Skip to Content

Complementarias

Programa de radio no Día das Letras Galegas

Dom, 19/05/2024 - 14:01
Álbum: CURSO 2023/24 -> Programa de radio

Dentro dos actos de celebración do Día das Letras Galegas 2024 o 16 de maio emitiuse desde a biblioteca do instituto o programa "Hoy por hoy" de Radio Coruña Cadena Ser dedicado a Luísa Villalta. Alumnado de 1º de ESO e de 1º de Bacharelato colaborou facendo lecturas sobre a súa vida e de diversos textos da súa obra e incluso aportando algunha peza musical.

Homenaxe a Luísa Villalta

Mér, 15/05/2024 - 10:23
Álbum: CURSO 2023/24 -> Homenaxe a Luísa Villalta

O 13 de maio tivemos na biblioteca do Isaac Díaz Pardo un acto de homenaxe á figura de Luísa Villalta, antiga profesora do noso centro. Ademais de presentar a guía didáctica feita por profesorado e alumnado, o acto contou coa presenza e as palabras de familiares da homenaxeada; de Benito Portela, alcalde do Concello de Sada, e membros da corporación municipal; de María Dolores Sanchez Palomino, académica de número da Real Academia Galega; e da nosa directora María Sol Doval. O acto rematou coa interpretación duns poemas de Luísa versionados polo músico local Paris Joel.

II Olimpíadas de Teleco

Mar, 07/05/2024 - 09:28

Novo éxito nas II Olimpíadas nacionales de Telecomunicacións. Candela Naya López, alumna de 2º de Bacharelato conseguiu o terceiro posto da categoría individual da fase local. Recibiu o premio este venres en Vigo, de mans de Benito Paz, CTO de Televés. Parabén Candela.

Actividades complementarias de maio

Mar, 30/04/2024 - 15:16

- Día 2: Taller de educación afectiva e sexual. (2º ESO)

- Día 8: Participación na fase nacional das Olimpiadas de Teleco (1º Bach)

- Día 9: Visita á Escola de Camiños e ao CITEEC. (4º ESO)

- Días 9, 10: Actividade Reserva da Biosfera: Debuxando a natureza. (1º ESO)

- Día 10: Visita polo contorno para o observación da súa flora. (1º Bach)

- Día 10: Charla da escritora Esperanza Mariño. (1º Bacharelato)

- Día 10: Visita a Pontedeume. (3º ESO e 4º PDC)

- Día 13: Obradoiro de creación lírica. (1º ESO)

- Día 13: Acto institucional sobre Luísa Villalta.

- Día 15: Celebración do día das Letras Galegas no paraninfo da UDC.

- Día 16: Emisión en directo da Cadena Ser desde o instituto.

- Día 20: Concerto de París Joel. (4º ESO)

- Día 20: Rafting. (1º Bacharelato)

- Do 27 ao 31: Semana da ciencia.

- Día 28: Visita á fábrica de Bonilla. (1º Bacharelato)

- Día 30: Xornada de elaboración e degustación de crêpes. (2º ESO)

- Día 30: Surf. (1º ESO)

- Día 31: Campaña contra a basuraleza: limpeza da praia de Sada. (4º PDC)

II Olimpíadas de Teleco

Sáb, 27/04/2024 - 12:00

Éxito en Vigo do alumnado de Tecnoloxía e Enxeñería de 1º de Bacharelato nas II Olimpíadas de Teleco, na modalidade equipos co seu proxecto LixoAndGo, que conseguiu o primeiro premio, quedando clasificado para representar a Galicia na fase nacional.
LixoAndGo é un punto limpo portátil e automatizado que permite facilitar ao usuario o depósito de residuos axudando a evitar a contaminación.

Concurso literario

Mar, 23/04/2024 - 14:00

O 23 de abril o Departamento de Lingua Castelá e Literatura entregou os premios do V Concurso Literario en conmemoración do día do libro.

Os premiados con cheques para a compra de libros foron:

- Categoría 1º, 2º e 3º ESO: Mateo García (1º premio) e Olga Rey (2º premio).

- Categoría 4º ESO e Bacharelato: Jimena Soutiño (1º premio) e Sául López (2º premio).

Día da Educación Física na Rúa

Xov, 18/04/2024 - 14:19

O 17 de abril celebramos o Día da Educación Física na Rúa 2024, este ano co lema "Educación Física e saúde mental", con distintas actividades lúdico-recreativas que tiveron lugar no paseo marítimo de Sada. Na xornada participou o alumnado de 1º ESO do noso centro xunto co dos outros centros educativos da nosa localidade: CEIP O Mosteirón, CEIP Pedro Barrié de la Maza, IES O Mosteirón e CEIP Sada y sus Contornos. A actividade contou coa colaboración do Concello de Sada na súa organización e a participación de distintos clubes deportivos: Club Taekwondo Sada, Club Atletismo Sada, Club Salvamento Sada, Sadanza e Karts Manolo.

Olimpiada de Camiños

Lun, 15/04/2024 - 13:48

Alumnado de 2º de ESO participou o pasado venres 12 de abril na fase local da VI Olimpíada de Enxeñería de Camiños Canais e Portos. Aínda que non conseguiron a vitoria, os dous equipos obtiveron moi boa puntuación superando retos relacionados coas construcións civís.

Actividades complementarias de abril

Ven, 22/03/2024 - 15:06

- Do 3 ao 9: Concurso de derivadas. (2º Bach)

- Día 4: Roteiro Rosaliano. (1º Bach)

- Días 4 e 5: Programa de sexualidade e autocoñecemento. (3º e 4º ESO)

- Do 5 ao 12: Recepción de alumnado dentro do intercambio de francés. (4º ESO e 1º Bach)

- Do 5 ao 14: Viaxe a Hamburgo dentro do intercambio de inglés. (2º ESO)

- Día 9: Clases sen fume. (1º ESO)

- Días 9 e 10: Programa de sexualidade e autocoñecemento. (3º e 4º ESO)

- Día 12: Participación na Olimpiada Nacional de Enxeñería de Camiños. (2º ESO)

- Do 14 ao 20: Programa de inmersión lingüística "Spring Week" (3º ESO).

- Día 17: Educación Física na Rúa. (1º ESO)

- Día 18: Navega con Rumbo. (1º ESO)

- Días 18 e 25: Taller de educación afectivo sexual. (2º ESO)

- Día 23: Fallo do concurso literario do Día do Libro.

- Día 26: Participación nas Olimpiadas de Teleco. (1º Bach)

- Día 29: Taller de educación financeira. (4º ESO)

- Día 29: Programa de sexualidade e autocoñecemento. (3º e 4º ESO)

- Días 29 e 30: Charlas sobre cultura inglesa.

8 M

Ven, 08/03/2024 - 14:33

Celebramos o día da muller inaugurando unha exposición sobre o papel pioneiro das mulleres na ciencia e na tecnoloxía. Traballo elaborado polo alumnado de Tecnoloxía e Dixitalización de 1º ESO e a profesora Susana García.

Distribuir contido


by Dr. Radut