Skip to Content

SARA MICHIELETTO: EMOTION FOR CHANGE

EMOCIÓN PARA O CAMBIO:

Un evento sobre o cambio climático tivo lugar no auditorio de Ribeira o día 13 de novembro de 2019, coa participación de alumnado de 3º, e 4º da ESO, así coma alumnado de 1º de Bacharelato. Realmente foi un acto grandioso de participación, de involucrarse, de emocións, de sentimentos, de concienciación.

Contamos ademais no escenario con unha grande violinista: Sara Michieletto. Unha artista de renome internacional, que conta con actuacións no teatro da Fenice en Venecia, así como na BBC de Londres.

Emoción para o cambio é ese cambio emocional que é preciso para arranxar o mundo, para a concienciación sobre que so hai un planeta que debemos preservar para as futuras xeracións, de que non existe planeta B, de que non ten límites nin recursos infinitos, de que o consumismo actual nos está levando o colapso da natureza, as especies animais e os recursos minerais.

Emoción para o cambio é o sentimento de preservación da natureza e das especies, porque de non sentir emoción, a próxima especie en extinción será a humana.

A humanidade tardou trinta séculos en coller impulso…; Quédanlle tan só trinta anos para frear a súa caída antes do abismo.

 

O CREPÚSCULO DA TERRA

 

Quizais se trate dun pensamento

acugulado con ideas vagas!

baralladas sen fundamento?

Non, non é un pensamento

o certo é, que a Terra remata.

Non quero só expresar un lamento,

tamén farei unha denuncia alporizada,

que o imparable percorrer do tempo

dará paso ás circunstancias;

axiña toparemos cos temibles feitos

que deixarán á Terra sen nada.

Miles de botafumeiros industriais

ofuscan con insolencia ceos e mares,

e algúns ata se atreven sen pesadume,

a fumaren con chemineas nucleares.

Vertidos radioactivos e ferruxentos

con fumes porcos, ademais de noxentos.

Acadaremos por deixar ós nosos herdeiros

un futuro nun vertedoiro xigante.

E non rematan aquí os únicos males,

tamén centos de árbores asasinamos.

Se permitimos que o pulmón sexa taxado,

eu me pregunto: ¿de que aire respiramos?

Aladino C. Barros Doporto

 

 

SARA MICHIELETTO: EMOTION FOR CHANGE


image | by Dr. Radut