Xeografía e historia |
Hoxe, 14 de maio, coñecemos un pouco mellor Lugo para coñecérmonos máis a nós mesmos. As rúas e prazas da cidade milenaria, a muralla romana e os seus museos e centros de interpretación desvelaron algúns dos seus segredos para o alumnado de 2° ESO e de Latín de 4° ESO nunha saída didáctica organizada polos Departamentos de Xeografía e Historia, Lingua Castelá e Lingua Galega. Os estudantes visitaron a Sala de Exposicións Porta Miñá, o Espazo Sub Terra Aquae e o Centro Arqueolóxico San Roque da man do persosl do Concello. Logo, no Museo Provincial, e a partir dos relatos de Carlos Negro, Andrea Maceiras, Anxo Fariña e Ledicia Costas lidos previamente nas aulas, completaron un xogo de pistas que os levou a coñecer pezas e cadros de diferentes épocas: o carneiro alado de ouro e torque de Burela, os cadros de Fernández Montenegro, mosaicos, moedas, estelas e xogos romanos, a "Mariscala" que encadeou a Pardo de Cela... Despois de comer a cuberto no Mercado Municipal, o alumnado dividiuse en grupos para seguir as pistas da aplicación do Lugo romano desenvolvida polo Colexio Galén. Finalmente, un breve paseo pola Muralla despediunos de Lugo ata unha próxima ocasión. |
|||
Fonte da fotografía: Faro de Vigo. Dende hai xa algunhas semanas un grupo de alumnos e alumnas de 3º ESO, xunto coa súa profesora Rosario e o seu profesor Marcos, están a colaborar en "As historias non contadas", un proxecto educativo promovido polo CIM da Estrada no marco do Pacto do Estado contra a Violencia de Xénero co obxectivo de que a mocidade elabore os seus propios programas radiofónicos para visibilizar as historias e as achegas da muller en diversos campos. En formato podcast, e co impulso de APAIOGA (Asociación Profesional de Axentes de Igualdade de Oportunidades Galega), os programas están dispoñibles na canle A Ollada da Sospeita así como en Radioestrada. |
|||
O alumnado de 1º de ESO visitou o Parque Arqueolóxico de Campo Lameiro, nunha saída organizada polo departamento de Xeografía e Historia. Alí puideron coñecer de primeira man un dos xacementos máis importantes da prehistoria galega. A visita comezou cunha pequena andaina, para ir observando unha das pegadas máis interesantes que deixaron os nosos antepasados: os petróglifos, eses pequenos gravados nas rochas con deseños xeométricos e naturalistas. A seguir, o alumnado visitou a recreación dun poboado da Idade de Bronce; e, xa para rematar a experiencia, participaron nun obradoiro de cerámica. Por unhas horas, convertéronse en oleiros para comprender o proceso de creación de pezas neolíticas. |
|||
|
|||
|
|||