ás 15:00 horas)

• Onde se solicita? Paso 1: Entra na sede electrónica          

                                Paso 2: Rexístrate

                                Paso 3: Enche o formulario

• Que requisitos me piden? Preme aquí para consultalos requisitos  académicos e económicos

• A que me comprometo se me dan unha bolsa de estudos? Consulta aquí cales son as túas obrigas.

Se queres solicitala e tes algunha dúbida ou precisas axuda, non dubides en preguntar en Secretaría ou en Orientación.

Accede a toda a información dispoñible na web do Ministerio premendo na imaxe.