Taboleiro

Alumnado e profesorado do IES Leliadoura achegámonos o pasado xoves día 27 de febreiro até a Cidade da Cultura para visitar a exposición Galicia, un relato no mundo, convidados/as polo departamento de Normalización Lingüística do Concello de Ribeira. Encantounos toda a exposición, pero quedamos fascinadas/os pola "Santa", una escultura en madeira policromada de Francisco Asorey que leva preto de 70 anos no Uruguai.

O luns 11 de febreiro os grupos de 4º ESO e 1º Bacharelato tiveron dúas actividades culturais en Santiago organizadas polo Departamento de Lingua Galega e Literatura.

Durante estos días temos nas dependencias do noso centro a exposición de AMNISTIA INTERNACIONAL, VALENTE, na que se recollen as historias reais de moitas mulleres, de distintos lugares do planeta. Con ela pretenden visibilizar que "en todas as rexións do mundo, as defensoras dos dereitos humanos fan fronte a formas de violencia por motivos de xénero, ademais dos ataques que outros defensores poidan sufrir, como violencia sexual e ameazas, fustrigación e campañas de difamación vinculadas á súa condición de mulleres."

Este pasado martes visitounos o escritor santiagués Héctor Cajaraville. Como el ben nos explicou, empezou a escribir tarde, pero con moi bos resultados xa que gañou varios premios de Literatura. Entre eles, o recibido polo libro de lectura recomendado en 3º da ESO A caixiña dos rancores, Premio Raíña Lupa de Literatura Infantil e Xuvenil, 2015, ou Denébola a roxa, outra obra gañadora dun premio, o Meiga Moira 2016,